ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵜⵡⴰⴹⴹⴼⴻⵏ 5 ⵏ ⵢⵉⵎⴷⴰⵏⴻⵏ ⴰⵢ ⵍⴰ ⵢⴻⵜⵜⵄⴰⵡⴰⵏⴻⵏ ⵜⵉⴳⵔⴰⵡⵉⵏ ⵜⵉⵔⴻⴱⵔⴰⴱⵉⵏ ⴷⴻⴳ ⵍⴻⴱⵍⵉⴷⴰ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⵜⵡⴰⴹⴹⴼⴻⵏ 5 ⵏ ⵢⵉⵎⴷⴰⵏⴻⵏ ⴰⵢ ⵢⴻⵜⵜⵄⴰⵡⴰⵏⴻⵏ ⵜⵉⴳⵔⴰⵡⵉⵏ ⵜⵉⵔⴻⴱⵔⴰⴱⵉⵏ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵍⴻⴱⵍⵉⴷⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵅⴻⴱⴱⴻⵔ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ ⴷⴻⴳ ⵢⵉⵡⴻⵏ ⵏ ⵓⵍⵖⵓ (ⴱⴰⵢⴰⵏ).

« ⴷⴻⴳ ⵓⴽⴰⵜⴰⵔ ⵏ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ ⴷ ⵜⴻⵊⵔⵉⵎⵜ ⵢⴻⵜⵜⵡⴰⵙⵙⵓⴷⴷⵙⴻⵏ, ⵜⴻⴹⴹⴻⴼ ⵢⵉⵡⴻⵜ ⵏ ⵜⵙⴻⵏⵙⴻⵔⵜ ⵜⵓⴷⴷⵉⵙⵜ ⵢⴻⵇⵇⵏⴻⵏ ⵖⴻⵔ ⵓⵃⵔⵉⵛ ⴰⵎⴻⵀⵍⴰⵏ (ⵄⴰⵎⴰⵍⵉⵢⵢⴰⵜⵉ) ⵏ ⵍⴻⴱⵍⵉⴷⴰ/ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ 1ⵓⵜ, ⴰⵙⵙ ⵏ 23 ⴷⵓⵊⴻⵎⴱⴻⵕ 2015, 5 ⵏ ⵢⵉⵎⴷⴰⵏⴻⵏ ⵙⴻⴳ ⵢⵉⵡⴻⵜ ⵏ ⵜⴻⴱⵏⵉⵇⵜ ⵏ ⵓⵄⴰⵡⴻⵏ ⵏ ⵜⴻⴳⵔⴰⵡⵉⵏ ⵜⵉⵔⴻⴱⵔⴰⴱⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵜⵓⴼⴰ-ⴷ ⵢⵉⵡⴻⵜ ⵏ ⵜⵙⴻⵏⵙⴻⵔⵜ ⵏ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ ⵢⴻⵇⵇⵏⴻⵏ ⵖⴻⵔ ⵓⵃⵔⵉⵛ ⴰⵎⴻⵀⵍⴰⵏ ⵏ ⵜⵉⵣⵉ ⵡⴻⵣⵣⵓ « 10 ⵏ ⵍⴽⴰⵣⵎⴰⵜ ⵢⴻⵜⵜⵡⴰⵀⴻⵢⵢⴰⵏ ⴷ ⵢⵉⵡⴻⵜ ⵏ ⵜⵏⴻⵎⵙⴻⵍⵜ (ⵡⴰⵔⵛⴰ) ⵉ ⵓⵅⴷⴰⵎ ⵏ ⵍⴱⵓⵎⴱⴰⵜ ⵜⵉⵎⴻⵏⵙⴰⵢⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⵓⵍⵖⵓ-ⴰ.

ⵏⵏⵉⴳ ⵡⴰⵢⴰ, ⵢⴻⵔⵏⴰ ⴷⴻⴳ ⵜⴻⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 2, « ⴹⴹⴼⴻⵏ ⵢⵉⴼⴻⵔⴷⵉⵙⴻⵏ ⵏ ⵜⵄⴻⵙⵙⴰⵙⵜ ⵏ ⵜⵍⵉⵙⴰ ⴷⴻⴳ ⵜⵍⴻⵎⵙⴰⵏ 4450 ⵏ ⵍⵍⵉⵜⵔⴰⵜ ⵏ ⵓⵙⴻⵔⵖⵓ », ⵎⴰ ⴷ « ⵉⴼⴻⵔⴷⵉⵙⴻⵏ ⵏ ⵜⴻⵎⵙⴻⵜⵍⴰ ⵜⴰⵖⴻⵍⵏⴰⵡⵜ ⵏ ⵡⴻⵀⵕⴰⵏ ⴹⴹⴼⴻⵏ ⵢⵉⵡⴻⵏ ⵏ ⵢⵉⵎⵙⴻⵜⵜⵉ (ⵎⵓⵀⴰⵔⵔⵉⴱ) ⵢⴻⵔⵏⴰ ⵙⵅⴻⵚⵔⴻⵏ ⵢⵉⵡⴻⵏ ⵏ ⵛⵛⵖⴻⵍ ⵏ ⵓⵙⵙⴻⵔⵡⴻⵍ ⵏ 65 ⵏ ⵢⵉⵇⴻⵏⵟⴰⵔⴻⵏ ⵏ ⵜⵓⵔⵙⴰⴹ ⵏ ⵏⵏⵃⴰⵙ ⵢⴻⵜⵜⵡⴰⵄⴻⴱⴱⴰⵏ ⵖⴻⴼ ⵢⵉⵡⴻⵏ ⵏ ⵓⴽⴰⵎⵢⵓⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ.