ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵀⵉⵍ ⵏ ⴰⴰⴷⵍ2: ⵕⵕⴰⵢ ⵏ ⵓⵃⴰⵣⵉ ⵏ ⵜⵏⴻⵣⴷⵓⵖⵜ ⴰⴷ ⵢⴻⴱⴷⵓ ⴰⴷ ⵢⴻⵜⵜⵡⴰⴼⵔⴰⵇ ⵙⴻⴳ ⴼⵓⵕⴰⵕ ⵏ 2016 ⴷⴻⴳ 5 ⵏ ⵜⵡⵉⵍⴰⵢⵉⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⵏⴻⵣⴷⵓⵖⵜ ⴷ ⵜⴻⵎⴷⵉⵏⵜ, ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵧⵓⵏⴻ, ⴰⵙⵙ ⵏ ⵙⵙⴻⴱⵜ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴷ ⴰⴽⴽⴻⵏ ⵡⵉⴷ ⵢⴻⵎⵎⴻⵕⴽⴰⵏ ⴷⴻⴳ ⵡⴰⵀⵉⵍ ⵏ ⴰⴰⴷⵍ2 ⴰⴷ ⴱⴷⵓⵏ ⴰⴷ ⴷ-ⵜⵜⴰⴹⴹⴰⴼⴻⵏ ⵍⴻⵕⵢⵓⵢ ⵏ ⵓⵃⴰⵣⵉ ⵏ ⵜⵏⴻⵣⴷⵓⵖⵜ ⵙⴻⴳ ⴼⵓⵕⴰⵕ ⵏ 2016 ⴷⴻⴳ 5 ⵏ ⵜⵡⵉⵍⴰⵢⵉⵏ, ⵙⴰⴽⴽⵉⵏ, ⵙⴻⴳ 30 ⵎⴰⵢⵓ ⴷⴻⴳ ⵜⵡⵉⵍⴰⵢⵉⵏ ⵏⵉⴹⴻⵏ.

5-ⴰ ⵏ ⵜⵡⵉⵍⴰⵢⵉⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴷ ⵜⵉⴷ ⴰⵢⴷⴻⴳ ⵓⵍⴰⵛ ⵡⵉⴷ ⵢⴻⵎⵎⴻⵕⴽⴰⵏ ⴷⴻⴳ ⵡⴰⵀⵉⵍⴻⵏ ⵏ 2001 ⴷ 2002, ⵢⴻⵔⵏⴰ ⵜⵉ ⴷ ⵜⵉⵡⵉⵍⴰⵢⵉⵏ ⵏ ⴱⴻⵛⵛⴰⵕ, ⴳⴰⵍⵎⴰ, ⵎⵙⵉⵍⴰ, ⵜⵉⵅⴻⵏⵛⴻⵍⵜ ⴷ ⵄⵉⵏ ⵜⵉⵎⵓⵛⴻⵏⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵜⴻⴱⴱⵧⵓⵏⴻ ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵜⵖⴻⵎⵙⴰ ⴷⴻⴳ ⵢⵉⵊⵉⴼⴻⵕ ⵏ ⵢⵉⵡⴻⵏ ⵏ ⵓⵎⵢⴰⴳⴻⵔ ⵏ ⵓⵇⴻⵢⵢⴻⵎ.

