Asebter amenzawi

Noureddine Benaries yezmer ad yebdu urar deg MO Bgayet

LEZZAYER TAMAEɣT – Yezmer lḥal ad yebdu Noureddine Benaries urar deg wussan ay d-yetteddun deg teɣlamt n MO Bgayet (Tamɣunt Tamezwaurt tadzayrit) ɣef wakken ay aɣ-d-txebber ass n laṛebɛa tmehla n teɣlamt-a. Benaries la yetturar imir-a d alemmas n unrar amenṭag deg teɣlamt tafṛensist n Viry-Chatillon (CFA/taẓunt tafṛensist tis 4 n tcirt n uḍar).

Benaries (26 n yiseggasen) yurar 8 n temliliyin d teɣlamt-nnes deg uḥric amezwaru n tsemhuyt (mawsim), yerna yessadef ala yiwen n yiswi.

Amarir-a ad t-ɛerḍen yixeddamen itwilanen (tiqniyyin) n MO Bgayet akken ad ẓren ma t-id-ssidfen, ɣef wakken ay d-tenna tmehla (idara) n teɣlamt-a.

Menɣir Benaries, taɣlamt-a n Bgayet la tessefray daɣ ad d-tessidef alemmas n unrar adzayri-ačadi Morgan Betorangal.

Agraɣlan-a ačadi yesɛan 27 n yiseggasen yurar tasemhuyt yezrin deg teɣlamt n RC Laṛebɛa (Tamɣunt 1ut) sakkin, yeffeɣ seg teɣlamt-a deg tallit n tgersemhuyt. Imir-a atan yeqqim war taɣlamt.

Seg yidis niḍen, tamehla n teɣlamt ur tettɛeḍḍil ara ad tt-id-tefru ma yella ad tejmeɛ amenṭag (muhaǧim) Okacha Hamzaoui, neɣ uhu. Yezmer lḥal ad t-teǧǧ ad yeddu.

Taɣlamt n MO Bgayet tesṛuḥ daɣ Meliani, Tedjar, Hadji, Mebarki d Maamar Youcef.

MO Bgayet tessaweḍ ad tɛeddi ɣer tis 16 n tneggarut n Teqbuct n Ldzayer deg temlilit ay turar ass n ssebt mgal MC Wehṛan ay ifuken s 2 ɣer 1.

Taɣlamt n « Tfirɛeqqas » ad temqabal ass n ljemɛa d NA Ḥusin Day deg wass Wis 15 yerna d aneggaru n uḥric n twadda (ṛṛwaḥ) n Temɣunt 1ut.