ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵏⴻⵥⵔⵓⴼ ⵓⵜⵔⵉⵎ: ⵢⴻⵙⵙⴻⴼⴽ ⴰⴷ ⴹⴻⴼⵔⴻⵏⵜ ⵜⴽⴻⴱⴱⴰⵏⵉⵢⵉⵏ ⵜⵉⴱⴻⵕⵕⴰⵏⵉⵢⵉⵏ ⵏⵉⴹⴻⵏ « ⴰⴱⵔⵉⴷ ⵏ ⵜⵧⵜⴰⵍ »
ⴷⴻⵅⵍⴰ (ⵉⴳⵔⵓⵔⴻⵏ ⵏ ⵢⵉⵣⵔⴰⵣⴰⵖⴻⵏ ⵉⵚⴻⵃⵔⴰⵡⵉⵢⴻⵏ) – ⵉⴳⴻⵔ-ⴷ ⵢⵉⵡⴻⵏ ⵏ ⵢⵉⵎⴹⴻⴱⴱⴻⵔ ⵙⴻⴳ ⵜⵙⵓⴷⵓⵜ ⵜⴰⵚⴻⵃⵔⴰⵡⵉⵜ ⵏ ⵓⵒⵉⵜⵕⵓⵍ ⴷ ⵍⵎⵉⵏⴰⵜ, ⴽⴰⵎⴰⵍ ⴼⴰⴷⴻⵍ, ⵜⵉⵖⵔⵉ ⵉ ⵜⴻⵕⵎⵉⵙⵉⵏ (ⵛⴰⵔⵉⴽⴰⵜ) ⵜⵉⵒⵉⵜⵕⵓⵍⵉⵢⵉⵏ ⵜⵉⴱⴻⵕⵕⴰⵏⵉⵢⵉⵏ ⴰⵢ ⵉⵅⴻⴷⴷⵎⴻⵏ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ ⴰⵢ ⵜⴻⴹⴹⴻⴼ ⵎⴻⵕⵕⵓⴽ ⴰⴽⴽⴻⵏ ⴰⴷ ⵊⴻⴱⴷⴻⵏⵜ ⵉⵎⴰⵏ-ⵏⵙⴻⵏⵜ ⵙⴻⴳ ⵡⴰⴽⴰⵍ-ⴰ ⵢⴻⵔⵏⴰ ⴰⴷ ⴹⴻⴼⵔⴻⵏⵜ ⴰⵎⴻⴷⵢⴰ ⵏ ⵜⴻⵕⵎⵉⵙⵜ ⵏ ⵜⵧⵜⴰⵍ ⴰⵢ ⵉⵃⴻⴱⵙⴻⵏ ⵍⴻⵛⵖⴰⵍ-ⵏⵏⴻⵙ ⴷⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵜⴰⵚⴻⵃⴰⵡⵉⵜ ⵙⵒⵙ.
ⵎⴰⵙⵙ ⴼⴰⴷⴻⵍ ⵢⴻⵙⵜⴻⵕⵃⴻⴱ ⵙ ⵓⵅⴻⴱⴱⴻⵔ ⴰⵢ ⴷ-ⵜⵅⴻⴱⴱⴻⵔ ⵜⴻⵕⵎⵉⵙⵜ ⵜⴰⵒⵉⵜⵕⵓⵍⵉⵜ ⵜⴰⴼⵕⴻⵏⵙⵉⵙⵜ ⵏ ⵜⵧⵜⴰⵍ ⴷⴰⴽⴽⴻⵏ ⴰⴷ ⵜⴻⵊⴱⴻⴷ ⵉⵎⴰⵏ-ⵏⵏⴻⵙ ⵙⴻⴳ ⵓⵏⴻⵥⵔⵓⴼ ⵓⵜⵔⵉⵎ ⵢⴻⵜⵜⵡⴰⴹⴹⴼⴻⵏ ⴷ ⵓⵄⵣⴰⵎ-ⵏⵏⴻⵙ ⴰⴽⴽⴻⵏ ⵓⵔ ⵜⵔⴻⵏⵏⵓ ⴰⵔⴰ ⴰⴷ ⵜⴻⵙⵙⵓⵜⴻⵔ ⵜⵜⴻⵙⵔⵉⵃ ⵉ ⵓⵙⵙⴻⵏⵇⴻⴷ ⴷⴻⴳ ⵢⵉⵃⴷⴻⵔ ⵏ ⴱⵉⵔ ⴰⵏⵣⴰⵔⴰⵏⴻ, ⵢⴻⵔⵏⴰ ⵉⴳⴻⵔ-ⴷ ⵜⵉⵖⵔⵉ ⵎⴰⵙⵙ ⴼⴰⴷⴻⵍ ⵉ « ⵜⴻⵕⵎⵉⵙⵉⵏ ⵜⵉⵒⵉⵜⵕⵓⵍⵉⵢⵉⵏ ⵜⵉⴱⴻⵕⵕⴰⵏⵉⵢⵉⵏ (ⵏⵉⴹⴻⵏ) ⴰⵢ ⵍⴰ ⵉⵅⴻⴷⴷⵎⴻⵏ ⵙ ⵍⴻⵄⵇⵓⴷⴰⵜ ⵢⴻⴼⴼⵖⴻⵏ ⵉ ⵍⵇⴰⵏⵓⵏ ⴷ ⵓⵏⵀⵉⵍ (ⵏⵉⴹⴰⵎ) ⴰⵎⴻⵕⵕⵓⴽⵉ, ⴰⴷ ⴹⴻⴼⵏⵔⴻⵏⵜ ⴰⴱⵔⵉⴷ ⵏ ⵜⴻⵕⵎⵉⵙⵜ-ⵏⵏⵉ ⵜⴰⴼⵕⴻⵏⵙⵉⵙⵜ », ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵜⵉⵍⵍⵉⵏ-ⵏⵙⴻⵏⵜ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ ⴷ « ⴰⵔⴽⴰⴹ ⵏ ⵍⵇⴰⵏⵓⵏ ⴰⴳⵔⴰⵖⵍⴰⵏ ⵢⴻⵔⵏⴰ ⴷ ⴰⵙⵙⴻⴱⵖⴻⵙ ⵏ ⵜⵓⴹⴹⴼⴰ ⵜⴰⵎⴻⵕⵕⵓⴽⵉⵜ ⵢⴻⴼⴼⵖⴻⵏ ⵉ ⵍⵇⴰⵏⵓⵏ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ ».
« ⴰⵖⵜⴰⵙ-ⴰ (ⵇⴰⵔⴰⵔ) (ⵜⵓⴼⴼⵖⴰ ⵏ ⵜⵧⵜⴰⵍ) ⴷ ⴰⵢⴻⵏ ⵢⴻⵍⵀⴰⵏ ⵢⴻⵔⵏⴰ ⵢⴻⵜⵜⵇⴰⴷⴰⵔ ⵍⵇⴰⵏⵓⵏ ⴰⴳⵔⴰⵖⵍⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴼⴰⴷⴻⵍ ⴷⴻⴳ ⵢⵉⵊⵉⴼⴻⵕ ⵏ ⵜⴻⵎⵍⵉⵍⵉⵢⵉⵏ ⵏ ⵓⵙⵡⵉⵔ ⵡⵉⵙ 14 ⵏ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⴷⴻⴳ ⴷⴻⵅⵍⴰ.
ⵢⴻⵏⵏⴰ-ⴷ, ⵙⴻⴳ ⵢⵉⴷⵉⵙ ⵏⵉⴹⴻⵏ, ⴷⴰⴽⴽⴻⵏ ⵜⴰⴳⴷⵓⴷⴰ ⵜⴰⵚⴻⵃⵔⴰⵡⵉⵜ ⵓⵔ ⵜⴻⵜⵜⵛⵓⵃⵃⵓ ⵉ ⵡⴰⵛⴻⵎⵎⴰ ⵙⴻⴳ ⵜⵣⴻⵎⵎⴰⵔ-ⵏⵏⴻⵙ ⴰⴽⴽⴻⵏ ⴰⴷ ⵜⴻⵃⵕⴻⵙ ⵜⵉⵕⵎⵉⵙⵉⵏ ⵜⵉⴱⴻⵕⵕⴰⵏⵉⵢⵉⵏ ⵏⵉⴹⴻⵏ, ⵢⴻⵔⵏⴰ ⴰⴷ ⵜⴻⵙⵙⴻⵇⴷⴻⵛ ⵓⵍⴰ ⴷ ⵛⵛⵕⴻⵄ ⵉ ⵍⵎⴻⵏⴷ ⵏ ⵓⵃⴻⵜⵜⴻⵎ-ⵏⵙⴻⵏⵜ ⴰⴽⴽⴻⵏ ⴰⴷ ⵃⴻⴱⵙⴻⵏⵜ ⵍⴻⵛⵖⴰⵍ-ⵏⵙⴻⵏⵜ.
