ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵎⵧ ⴱⴳⴰⵢⴻⵜ: ⴰⵎⵔⴰⵏⵉ « ⵢⵓⵎⴰⵔ » ⵙ ⵜⴻⵎⵍⵉⵍⵉⵢⵉⵏ ⵏ ⵓⵃⵔⵉⵛ ⵏ ⵕⵕⵡⴰⵃ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵙⵍⴻⵖⵎⴰⵢ (ⵎⵓⴷⴰⵔⵔⵉⴱ) ⵏ ⵎⵧ ⴱⴳⴰⵢⴻⵜ, ⴰⴱⴷⴻⵍⴽⴰⴷⴻⵔ ⴰⵎⵔⴰⵏⵉ, ⴰⵙⵙ ⵏ ⵙⵙⴻⴱⵜ ⴷ ⴰⴽⴽⴻⵏ « ⵢⵓⵎⴰⵔ » (ⵢⴻⴼⵕⴻⵃ) ⵙ ⵓⵎⴻⵛⵡⴰⵕ ⴰⵢ ⴷ-ⵜⴻⵡⵡⵉ ⵜⴻⵖⵍⴰⵎⵜ-ⵏⵏⴻⵙ ⴷⴻⴳ ⵓⵃⵔⵉⵛ ⵏ ⵜⵡⴰⴷⴷⴰ ⴰⵢ ⵉⴼⵓⴽⴻⵏ ⴰⵙⵙ ⵏ ⵍⵊⴻⵎⵄⴰ ⵙ ⵔⵔⴱⴻⵃ ⵏ ⵜⴻⵖⵍⴰⵎⵜ-ⴰ ⴷⴻⴳ ⵜⴻⵎⴷⵉⵏⵜ-ⵏⵏⴻⵙ ⵎⴳⴰⵍ ⵏⴰ ⵃⵓⵙⵉⵏ ⴷⴰⵢ ⵙ 3 ⵖⴻⵔ 1.
« ⵙ ⵓⵎⴰⵜⴰ, ⴰⵇⵍ-ⵉⵢⵉ ⵓⵎⴰⵔⴻⵖ ⵙ ⵓⵃⵔⵉⵛ-ⴰ ⴰⵎⴻⵣⵡⴰⵔⵓ ⵏ ⵜⵙⴻⵎⵀⵓⵢⵜ (ⵎⴰⵡⵙⵉⵎ). ⵏⴻⵙⵙⴰⵔⴻⵎ ⴰⴷ ⴷ-ⵏⴻⵔⴱⴻⵃ 25 ⵏ ⵜⴻⵏⵇⵉⴹⵉⵏ ⵢⴻⵔⵏⴰ ⵚⴰⵃⴻⵏⵜ-ⴰⵖ-ⴷ 23. ⵏⴻⴽⴽ ⵔⴻⴽⴱⴻⵖ ⵜⴰⵎⴰⵛⵉⵏⵜ ⵎⵉ ⵜⴻⵍⵍⴰ ⵜⴻⵜⵜⴻⴷⴷⵓ. ⵛⵉⴽⴽⴻⵖ ⴷ ⴰⴽⴽⴻⵏ ⵜⴰⵖⵍⴰⵎⵜ ⵜⴻⵍⵍⴰ ⵜⴻⵣⵎⴻⵔ ⴰⴷ ⴷ-ⵜⴻⵔⴱⴻⵃ ⵓⴳⴰⵔ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴰⵎⵔⴰⵏⵉ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ.
