Asebter amenzawi

Imenɣi mgal rrebrab: 109 n yirebraben ay yettwenɣen d 36 ay yettwaḍḍfen deg 2015

LEZZAYER TAMANEɣT– Yessaweḍ Yigen Aɣelnaw Aɣerfan, deg useggas n 2015, ad yenɣ 109 n yirebraben yerna ad yeḍḍef 36 niḍen ɣef wakken ay d-tebder ass n lḥedd yiwet n tecrawt (ḥaṣila) n uɣlif n temḥaddit taɣelnawt.

ɣef leḥsab n tecrawt-a ɣef yimenɣi mgal rrebrab deg useggas n 2015, 109 n yirebraben ay yettwenɣen, ttwaḍḍfen 36 niḍen, yerna tettwaḍḍef tesmekta (kammiyya) d tameqrant n leslaḥat d lɛula n yimenɣi, llan deg-s 18 n yiqenṭaren n yifexsayen (mutafaǧǧirat), ɣef wakken ay d-tebder tecrawt-a.

Gar leslaḥat ay yettwaḍḍfen, llan 105 n yibeckiḍen n Kalachnikov, 21 n tmeẓyanin tiymaniyin (utumatikiyya), 237 n yibeckiḍen, 8 n yimzelliyen n tmeẓdiyin, 5 n yimzelliyen n tmeẓdiyin imensayen d tesmekta tameqrant n lɛula n yimenɣi aydeg llant 182 n lbumbat timensayin, 132 n lminat d 5 n tmeẓdiyin.

Seg yidis niḍen, yerna deg ukatar n yimenɣi mgal ussetti n tehyufin, ḍḍfen yiserdasen n Yigen Aɣelnaw Aɣerfan, deg tallit-nni, 57.168 n yikilugṛamen n lkif, ɣef wakken ay d-tebder tecrawt-a.

Nnig waya, ttwaḍḍfen daɣ 977 n yimaḍḍafen n yimɣuzen (maɛadin), 1321,7 n yigṛamen n wureɣ d 1.079.787 n llitrat n userɣu deg ukatar n yimenɣi mgal usserwel n sselɛa.