« ⵜⴻⵏⵏⴰ-ⴷ ⵜⵧⵜⴰⵍ ⵉ ⵢⵉⴷⵓⴱⴰ ⵉⵎⴻⵕⵕⵓⴽⵉⵢⴻⵏ ⴷⴰⴽⴽⴻⵏ ⵓⵔ ⵜⵔⴻⵏⵏⵓ ⴰⵔⴰ ⴰⴷ ⵜⴻⵙⵙⵓⵜⴻⵔ ⴰⵙⵙⴻⵖⵣⴻⴼ ⵏ ⵜⵜⴻⵙⵔⵉⵃ-ⵏⵏⴻⵙ ⵏ ⵓⵙⵙⴻⵏⵇⴻⴷ ⵏ ⵢⵉⵃⴷⴻⵔ ⵏ ⴰⵏⵣⴰⵔⴰⵏⴻ », ⵖⴻⴼ ⵡⴰⴽⴽⴻⵏ ⴰⵢⴱ ⴷ-ⵜⴻⵏⵏⴰ ⵢⵉⵡⴻⵜ ⵏ ⵜⴻⵖⴱⴰⵍⵓⵜ (ⵎⴰⵚⴷⴰⵔ) ⴰⵢ ⵉⵇⴻⵔⴱⴻⵏ ⵖⴻⵔ ⵜⴻⵕⵎⵉⵙⵜ-ⴰ ⵜⴰⴼⵕⴻⵏⵙⵉⵙⵜ.
ⴰⵖⵜⴰⵙ-ⴰ ⵏ ⵜⵧⵜⴰⵍ ⵢⴻⵍⵍⴰ-ⴷ ⴷⴻⴳ ⵜⴻⵙⵡⵉⵄⵜ ⴰⵢⴷⴻⴳ ⵡⴻⵔⵄⴰⴷ ⵓⵔ ⵡⵡⵉⴹⴻⵏⵜ ⴰⵔⴰ ⵙⵏⴰⵜ ⵏ ⵍⴻⴷⵡⴰⵕ ⵙⴻⴳ ⵡⴰⵙⵎⵉ ⴰⵢ ⵢⴻⴱⵟⴻⵍ ⵛⵛⵕⴻⵄ ⵏ ⵜⴷⵓⴽⵍⵉ ⵜⵓⵕⵓⴼⵉⵜ ⴰⵎⵜⴰⵡⴰ-ⵏⵏⵉ (ⵉⵜⵜⵉⴼⴰⵇ) ⵏ ⵜⵜⵊⴰⵕⴰ ⵢⴻⵇⵇⵏⴻⵏ ⵜⴰⴷⵓⴽⵍⵉ ⵜⵓⵕⵓⴼⵉⵜ ⴷ ⵎⴻⵕⵕⵓⴽ ⵉⵎⵉ ⴰⵢ ⴷ-ⵉⵃⵓⵣⴰ ⵡⴰⵢⴰ ⴰⴽⴰⵍ ⵏ ⵓⵏⴻⵥⵔⵓⴼ ⵓⵜⵔⵉⵎ.
ⵢⴻⵏⵏⴰ-ⴷ ⵓⵏⴻⵖⵍⴰⴼ ⴰⵚⴻⵃⵔⴰⵡⵉ ⴰⵏⴻⵙⵎⵉⴳⴰⵍ (ⵎⴰⵏⴷⵓⴱ) ⵉ ⵜⴷⵓⴽⵍⵉ ⵜⵓⵕⵓⴼⵉⵜ, ⵎⵧⵀⴰⵎⴻⴷ ⵙⵉⴷⴰⵜⵉ, ⴷⴰⴽⴽⴻⵏ ⴰⵢⴰ ⴷ « ⵔⵔⴱⴻⵃ ⴰⴷⵉⵒⵍⵓⵎⴰⵜⵉ ⴰⵎⴰⵢⵏⵓ » ⵉ ⵢⵉⵎⴻⵏⵖⵉ ⴰⵚⴻⵃⵔⴰⵡⵉ.
ⴷⵖⴰ ⵢⴻⵙⵎⴻⴽⵜⵉ-ⴷ, ⵙ ⵡⴰⵢⴰ, ⴷⴰⴽⴽⴻⵏ ⵜⵉⵕⵎⵉⵙⵉⵏ ⵜⵉⴳⵜⴰⵖⵍⴰⵏⵉⵏ (ⵎⵓⵜⴰⵄⴰⴷⴷⵉⴷⴰⵜ ⴰⵍ-ⴵⵉⵏⵙⵉⵢⵢⴰⵜ) ⴰⵢ ⵍⴰ ⵉⵅⴻⴷⴷⵎⴻⵏ ⴷⴻⴳ ⵢⵉⴽⴰⵍⴻⵏ ⵉⵚⴻⵃⵔⴰⵡⵉⵢⴻⵏ ⵢⴻⵜⵜⵡⴰⴹⴹⴼⴻⵏ « ⴰⵜⴻⵏⵜⵉ ⴷⴻⴳ ⵜⴻⴳⵏⵉⵜ ⵢⴻⴼⴼⵖⴻⵏ ⵉ ⵍⵇⴰⵏⵓⵏ, ⵢⴻⵔⵏⴰ ⵣⴻⵎⵔⴻⵏⵜ ⴰⴷ ⵜⵜⵡⴰⵛⴰⵕⵄⴻⵏⵜ ⵖⴻⴼ ⵡⴰⵢⴰ ».