ⴷ ⴰⵎⵔⴰⵏⵉ ⴰⵢ ⵢⴻⵙⵍⴻⵖⵎⴰⵏ ⵎⵧ ⴱⴳⴰⵢⴻⵜ ⴷⴻⴳ ⵜⵙⴻⵎⵀⵓⵢⵜ ⵢⴻⵣⵔⵉⵏ ⵢⴻⵔⵏⴰ ⵢⴻⵙⵙⴰⵡⴻⴹ-ⵉⵜⵜ ⴰⴷ ⴷ-ⵜⴰⵡⵉ ⵉ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⵜⴰⵇⴱⵓⵛⵜ ⵏ ⵍⴻⵣⵣⴰⵢⴻⵔ. ⴰⵙⵍⴻⵖⵎⴰⵢ-ⴰ ⵢⴻⵅⵍⴻⴼ-ⴷ ⴰⵙⵍⴻⵖⵎⴰⵢ ⴰⵙⵡⵉⵙⵉ ⴰⵍⴰⵉⵏ ⴳⴻⵉⴳⴻⵔ ⴰⵢ ⵢⴻⴷⴷⴰⵏ ⴰⴷ ⵢⴻⵙⵍⴻⵖⵎⵓ ⴻⵙ ⵙⴹⵉⴼ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⵉⴷⴻⴼ ⵏ ⵢⵉⵎⴰⵔⵉⵔⴻⵏ ⵉⵎⴰⵢⵏⵓⵜⴻⵏ ⴰⵢ ⵢⴻⴱⴷⴰⵏ ⴰⵙⵙ ⵏ ⵍⴰⵕⴻⴱⵄⴰ ⵢⴻⵣⵔⵉⵏ, ⵢⴻⵏⵏⴰ-ⴷ ⴰⵎⵔⴰⵏⵉ ⴷ ⴰⴽⴽⴻⵏ ⵎⵧ ⴱⴳⴰⵢⴻⵜ ⴰⴷ ⴷ-ⵜⴻⵙⵙⵉⴷⴻⴼ ⴰⵍⴻⵎⵎⴰⵙ ⵏ ⵓⵏⵔⴰⵔ ⴰⴷⵣⴰⵢⵔⵉ-ⴰⵞⴰⴷⵉ ⵎⵧⵔⴳⴰⵏ ⴱⴻⵜⵧⵔⴰⵏⴳⴰⵍ, ⵙⴻⴳ ⵍⴻⵄⴹⵉⵍ ⴰⴷ ⴷ-ⵔⵏⵓⵏ ⵢⵉⵎⴰⵔⵉⵔⴻⵏ ⵏⵉⴹⴻⵏ.
« ⴰⵎⴰⵔⵉⵔ-ⴰ ⴰⵜⴰⵏ ⵢⵉⴷ-ⵏⴻⵖ ⵙ ⵡⵓⴷⴻⵎ ⵓⵏⵚⵉⴱ. ⵍⴰ ⵏⴻⵜⵜⵕⴰⵊⵓ ⴽⴰⵏ ⴰⴷ ⵢⴻⵔⵏⵓ ⴰⴷ ⴷ-ⵢⴰⵡⴻⴹ ⵓⴼⵕⴻⵏⵙⵉⵙ-ⴰⴷⵣⴰⵢⵔⵉ ⵏⵧⵓⵔⴻⴷⴷⵉⵏⴻ ⴱⴻⵏⴰⵔⵉⴻⵙ ⴰⵙⵙ ⵏ ⵍⵃⴻⴷⴷ. ⵎⴰ ⴷ ⴰⵎⴰⵔⵉⵔ ⴰⵎⴰⵢⵏⵓ ⵡⵉⵙ 3 ⵢⴻⵔⵏⴰ ⴷ ⴰⵏⴻⴳⴳⴰⵔⵓ ⴰⴷ ⵢⵉⵍⵉ ⴷ ⴰⵎⴰⵔⵉⵔ ⴰⵢ ⵍⴰ ⵢⴻⵜⵜⵓⵔⴰⵔⴻⵏ ⴷⴻⴳ ⵓⴳⵏⵉⵔ ⵓⵙⵔⵉⴷ, ⵢⴻⵔⵏⴰ ⵏⴻⵙⵄⴰ ⵍⵅⴻⵜⵢⴰⵔ ⴷⴻⴳ ⵡⴰⵏⴻⵛⵜ-ⴰ ⴳⴰⵔ ⵙⵉⵏ ⵏ ⵢⵉⵎⴰⵔⵉⵔⴻⵏ, ⵎⴰⵛⴰ ⵙⵎⴻⵏⵢⴰⴼⴻⵖ ⵓⵔ ⵜⴻⵏ-ⵉⴷ-ⴱⴻⴷⴷⵔⴻⵖ ⴰⵔⴰ ⵉⵎⵉⵔ-ⴰ », ⵖⴻⴼ ⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵎⵔⴰⵏⵉ.
