Asebter amenzawi

Aswir wis 14 n Polisario: iẓuyar imaynuten d uɣawas n tigawt

DEXLA (Igruren n yizrazaɣen iṣeḥrawiyen) – Qeblen yimttekkiyen n Uswir wis 14 n Terni n Polisario, ass n laṛebɛa deg Dexla, iẓuyar (awḍaɛ) n Terni n Polisario d uɣawas-nnes (muxaṭṭaṭ) n tigawt.

Aswir-a yesɛedda daɣ kra n lewṣayat deffir ma iɛawed yettwafren umaru-nnes amatu, Mohamed Abdelaziz.

Ttwafernen daɣ yimaslaḍen (aɛḍa’) n tmarit taɣelnawt n Terni n Polisario, yerna ggullen ad gen lecɣal-nsen sdat wid ay iḥedṛen deg uswir.

Mass Mohamed Abdelaziz iɛawed yettwafren s wudem unṣib d amaru amatu n Terni n Polisario s 90,31%.

Seg wasmi ay d-tennulfa deg 1973, d tikkelt tamezwarut aydeg Tirni n Polisario tesseɣzef aswir-nnes s 3 n wussan akken ad tfak assewjed n uɣawas-nnes n tigawt.

Deg tgara n uswir-a wis 14, ssuffɣen-d alɣu (bayan) aneggaru n uswir-a ay d-yellan deg ugrur n yizrazaɣen (laǧi’in) n Dexla s uberriḥ n « Tadusi, aɛewwel d lebɣi i uḥettem n uzarug aɣelnaw d tnaya ».