ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵓⵙⵎ ⵍⴻⴱⵍⵉⴷⴰ: ⵍⴻⵅⵚⴰⵚ ⵏ ⵢⵉⴷⵔⵉⵎⴻⵏ ⵢⵓⵖⴰⵍ ⴷ ⵜⴰⵍⵓⴼⵜ ⵜⴰⵎⴻⵇⵔⴰⵏⵜ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵍⴰ ⵜⴻⵜⵜⵇⴰⴱⴰⵍ ⵜⴻⵖⵍⴰⵎⵜ ⵏ ⵓⵙⵎ ⵍⴻⴱⵍⵉⴷⴰ, ⵓⵙⵙⴰⵏ-ⴰ, ⵜⴰⵍⵓⴼⵜ ⴷ ⵜⴰⵎⴻⵇⵔⴰⵏⵜ ⵏ ⵍⴻⵅⵚⴰⵚ ⵏ ⵢⵉⴷⵔⵉⵎⴻⵏ, ⵢⴻⵔⵏⴰ ⴰⵢⴰ ⵢⴻⵣⵎⴻⵔ ⴰⴷ ⵢⴻⵙⵙⵡⴰⵖ ⴰⵙⵙⵉⴷⴻⴼ ⵏ ⵢⵉⵎⴰⵔⵉⵔⴻⵏ ⵉⵎⴰⵢⵏⵓⵜⴻⵏ ⴷⴻⴳ ⵜⴻⴳⵔⴻⵙⵜ-ⴰ. ⵙⴻⴳ ⵢⵉⴷⵉⵙ ⵏⵉⴹⴻⵏ, ⴽⵔⴰ ⵙⴻⴳ ⵢⵉⵎⴰⵔⵉⵔⴻⵏ ⵏ ⵜⴻⵖⵍⴰⵎⵜ-ⴰ ⵣⴻⵎⵔⴻⵏ ⴰⴷ ⴰⵙ-ⵕⵓⵃⴻⵏ ⵓⵙⵙⴰⵏ-ⴰ.
ⴷ ⴰⵢⴰ ⴰⵢ ⵢⴻⴵⴵⴰⵏ ⴰⵙⴻⴼⵔⴰⴽ (ⵎⵓⵙⴰⵢⵢⵉⵔ) ⴰⵎⴰⵜⵓ ⵏ ⵓⵙⵎ ⵍⴻⴱⵍⵉⴷⴰ ⴷ ⵓⵎⴰⵔⵉⵔ-ⵏⵏⴻⵙ ⴰⵇⴱⵓⵔ, ⴱⵉⵍⵍⴻⵍ ⵣⵧⵓⴰⵏⵉ, ⴰⴷ ⴷ-ⵉⵄⴻⵢⵢⴻⵏ ⵖⴻⴼ ⵓⵎⵉⵀⵉ (ⵅⴰⵟⴰⵔ) ⴰⵢ ⵉⵣⴻⵎⵔⴻⵏ ⴰⴷ ⵢⴻⵙⵡⴰⵖ ⵜⴰⵖⵍⴰⵎⵜ-ⵏⵏⴻⵙ.
« ⵢⴻⵟⵟⴻⵏⵟⴻⵏ ⵏⵏⴰⵇⵓⵙ ⵏ ⵓⵄⴻⵢⵢⴻⵏ ⵢⴻⵔⵏⴰ ⵉⵎⴹⴻⴱⴱⵔⴻⵏ ⵏ ⵜⴻⵖⵍⴰⵎⵜ ⵢⴻⵙⵙⴻⴼⴽ ⴰⴷ ⴳⴻⵏ ⴽⵔⴰ ⵓⵇⴱⴻⵍ ⵎⴰ ⵉⵄⴻⴷⴷⴰ ⵍⵃⴰⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵣⵧⵓⴰⵏⵉ.
3 ⵏ ⵢⵉⵎⴰⵔⵉⵔⴻⵏ ⴰⵢ ⵉⴱⴻⵟⵍⴻⵏ ⵢⴰⴳⵉ ⵍⴻⵄⵇⵓⴷⴰⵜ-ⵏⵙⴻⵏ ⴷ ⵜⴻⵖⵍⴰⵎⵜ ⵏ ⵓⵙⵎ ⵍⴻⴱⵍⵉⴷⴰ, ⵢⴻⵔⵏⴰ ⵡⵉⴷ ⴷ ⴷⵊⴰⴰⴷⴰⵏⴻ, ⵎⴻⵙⴼⴰⵔ ⴷ ⵏⵧⵓⴱⵍⵉ. ⵏⵏⵉⴳ ⵡⴰⵢⴰ, ⵣⴻⵎⵔⴻⵏ ⴰⴷ ⵜⴻⵏ-ⴹⴻⴼⵔⴻⵏ ⵢⵉⵎⴰⵔⵉⵔⴻⵏ ⵏⵉⴹⴻⵏ ⴷⴻⴳ ⵡⵓⵙⵙⴰⵏ ⴰⵢ ⴷ-ⵢⴻⵜⵜⴻⴷⴷⵓⵏ, ⴷⴻⴳ ⵡⴰⴽⵓⴷ ⴰⵢⴷⴻⴳ ⵜⵉⵖⵍⴰⵎⵉⵏ ⵏⵉⴹⴻⵏ ⵍⴰ ⵜⵜⵏⴰⴷⵉⵏⵜ ⴰⴷ ⴷ-ⵙⵙⵉⴷⴼⴻⵏⵜ ⵉⵎⴰⵔⵉⵔⴻⵏ ⵉⵎⴰⵢⵏⵓⵜⴻⵏ.
ⵢⴰⴳⵉ, ⴰⵟⴰⵙ ⵙⴻⴳ ⵢⵉⵎⴰⵔⵉⵔⴻⵏ ⴰⵢ ⵍⴰ ⵢⴻⵙⵙⴻⴼⵔⴰⵢⴻⵏ ⴰⴷ ⵛⵛⴻⵜⴽⵉⵏ, ⵓⵙⵙⴰⵏ-ⴰ, ⵉ ⵜⵙⴻⵇⵇⴰⵎⵓⵜ ⵏ ⴼⴻⵔⵔⵓ ⵏ ⵢⵉⵎⴳⴻⵔⵔⴰⴷⴻⵏ ⵏ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⵜ ⵏ ⵓⴹⴰⵔ ⴰⴽⴽⴻⵏ ⴰⴷ ⵙⵙⵓⵜⵔⴻⵏ ⴰⴱⵟⴰⵍ ⵏ ⵍⴻⵄⵇⵓⴷⴰⵜ-ⵏⵙⴻⵏ ⵉⵎⵉ ⴰⵢ ⵙⵄⴰⵏ ⴰⵛⵃⴰⵍ ⵏ ⵡⴰⵢⵢⵓⵔⴻⵏ ⴰⵢⴰ ⵙⴻⴳ ⵡⴰⵙⵎⵉ ⵓⵔ ⴷ-ⵜⵜⵡⴰⵅⴻⵍⵍⵚⴻⵏ ⴰⵔⴰ.
ⵢⴻⵔⵏⴰ ⴷ ⵜⴰⵍⵓⴼⵜ-ⴰ ⴷⴰⵖ ⴰⵢ ⵢⴻⴵⴵⴰⵏ ⴰⵙⵍⴻⵖⵎⴰⵢ ⵎⵧⵀⴰⵎⴻⴷ ⴱⴰⵛⵀⴰ ⴰⴷ ⵢⴻⵜⵜⵉⵅⴻⵔ, ⵏⴰⵇⴰⵍ, ⴷⴻⴼⴼⵉⵔ ⵜⴻⵎⵍⵉⵍⵉⵜ-ⵏⵏⵉ ⵢⴻⵣⵔⵉⵏ ⵏ ⵜⴻⵇⴱⵓⵛⵜ ⵏ ⵍⴷⵣⴰⵢⴻⵔ ⴰⵢⴷⴻⴳ ⵓⵙⵎ ⵍⴻⴱⵍⵉⴷⴰ ⵜⴻⵔⵏⴰ ⵧⵎ ⴰⵔⵣⴻⵡ ⵙ 3 ⵖⴻⵔ 2, ⵙⴰⴽⴽⵉⵏ, ⵎⵉ ⵜ-ⵄⴻⴷⴷⴰⵏ ⵡⵓⵔⴼⴰⵏ, ⵢⵓⵖⴰⵍ-ⴷ ⴽⵔⴰ ⵏ ⵡⵓⵙⵙⴰⵏ ⵙⴰⴽⴽⵉⵏ.