ⴰⴼⵎⵉⴹⵉ (ⵏⵉⵙⴱⴰ) ⵏ ⵍⴻⴱⵏⵉ ⵏ ⵜⵏⴻⵣⴷⵓⵖⵉⵏ ⴷⴻⴳ ⵡⴰⵀⵉⵍ-ⴰ ⵢⴻⵡⵡⴻⴹ ⵖⴻⵔ 70% ⴷⴻⴳ ⵜⵡⵉⵍⴰⵢⵉⵏ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵎⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵡⵉⵍⴰⵢⵉⵏ ⵏⵉⴹⴻⵏ, ⴰⴼⵔⴰⵇ ⵏ ⵍⴻⵕⵢⵓⵢ ⵏ ⵓⵃⴰⵣⵉ ⵏ ⵜⵏⴻⵣⴷⵓⵖⵜ ⴰⴷ ⴷ-ⵢⴻⴱⴷⵓ ⵙⴻⴳ 30 ⵎⴰⵢⵓ 2016, ⴰⴽⴽⴻⵏ ⴽⴰⵏ ⴰⴷ ⴼⴻⵔⵏⴻⵏ ⵡⵉⴷ ⵢⴻⵎⵎⴻⵕⴽⴰⵏ ⴷⴻⴳ ⵡⴰⵀⵉⵍ ⵏ ⴰⴰⴷⵍ2 ⴰⴼⵔⴰⵏ ⵏ ⵢⵉⵎⵓⴽⴰⵏ ⴰⵢⴷⴻⴳ ⴰⴷ ⵣⴻⴷⵖⴻⵏ. ⵉ ⵓⵙⵎⴻⴽⵜⵉ, ⵡⵉⴷ ⵢⴻⵜⵜⴻⴽⴽⴰⵏ ⴷⴻⴳ ⵡⴰⵀⵉⵍ-ⴰ ⵎⵎⴻⵕⴽⴰⵏ ⴷⴻⴳ 2013.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵛⵛⴻⵜⴽⵉ, ⵢⴻⵏⵏⴰ-ⴷ ⵓⵎⴰⵔⵓ ⴰⵎⴰⵜⵓ ⵏ ⵓⵖⵍⵉⴼ ⵏ ⵜⵏⴻⵣⴷⵓⵖⵜ, ⵏⴰⵛⴻⵔ ⴻⴷⴷⵉⵏⴻ ⴰⵣⴻⵎ, ⴷ ⴰⴽⴽⴻⵏ ⴰⵎⵓⵔ ⴰⵎⴻⵇⵔⴰⵏ ⵙⴻⴳ 30.000 ⵏ ⵢⵉⵛⵛⴻⵜⴽⵉⵢⴻⵏ ⴰⵢ ⴷ-ⵢⴻⵜⵜⵡⴰⴹⴹⴼⴻⵏ ⵍⵀⴰⵏ-ⴷ ⵢⵉⴷ-ⵙⴻⵏ ⵢⴻⵔⵏⴰ ⴼⵔⴰⵏ, ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵜⴰⵙⴻⵇⵇⴰⵎⵓⵜ ⵏ ⵓⵛⵛⴻⵜⴽⵉ ⵢⴻⵍⵍⴰⵏ ⴷⴷⴰⵡ ⵕⵕⴰⵢ-ⵏⵏⵙⴻⵏ ⵜⵅⴻⴱⴱⴻⵔ ⴰⴰⴷⵍ ⵙ ⵍⴻⵕⵢⵓⵢ ⵢⴻⵜⵜⵡⴰⴷⴷⵎⴻⵏ ⵖⴻⴼ ⵡⴰⴽⴽ ⵉⴽⴰⵔⴰⵎⴻⵏ (ⵎⵉⵍⴰⴼⴼⴰⵜ) ⴰⵢⵖⴻⴼ ⴷ-ⵜⴻⵙⵙⵓⴽⴽ ⵜⵉⵟ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⴷⴷⵉⵜ ⵏ ⵍⴻⵛⵖⴰⵍ ⵏ ⵢⵉⵙⴻⵏⴼⴰⵔⴻⵏ ⵏ ⵡⴰⵀⵉⵍ-ⴰ, ⵢⴻⵏⵏⴰ-ⴷ ⵓⵏⴻⵎⵀⴰⵍ ⴰⵎⴰⵜⵓ ⵏ ⴰⴰⴷⵍ ⴷⴻⴳ ⵓⵎⵢⴰⴳⴻⵔ-ⴰ ⴷ ⴰⴽⴽⴻⵏ 184.610 ⵏ ⵜⵏⴻⵣⴷⵓⵖⵉⵏ ⴰⵢ ⵢⴻⴱⴷⴰⵏ ⵙ ⵍⴻⴱⵏⵉ ⵙⴻⴳ ⴳⴰⵔ 230.000 ⵏ ⵜⵏⴻⵣⴷⵓⵖⵉⵏ ⴰⵢ ⵙⵙⴻⴼⵔⴰⵏ ⴰⴷ ⵜⴻⵏⵜ-ⴱⵏⵓⵏ.

ⴷⴻⴳ 2015, ⴰⴰⴷⵍ ⵜⴻⴱⴷⴰ ⵍⴻⴱⵏⵉ ⵏ 68.000 ⵏ ⵜⵏⴻⵣⴷⵓⵖⵉⵏ ⴷⴻⴳ ⵓⴽⴰⵜⴰⵔ ⵏ ⵓⵙⵙⴻⵏⵣⵉ ⵙ ⵍⴻⴽⵔⴰ.