Asebter amenzawi

Ttwaḍḍfen 5 n yimdanen ay la yettɛawanen tigrawin tirebrabin deg Leblida

LEZZAYER TAMANEɣT – Ttwaḍḍfen 5 n yimdanen ay yettɛawanen tigrawin tirebrabin ass n laṛebɛa deg Leblida, ɣef wakken ay d-ixebber uɣlif n temḥaddit taɣelnawt deg yiwen n ulɣu (bayan).

« Deg ukatar n yimenɣi mgal rrebrab d tejrimt yettwassuddsen, teḍḍef yiwet n tsensert tuddist yeqqnen ɣer uḥric amehlan (ɛamaliyyati) n Leblida/Tamnaḍt Taserdasant 1ut, ass n 23 Dujembeṛ 2015, 5 n yimdanen seg yiwet n tebniqt n uɛawen n tegrawin tirebrabin », ɣef wakken ay d-yenna uɣlif n temḥaddit taɣelnawt.

Seg yidis niḍen, tufa-d yiwet n tsensert n Yigen Aɣelnaw Aɣerfan yeqqnen ɣer uḥric amehlan n Tizi Wezzu « 10 n lkazmat yettwaheyyan d yiwet n tnemselt (warca) i uxdam n lbumbat timensayin », ɣef wakken ay d-yebder ulɣu-a.

Nnig waya, yerna deg Temnaḍt Taserdasant tis 2, « ḍḍfen yiferdisen n tɛessast n tlisa deg Tlemsan 4450 n llitrat n userɣu », ma d « iferdisen n temsetla taɣelnawt n Wehṛan ḍḍfen yiwen n yimsetti (muharrib) yerna sxeṣren yiwen n ccɣel n usserwel n 65 n yiqenṭaren n tursaḍ n nnḥas yettwaɛebban ɣef yiwen n ukamyun », ɣef wakken ay d-yenna uɣlif n temḥaddit taɣelnawt.