ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵖⵔⵉ ⵜⴰⵎⴰⵢⵏⵓⵜ ⵉ ⵓⵙⵙⴻⵡⵙⴻⵄ ⵏ ⵍⴻⵡⵚⴰⵢⴰ ⵏ ⵎⵉⵏⵓⵔⵙⵧ ⴰⴽⴽⴻⵏ ⴰⴷ ⴷ-ⵜⵃⴰⵣ ⵉⵣⴻⵔⴼⴰⵏ ⵏ ⵓⵎⴷⴰⵏ
ⴷⴻⵅⵍⴰ (ⵉⴳⵔⵓⵔⴻⵏ ⵏ ⵢⵉⵣⵔⴰⵣⴰⵖⴻⵏ ⵉⵚⴻⵃⵔⴰⵡⵉⵢⴻⵏ) – ⵜⵄⴰⵡⴻⴷ ⵜⴳⴻⵔ-ⴷ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⵜⵉⵖⵔⵉ, ⴰⵙⵙ ⵏ ⵍⴰⵕⴻⴱⵄⴰ, ⵉ ⵍⵎⴻⵏⴷ ⵏ ⵓⵙⵙⴻⵡⵙⴻⵄ ⵏ ⵍⴻⵡⵚⴰⵢⴰ ⵏ ⵜⵓⵖⴷⴰⴹⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⵙⵙⵓⴷⴷⴻⵙ ⵏ ⵜⵙⴻⴼⵔⴰⵏⵜ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ (ⵎⵉⵏⵓⵔⵙⵧ) ⴰⴽⴽⴻⵏ ⴰⴷ ⵜⵓⵖⴰⵍ ⵜⴻⵙⵙⴻⴼⵇⴰⴷ ⵢⴻⵔⵏⴰ ⵜⴻⵜⵜⵃⵓⴷⴷⵓ ⵉⵣⴻⵔⴼⴰⵏ ⵏ ⵓⵎⴷⴰⵏ ⴷⴻⴳ ⵜⴻⴳⵏⵉⵜ ⴰⵢⴷⴻⴳ ⵎⴻⵕⵕⵓⴽ ⵍⴰ ⵜⴻⵜⵜⴽⴻⵎⵎⵉⵍ ⴰⵔⴽⴰⴹ ⵓⴼⴹⵉⵃ ⵏ ⵢⵉⵣⴻⵔⴼⴰⵏ ⵏ ⵢⵉⵚⴻⵃⵔⴰⵡⵉⵢⴻⵏ.
ⴷⴻⴳ ⵜⴳⴰⵔⴰ ⵏ ⵓⵙⵡⵉⵔ (ⵎⵓ’ⵜⴰⵎⴰⵔ) ⵡⵉⵙ 14 ⴰⵢ ⴷ-ⵢⴻⵍⵍⴰⵏ ⴷⴻⴳ ⵢⵉⴳⵔⵓⵔⴻⵏ ⵏ ⵢⵉⵣⵔⴰⵣⴰⵖⴻⵏ (ⵍⴰⴵⵉ’ⵉⵏ) ⵉⵚⴻⵃⵔⴰⵡⵉⵢⴻⵏ ⴷⴻⴳ ⴷⴻⵅⵍⴰ, ⵜⴻⵏⵏⴰ-ⴷ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵜⴻⵜⵜⵡⴰⵙⵙⴻⵡⵙⴻⵄ ⵍⴻⵡⵚⴰⵢⴰ ⵏ ⵎⵉⵏⵓⵔⵙⵧ ⴰⴽⴽⴻⵏ ⴰⴷ ⵜⵓⵖⴰⵍ ⴰⴷ ⵜⴻⵙⵙⴻⴼⵇⴰⴷ ⵢⴻⵔⵏⴰ ⴰⴷ ⵜⴻⵜⵜⵃⵓⴷⴷⵓ ⵉⵣⴻⵔⴼⴰⵏ ⵏ ⵓⵎⴷⴰⵏ, ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⵜⵜⵡⴰⵔⴻⵥⵎⴻⵏ ⵢⵉⴽⴰⵍⴻⵏ ⵉⵚⴻⵃⵔⴰⵡⵉⵢⴻⵏ ⵉ ⵢⵉⵎⴰⵏⴰⵢⴻⵏ (ⵎⵓⵔⴰⵇⵉⴱⵉⵏ) ⴷ ⵜⵖⴻⵎⵙⴰ ⵜⴰⴳⵔⴰⵖⵍⴰⵏⵜ ⴰⴽⴽⴻⵏ ⴰⴷ ⵣⴻⵎⵔⴻⵏ ⴰⴷ ⵏⴰⴷⵉⵏ ⵖⴻⴼ ⵉⵔⴽⴰⴹⴻⵏ ⴰⵢ ⵍⴰ ⵜⴻⵜⵜⴻⴳ ⵎⴻⵕⵕⵓⴽ.
ⵜⴳⴻⵔ-ⴷ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⵜⵉⵖⵔⵉ ⵉ ⵓⵎⵖⵉⵡⴰⵏ (ⵎⵓⴵⵜⴰⵎⴰⵄ) ⴰⴳⵔⴰⵖⵍⴰⵏ ⴰⴽⴽⴻⵏ ⴰⴷ ⵢⴻⵃⵕⴻⵙ ⵎⴻⵕⵕⵓⴽ ⵉ ⵓⵙⵍⴻⵍⵍⵉ ⵏ ⵡⴰⴽⴽ ⵉⵎⴻⵃⴱⴰⵙ ⵉⵙⴻⵔⵜⵉⵢⴻⵏ ⵉⵚⴻⵃⵔⴰⵡⵉⵢⴻⵏ, ⵢⴻⵔⵏⴰ ⵜⵡⴻⵜ-ⴷ ⴷⴻⴳ « ⵍⴻⵃⴽⴻⵎ ⵙ ⵍⵃⴻⴱⵙ ⴰⵎⴻⵙⴱⴰⵟⵍⵉ » ⴰⵢ ⴷ-ⵙⵙⵓⴼⴼⵖⴻⵏ ⵢⵉⵅⵅⴰⵎⴻⵏ ⵏ ⵛⵛⵕⴻⵄ ⵉⵙⴻⵔⴷⴰⵙⴰⵏⴻⵏ ⵖⴻⴼ ⵢⵉⵎⴻⵃⴱⴰⵙ ⵏ ⴳⴷⴻⵉⵎ ⵉⵣⵉⴽ.
ⴰⵙⵡⵉⵔ-ⴰ ⵢⴻⵍⵍⴰ-ⴷ ⴳⴰⵔ 16 ⴷ 23 ⴷⵓⵊⴻⵎⴱⴻⵕ ⵢⴻⵔⵏⴰ ⵡⴻⴽⴽⴷⴻⵏ-ⴷ ⴷⴻⴳ-ⵙ ⴷⴰⴽⴽⴻⵏ ⵎⴻⵕⵕⵓⴽ ⴷ ⵜⵓⴳⴳⵣⴰ (ⵜⴰⵀⴷⵉⴷ) ⵏ ⵜⵉⴷⴻⵜ ⵉ ⵜⴰⵍⵡⵉⵜ ⴷ ⵓⵔⴽⴰⴷ ⵏ ⵜⴻⵎⵏⴰⴹⵜ ⴷ ⵓⵎⴰⴹⴰⵍ ⵙ ⵜⵙⴻⵔⵜⵉⵜ-ⵏⵏⴻⵙ ⵏ ⵜⵓⴹⴹⴼⴰ ⵏ ⵡⴰⴽⴰⵍ ⴰⵢⴷⴻⴳ ⵢⴻⵇⵀⴻⵔ ⴰⵖⵔⴻⴼ ⴰⵚⴻⵃⵔⴰⵡⵉ, ⵏⵏⵉⴳ ⵡⴰⵢⴰ, ⵎⴻⵕⵕⵓⴽ ⵜⴻⵙⵙⴻⵖⵔⴻⵙ-ⴷ ⴰⵃⴻⵎⵎⴰⵍ ⵏ ⵜⴻⵀⵢⵓⴼⵉⵏ ⵖⴻⴼ ⵜⵎⵓⵔⴰ ⵏ ⵜⴻⵎⵏⴰⴹⵜ, ⴷⵖⴰ ⴷ ⴰⵢⴰ ⴰⵢ ⵍⴰ ⵢⴻⵜⵜⵄⴰⵡⴰⵏⴻⵏ, ⴰⵎⴰ ⵙ ⵓⴱⵔⵉⴷ ⵓⵙⵔⵉⴷ, ⴰⵎⴰ ⵙ ⵓⴱⵔⵉⴷ ⴰⵔⵓⵙⵔⵉⴷ, ⵜⵉⴳⵔⴰⵡⵉⵏ ⵜⵉⵔⴻⴱⵔⴰⴱⵉⵏ, ⵢⴻⵔⵏⴰ ⴰⵢⴰ ⵉⴹⵓⵔⵔ ⵉⵖⴻⵔⴼⴰⵏ ⵉⵏⴰⵔⴰⴳⴻⵏ (ⵎⵓⴵⴰⵡⵉⵔⴰ).
ⵜⵄⴻⵢⵢⴻⵏ-ⴷ ⴷⴰⵖ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⵉ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ ⵖⴻⴼ ⵓⵔⴽⴰⴹ ⵓⴼⴹⵉⵃ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⵏ ⵢⵉⵚⴻⵃⵔⴰⵡⵉⵢⴻⵏ ⵢⴻⵍⵍⴰⵏ ⴷⴷⴰⵡ ⵜⵓⴹⴹⴼⴰ ⵜⴰⵎⴻⵕⵕⵓⴽⵉⵜ, ⵍⴰⴷⵖⴰ ⴰⵄⴻⵜⵜⴻⴱ ⴷ ⵓⵎⵃⴰⵇ ⵏ ⵜⵎⴻⵙⴱⴰⵏⵉⵢⵉⵏ.
