Asebter amenzawi

USM Leblida: lexṣaṣ n yidrimen yuɣal d taluft tameqrant

LEZZAYER TAMANEɣT – La tettqabal teɣlamt n USM Leblida, ussan-a, taluft d tameqrant n lexṣaṣ n yidrimen, yerna aya yezmer ad yesswaɣ assidef n yimariren imaynuten deg tegrest-a. Seg yidis niḍen, kra seg yimariren n teɣlamt-a zemren ad as-ṛuḥen ussan-a.

D aya ay yeǧǧan asefrak (musayyir) amatu n USM Leblida d umarir-nnes aqbur, Billel Zouani, ad d-iɛeyyen ɣef umihi (xaṭar) ay izemren ad yeswaɣ taɣlamt-nnes.

« Yeṭṭenṭen nnaqus n uɛeyyen yerna imḍebbren n teɣlamt yessefk ad gen kra uqbel ma iɛedda lḥal », ɣef wakken ay d-yenna Zouani.

3 n yimariren ay ibeṭlen yagi leɛqudat-nsen d teɣlamt n USM Leblida, yerna wid d Djaadane, Mesfar d Noubli. Nnig waya, zemren ad ten-ḍefren yimariren niḍen deg wussan ay d-yetteddun, deg wakud aydeg tiɣlamin niḍen la ttnadint ad d-ssidfent imariren imaynuten.

Yagi, aṭas seg yimariren ay la yessefrayen ad ccetkin, ussan-a, i Tseqqamut n Ferru n Yimgerraden n Tfidiṛalit Tadzayrit n Tcirt n Uḍar akken ad ssutren abṭal n leɛqudat-nsen imi ay sɛan acḥal n wayyuren aya seg wasmi ur d-ttwaxellṣen ara.

Yerna d taluft-a daɣ ay yeǧǧan asleɣmay Mohamed Bacha ad yettixer, naqal, deffir temlilit-nni yezrin n teqbuct n Ldzayer aydeg USM Leblida terna OM Arzew s 3 ɣer 2, sakkin, mi t-ɛeddan wurfan, yuɣal-d kra n wussan sakkin.