ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵔⵥⴰⵎ ⵏ ⵜⴱⴰⵏⴽⵉⵡⵉⵏ ⵜⵉⴷⵣⴰⵢⵔⵉⵢⵉⵏ ⴷⴻⴳ ⵓⵣⵖⴰⵔ « ⵢⴻⵡⵄⴻⵕ »
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⴻⴷⵔⵉⵎⵜ, ⴰⴱⴷⴻⵔⵔⴰⵀⵎⴰⵏⴻ ⴱⴻⵏⴽⵀⴰⵍⴼⴰ, ⴷⴰⴽⴽⴻⵏ ⵜⵉⴽⵍⵉ ⵉ ⵓⵔⵥⴰⵎ ⵏ ⵜⵏⴻⴳⴳⵉⵡⵉⵏ (ⵡⴰⴽⴰⵍⴰⵜ) ⵏ ⵜⴱⴰⵏⴽⵉⵡⵉⵏ ⵜⵉⵏⴰⴳⴷⵓⴷⵉⵏ (ⵄⵓⵎⵓⵎⵉⵢⵢⴰ) ⵜⵉⴷⵣⴰⵢⵔⵉⵢⵉⵏ ⴷⴻⴳ ⵜⵎⵓⵔⴰ ⵏ ⵓⵣⵖⴰⵔ ⵜⴻⵡⵄⴻⵕ, ⵍⴰⴷⵖⴰ ⵖⴻⴼ ⵍⴵⴰⵍ ⵏ ⵜⴻⴳⵏⵉⵜ ⵜⴰⵎⵉⵔⴰⵏⵜ ⵏ ⵜⴱⴰⵏⴽⵉⵡⵉⵏ ⵜⵉⴷⵣⴰⵢⵔⵉⵢⵉⵏ.
ⵢⴻⵍⵍⴰ-ⴷ ⵡⴰⵢⴰ ⴷ ⵜⵉⵔⵉⵔⵉⵜ ⵉ ⵢⵉⵡⴻⵜ ⵏ ⵜⵓⵜⵜⵔⴰ ⵢⵓⵔⴰⵏ ⵙⵖⵓⵔ ⵢⵉⵡⴻⵏ ⵏ ⵓⵎⴰⵣⴰⵏ (ⵏⴰ’ⵉⴱ) ⵖⴻⴼ ⵓⵔⵥⴰⵎ ⵏ ⵜⵏⴻⴳⴳⵉⵡⵉⵏ ⵏ ⵜⴱⴰⵏⴽⵉⵡⵉⵏ ⵜⵉⴷⵣⴰⵢⵔⵉⵢⵉⵏ ⴷⴻⴳ ⵓⵣⵖⴰⵔ ⴰⴽⴽⴻⵏ ⴰⴷ ⵣⴻⵎⵔⴻⵏ ⵢⵉⴷⵣⴰⵢⵔⵉⵢⴻⵏ ⴰⵢ ⵉⵣⴻⴷⵖⴻⵏ ⴷⴻⴳ ⵓⵣⵖⴰⵔ ⴰⴷ ⵊⴻⵎⵄⴻⵏ ⵉⴷⵔⵉⵎⴻⵏ-ⵏⵙⴻⵏ ⴷⴻⴳ ⵜⴱⴰⵏⴽⵉⵡⵉⵏ-ⴰ, ⴰⴷ ⵙⵙⴻⴼⵜⵉⵏ ⵢⴻⵔⵏⴰ ⴰⴷ ⵜⵜⴻⴽⴽⵉⵏ ⴷⴻⴳ ⵓⵙⵏⴻⴼⵍⵉ (ⵜⴰⵏⵎⵉⵢⴰ) ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ, ⴷⵖⴰ ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⵜⴰⵎⵙⴰⵍⵜ-ⴰ ⵜⴻⵃⵡⴰⴵ « ⴰⴷ ⵉⴼⴰⴽ ⵓⵙⵎⴻⵙⴽⴻⵍ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⵉⵎⵉⵔ-ⴰ ⴷⴻⴳ ⵓⵃⵔⵉⵛ ⵏ ⵜⴱⴰⵏⴽⵉⵡⵉⵏ ».
ⴰⴼⴰⴽⵉ ⵏ ⵓⵙⵎⴻⵙⴽⴻⵍ-ⴰ (ⵉⵚⵍⴰⵃ) ⴷ « ⵛⵛⴻⵔⴹ ⴰⵢⵖⴻⴼ ⵓⵔ ⵜⴻⵍⵍⵉ ⵜⵔⴻⵡⵍⴰ » ⴰⴽⴽⴻⵏ ⴰⴷ ⵣⴻⵎⵔⴻⵏⵜ ⵜⴱⴰⵏⴽⵉⵡⵉⵏ ⴰⴷ ⵇⴰⴷⵔⴻⵏⵜ ⵉⵍⵓⴳⴰⵏ ⵉⴳⵔⴰⵖⵍⴰⵏⴻⵏ ⵢⴻⵔⵏⴰ ⴰⴷ ⵉⵍⵉⵏⵜ ⴷⴻⴳ ⵜⴻⴳⵏⵉⵜ ⴰⵢⴷⴻⴳ ⴰⴷ ⵣⴻⵎⵔⴻⵏⵜ ⴰⴷ ⵔⴻⵥⵎⴻⵏⵜ ⵜⵉⵏⴻⴳⴳⵉⵡⵉⵏ ⴷⴻⴳ ⵓⵣⵖⴰⵔ ⵢⴻⵔⵏⴰ ⴰⴷ ⵙⵔⴻⴱⵃⴻⵏⵜ ⵉⵙⵙⴻⴼⵜⵉⵢⴻⵏ-ⵏⵙⴻⵏⵜ ⴷⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵎⴰⵙⵙ ⴱⴻⵏⴽⵀⴰⵍⴼⴰ.
