Asebter amenzawi

Ahil n AADL2: ṛṛay n uḥazi n tnezduɣt ad yebdu ad yettwafraq seg Fuṛaṛ n 2016 deg 5 n twilayin

LEZZAYER TAMANEɣT – Yenna-d uneɣlaf n tnezduɣt d temdint, Abdelmadjid Tebboune, ass n ssebt deg Lezzayer Tamaneɣt, d akken wid yemmeṛkan deg wahil n AADL2 ad bdun ad d-ttaḍḍafen leṛyuy n uḥazi n tnezduɣt seg Fuṛaṛ n 2016 deg 5 n twilayin, sakkin, seg 30 Mayu deg twilayin niḍen.

5-a n twilayin ay terza temsalt d tid aydeg ulac wid yemmeṛkan deg wahilen n 2001 d 2002, yerna ti d tiwilayin n Beccaṛ, Galma, Msila, Tixencelt d Ɛin Timucent, ɣef wakken ay d-yenna Mass Tebboune deg yiwen n usarag n tɣemsa deg yijifeṛ n yiwen n umyager n uqeyyem.

Afmiḍi (nisba) n lebni n tnezduɣin deg wahil-a yewweḍ ɣer 70% deg twilayin-a, ɣef wakken ay d-yenna.

Ma deg wayen yerzan tiwilayin niḍen, afraq n leṛyuy n uḥazi n tnezduɣt ad d-yebdu seg 30 Mayu 2016, akken kan ad fernen wid yemmeṛkan deg wahil n AADL2 afran n yimukan aydeg ad zedɣen. I usmekti, wid yettekkan deg wahil-a mmeṛkan deg 2013.

Deg wayen yerzan accetki, yenna-d umaru amatu n uɣlif n tnezduɣt, Nacer Eddine Azem, d akken amur ameqran seg 30.000 n yiccetkiyen ay d-yettwaḍḍfen lhan-d yid-sen yerna fran, yerna yenna-d d akken taseqqamut n uccetki yellan ddaw ṛṛay-nnsen txebber AADL s leṛyuy yettwaddmen ɣef wakk ikaramen (milaffat) ayɣef d-tessukk tiṭ.

Deg wayen yerzan tiddit n lecɣal n yisenfaren n wahil-a, yenna-d unemhal amatu n AADL deg umyager-a d akken 184.610 n tnezduɣin ay yebdan s lebni seg gar 230.000 n tnezduɣin ay ssefran ad tent-bnun.

Deg 2015, AADL tebda lebni n 68.000 n tnezduɣin deg ukatar n ussenzi s lekra.