ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵓⵣⵣⵢⴰ ⵜⴰⵎⴻⵇⵔⴰⵏⵜ ⵏ ⵍⴻⵣⵣⴰⵢⴻⵔ ⵏ 2016: ⴰⴷ ⵉⴼⴰⴽ ⵓⵎⵎⴻⵕⴽⵉ ⴰⵙⵙ ⵏ 31 ⴷⵓⵊⴻⵎⴱⴻⵕ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵙⵎⴻⴽⵜⵉ-ⴷ ⵜⵙⴻⵇⵇⴰⵎⵓⵜ ⵏ ⵓⵙⵙⵓⴷⴷⴻⵙ ⵏ ⵜⴻⵥⵔⵉⴳⵜ ⵜⵉⵙ 6 ⵏ ⵜⵓⵣⵣⵢⴰ ⵜⴰⵎⴻⵇⵔⴰⵏⵜ ⵏ ⵓⵙⵏⴰⵙⵖⴻⵍ ⵏ ⵍⴻⵣⵣⴰⵢⴻⵔ ⴰⵙⵙ ⵏ 31 ⴷⵓⵊⴻⵎⴱⴻⵕ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵅⴻⴱⴱⵔⴻⵏ ⵢⵉⵎⵙⵓⴷⴷⵙⴻⵏ (ⵎⵓⵏⴰⴹⴹⵉⵎⵉⵏ). ⵜⵉⵎⵙⵉⵣⵣⴻⵍⵜ-ⴰ ⴰⴷ ⴷ-ⵜⵉⵍⵉ ⴳⴰⵔ 4 ⴷ 28 ⵎⴻⵖⵔⴻⵙ 2016.

« ⴷⴻⴼⴼⵉⵔ 31 ⴷⵓⵊⴻⵎⴱⴻⵕ ⵖⴻⴼ 12 ⵏ ⵢⵉⴹ, ⵓⵍⴰⵛ ⴰⵙⵙⵓⵜⴻⵔ ⵓⵎⵉ ⴰⴷ ⵢⴻⵜⵜⵓⵏⴻⴼⴽ ⵡⴰⵣⴰⵍ, ⴰⵍⴰ ⵎⴰ ⵜⴻⵍⵍⴰ-ⴷ ⵜⴻⴳⵏⵉⵜ ⴰⵢⴷⴻⴳ ⵜⴻⵖⵍⴻⴱ ⵍⵖⴻⵍⵍⴰⴱⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵓⴷⴷⵙⴰ ⴰⴳⴰⴼⴰ-ⴰⵏⵥⵓⵍ ⴰⵢ ⵢⴻⵙⵙⵓⴷⴷⵙⴻⵏ ⵜⴰⴷⵢⴰⵏⵜ-ⴰ.

ⵜⵓⵣⵣⵢⴰ ⵜⴰⵎⴻⵇⵔⴰⵏⵜ ⵏ ⵓⵙⵏⴰⵙⵖⴻⵍ ⵏ ⵍⴻⵣⵣⴰⵢⴻⵔ ⵜⴻⵜⵜⵡⴰⵎⵎⴻⵕⴽⴰ ⴷⴻⴳ ⵡⴰⵀⵉⵍ ⵏ ⵜⵓⵣⵣⵢⴰ ⵏ ⵜⴻⴼⵔⵉⵇⵜ ⵏ ⵜⴷⵓⴽⵍⵉ ⵜⴰⴳⵔⴰⵖⵍⴰⵏⵜ ⵏ ⵓⵙⵏⴰⵙⵖⴻⵍ, ⵢⴻⵔⵏⴰ ⵜⵓⵣⵣⵢⴰ-ⴰ ⵜⴻⵜⵜⴻⴷⴷⵓ ⵖⴻⴼ ⵍⴻⵃⵙⴰⴱ ⵏ ⵢⵉⵍⵓⴳⴰⵏ ⵏ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵓⵙⵏⴰⵙⵖⴻⵍ ⴷ ⵡⵉⴷ ⵏ ⵜⴷⵓⴽⵍⵉ ⵜⴰⴳⵔⴰⵖⵍⴰⵏⵜ ⵏ ⵓⵙⵏⴰⵙⵖⴻⵍ.

ⵜⵓⵣⵣⵢⴰ-ⴰ ⵜⴻⵍⴰ-ⴷ ⴷⴷⴰⵡ ⵕⵕⴰⵢ ⵏ ⵢⵉⵎⵡⴻⴽⴽⴻⵍ ⵏ ⵜⴻⵎⵙⵉⵣⵣⴻⵍⵜ ⴷ ⵓⵎⴰⵙⵡⴰⴹ (ⵎⵓⴼⴰⵜⵜⵉⵛ) ⵏ ⵓⵃⴰⵕⴻⴱ ⵏ ⵢⵉⵙⴻⴵⵀⴰⴷⴻⵏ.

ⴰⵜⵔⵉⴽⵓ ⴰⵞⵉⵏⵉ ⵏ ⵜⵓⵣⵣⵢⴰ ⵜⴰⵎⴻⵇⵔⴰⵏⵜ ⵏ ⵍⴻⵣⵣⴰⵢⴻⵔ ⵏ 2015 ⵢⴻⵔⴱⴻⵃ-ⵉⵜ-ⵉⴷ ⵓⵎⴰⵣⵣⴰⵍ ⴰⴷⵣⴰⵢⵔⵉ ⵀⵉⵛⵀⴻⵎ ⵛⵀⴰⴰⴱⴰⵏⴻ ⵏ ⵜⴻⵖⵍⴰⵎⵜ ⵏ ⵛⴻⵠⵉⵜⴰⵍ, ⴷ ⴰⵛⵓ ⴽⴰⵏ, ⵎⵉ ⵜ-ⵉⴷ-ⵓⴼⴰⵏ ⵢⴻⵙⵙⴻⵇⴷⴻⵛ ⵉⵙⴻⴵⵀⴰⴷⴻⵏ, ⵃⴻⴱⵙⴻⵏ-ⵜ ⵙⴻⴳ ⵜⴻⵎⵙⵉⵣⵣⴻⵍⵜ 18 ⵏ ⵡⴰⵢⵢⵓⵔⴻⵏ.