Asebter amenzawi

Tiɣri tamaynut i ussewseɛ n lewṣaya n MINURSO akken ad d-tḥaz izerfan n umdan

DEXLA (Igruren n yizrazaɣen iṣeḥrawiyen) – Tɛawed tger-d Terni n Polisario tiɣri, ass n laṛebɛa, i lmend n ussewseɛ n lewṣaya n Tuɣdaḍt n Yiɣlanen Yeddukklen i Ussuddes n Tsefrant deg Uneẓruf Utrim (MINURSO) akken ad tuɣal tessefqad yerna tettḥuddu izerfan n umdan deg tegnit aydeg Meṛṛuk la tettkemmil arkaḍ ufḍiḥ n yizerfan n Yiṣeḥrawiyen.

Deg tgara n Uswir (mu’tamar) wis 14 ay d-yellan deg yigruren n yizrazaɣen (laǧi’in) iṣeḥrawiyen deg Dexla, tenna-d Terni n Polisario dakken yessefk ad tettwassewseɛ lewṣaya n MINURSO akken ad tuɣal ad tessefqad yerna ad tettḥuddu izerfan n umdan, yerna yessefk ad ttwareẓmen yikalen iṣeḥrawiyen i yimanayen (muraqibin) d tɣemsa tagraɣlant akken ad zemren ad nadin ɣef irkaḍen ay la tetteg Meṛṛuk.

Tger-d Terni n Polisario tiɣri i umɣiwan (muǧtamaɛ) agraɣlan akken ad yeḥṛes Meṛṛuk i uslelli n wakk imeḥbas isertiyen iṣeḥrawiyen, yerna twet-d deg « leḥkem s lḥebs amesbaṭli » ay d-ssuffɣen yixxamen n ccṛeɛ iserdasanen ɣef yimeḥbas n Gdeim Izik.

Aswir-a yella-d gar 16 d 23 Dujembeṛ yerna wekkden-d deg-s dakken Meṛṛuk d tuggza (tahdid) n tidet i talwit d urkad n temnaḍt d umaḍal s tsertit-nnes n tuḍḍfa n wakal aydeg yeqher aɣref aṣeḥrawi, nnig waya, Meṛṛuk tesseɣres-d aḥemmal n tehyufin ɣef tmura n temnaḍt, dɣa d aya ay la yettɛawanen, ama s ubrid usrid, ama s ubrid arusrid, tigrawin tirebrabin, yerna aya iḍurr iɣerfan inaragen (muǧawira).

Tɛeyyen-d daɣ Terni n Polisario i umɣiwan agraɣlan ɣef urkaḍ ufḍiḥ n yizerfan n umdan n Yiṣeḥrawiyen yellan ddaw tuḍḍfa tameṛṛukit, ladɣa aɛetteb d umḥaq n tmesbaniyin.