ⴰⴽⴰⵍⴰ-ⴰ (ⵎⴰⵙⴰⵔ) ⵏ ⵓⵔⵥⴰⵎ ⵏ ⵜⴱⴰⵏⴽⵉⵡⵉⵏ ⵜⵉⴷⵣⴰⵢⵔⵉⵢⵉⵏ ⴷⴻⴳ ⵓⵣⵖⴰⵔ ⴰⴷ ⵉⵃⴻⵜⵜⴻⵎ ⵖⴻⴼ ⵜⴱⴰⵏⴽⵉⵡⵉⵏ ⴰⴷ ⵙⵙⵏⴻⵏⵜ ⵎⵍⵉⵃ ⵜⵜⴰⵡⵉⵍⴰⵜ ⵏ ⵓⵙⵙⴻⴼⵔⴻⴽ (ⵜⴰⵙⵢⵉⵔ) ⴷ ⵓⵙⵙⵉⴷⵔⴻⵎ ⵏ ⵡⴰⵙⵙ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ, ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⴰⵢⴰ ⴷ ⵛⵛⴻⵔⴹ ⴰⵢⵖⴻⴼ ⵓⵔ ⵜⴻⵍⵍⵉ ⵜⵔⴻⵡⵍⴰ ⵉ ⵍⵎⴻⵏⴷ ⵏ ⵓⵙⵙⴻⵡⵙⴻⵄ ⵏ ⵍⴻⵛⵖⴰⵍ ⵏ ⵜⴱⴰⵏⴽⵉⵡⵉⵏ ⵜⵉⴷⵣⴰⵢⵔⵉⵢⵉⵏ ⵖⴻⵔ ⵓⵣⵖⴰⵔ. ⴰⵢⴰ, ⵖⴻⴼ ⵍⴻⵃⵙⴰⴱ-ⵏⵏⴻⵙ, ⵓⵔ ⵢⴻⵣⵎⵉⵔ ⴰⴷ ⴷ-ⵢⵉⵍⵉ ⴰⵍⴰ ⵙ ⵓⴽⵙⴰⴱ ⵏ ⵜⵎⵓⵙⵙⵏⵉ ⴰⵢ ⵉⵡⴰⵜⴰⵏ ⴷⴻⴳ ⵓⵙⵡⵉⵔ ⴰⴳⵔⴰⵖⵍⴰⵏ.
ⵎⴻⵏⵖⵉⵔ ⵜⵜⴰⵡⵉⵍⴰⵜ ⴷ ⵢⵉⵃⴻⵣⵣⵉⴱⴻⵏ ⵉⵜⵡⵉⵍⴰⵏⴻⵏ (ⵜⵉⵇⵏⵉⵢⵢⴰ), ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⵖ ⴷⴰⴽⴽⴻⵏ ⵢⴻⵙⵙⴻⴼⴽ ⵜⵉⴱⴰⵏⴽⵉⵡⵉⵏ-ⴰ ⴰⴷ ⵙⵄⵓⵏⵜ ⵓⵍⴰ ⴷ ⵜⴰⴷⵔⵉⵎⵜ ⴰⴷ ⵜⴻⵏⵜ-ⵢⴻⴵⴵⴻⵏ ⴰⴷ ⴰⴷⴼⴻⵏⵜ ⵖⴻⵔ ⵙⵙⵓⵇ ⴰⴱⴻⵕⵕⴰⵏⵉ, ⵉⵎⵉ ⵜⵓⴼⴼⵖⴰ ⵖⴻⵔ ⵓⵣⵖⴰⵔ ⵜⴻⵃⵡⴰⴵ « ⵕⴰⵙⴻⵍⵎⴰⵍ ⴷ ⴰⵎⴻⵇⵔⴰⵏ » ⵉ ⵍⵎⴻⵏⴷ ⵏ ⵓⵙⵙⴻⵣⴳⵉ ⵏ ⵜⴱⴰⵏⴽⵉⵡⵉⵏ-ⴰ ⵉ ⵢⵉⴱⴻⴷⴷⵉⵍⴻⵏ ⴰⵢ ⴷ-ⵢⴻⵜⵜⵉⵍⵉⵏ ⴷⴻⴳ « ⵜⵉⴳⵏⴰⵜⵉⵏ ⵜⵉⵎⴰⵢⵏⵓⵜⵉⵏ ».
