ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ: 109 ⵏ ⵢⵉⵔⴻⴱⵔⴰⴱⴻⵏ ⴰⵢ ⵢⴻⵜⵜⵡⴻⵏⵖⴻⵏ ⴷ 36 ⴰⵢ ⵢⴻⵜⵜⵡⴰⴹⴹⴼⴻⵏ ⴷⴻⴳ 2015

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵢⴻⵙⵙⴰⵡⴻⴹ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ, ⴷⴻⴳ ⵓⵙⴻⴳⴳⴰⵙ ⵏ 2015, ⴰⴷ ⵢⴻⵏⵖ 109 ⵏ ⵢⵉⵔⴻⴱⵔⴰⴱⴻⵏ ⵢⴻⵔⵏⴰ ⴰⴷ ⵢⴻⴹⴹⴻⴼ 36 ⵏⵉⴹⴻⵏ ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⴱⴷⴻⵔ ⴰⵙⵙ ⵏ ⵍⵃⴻⴷⴷ ⵢⵉⵡⴻⵜ ⵏ ⵜⴻⵛⵔⴰⵡⵜ (ⵃⴰⵚⵉⵍⴰ) ⵏ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ.

ⵖⴻⴼ ⵍⴻⵃⵙⴰⴱ ⵏ ⵜⴻⵛⵔⴰⵡⵜ-ⴰ ⵖⴻⴼ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ ⴷⴻⴳ ⵓⵙⴻⴳⴳⴰⵙ ⵏ 2015, 109 ⵏ ⵢⵉⵔⴻⴱⵔⴰⴱⴻⵏ ⴰⵢ ⵢⴻⵜⵜⵡⴻⵏⵖⴻⵏ, ⵜⵜⵡⴰⴹⴹⴼⴻⵏ 36 ⵏⵉⴹⴻⵏ, ⵢⴻⵔⵏⴰ ⵜⴻⵜⵜⵡⴰⴹⴹⴻⴼ ⵜⴻⵙⵎⴻⴽⵜⴰ (ⴽⴰⵎⵎⵉⵢⵢⴰ) ⴷ ⵜⴰⵎⴻⵇⵔⴰⵏⵜ ⵏ ⵍⴻⵙⵍⴰⵃⴰⵜ ⴷ ⵍⵄⵓⵍⴰ ⵏ ⵢⵉⵎⴻⵏⵖⵉ, ⵍⵍⴰⵏ ⴷⴻⴳ-ⵙ 18 ⵏ ⵢⵉⵇⴻⵏⵟⴰⵔⴻⵏ ⵏ ⵢⵉⴼⴻⵅⵙⴰⵢⴻⵏ (ⵎⵓⵜⴰⴼⴰⴵⴵⵉⵔⴰⵜ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⴱⴷⴻⵔ ⵜⴻⵛⵔⴰⵡⵜ-ⴰ.

ⴳⴰⵔ ⵍⴻⵙⵍⴰⵃⴰⵜ ⴰⵢ ⵢⴻⵜⵜⵡⴰⴹⴹⴼⴻⵏ, ⵍⵍⴰⵏ 105 ⵏ ⵢⵉⴱⴻⵛⴽⵉⴹⴻⵏ ⵏ ⴽⴰⵍⴰⵛⵀⵏⵉⴽⵧⵠ, 21 ⵏ ⵜⵎⴻⵥⵢⴰⵏⵉⵏ ⵜⵉⵢⵎⴰⵏⵉⵢⵉⵏ (ⵓⵜⵓⵎⴰⵜⵉⴽⵉⵢⵢⴰ), 237 ⵏ ⵢⵉⴱⴻⵛⴽⵉⴹⴻⵏ, 8 ⵏ ⵢⵉⵎⵣⴻⵍⵍⵉⵢⴻⵏ ⵏ ⵜⵎⴻⵥⴷⵉⵢⵉⵏ, 5 ⵏ ⵢⵉⵎⵣⴻⵍⵍⵉⵢⴻⵏ ⵏ ⵜⵎⴻⵥⴷⵉⵢⵉⵏ ⵉⵎⴻⵏⵙⴰⵢⴻⵏ ⴷ ⵜⴻⵙⵎⴻⴽⵜⴰ ⵜⴰⵎⴻⵇⵔⴰⵏⵜ ⵏ ⵍⵄⵓⵍⴰ ⵏ ⵢⵉⵎⴻⵏⵖⵉ ⴰⵢⴷⴻⴳ ⵍⵍⴰⵏⵜ 182 ⵏ ⵍⴱⵓⵎⴱⴰⵜ ⵜⵉⵎⴻⵏⵙⴰⵢⵉⵏ, 132 ⵏ ⵍⵎⵉⵏⴰⵜ ⴷ 5 ⵏ ⵜⵎⴻⵥⴷⵉⵢⵉⵏ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵔⵏⴰ ⴷⴻⴳ ⵓⴽⴰⵜⴰⵔ ⵏ ⵢⵉⵎⴻⵏⵖⵉ ⵎⴳⴰⵍ ⵓⵙⵙⴻⵜⵜⵉ ⵏ ⵜⴻⵀⵢⵓⴼⵉⵏ, ⴹⴹⴼⴻⵏ ⵢⵉⵙⴻⵔⴷⴰⵙⴻⵏ ⵏ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ, ⴷⴻⴳ ⵜⴰⵍⵍⵉⵜ-ⵏⵏⵉ, 57.168 ⵏ ⵢⵉⴽⵉⵍⵓⴳⵕⴰⵎⴻⵏ ⵏ ⵍⴽⵉⴼ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⴱⴷⴻⵔ ⵜⴻⵛⵔⴰⵡⵜ-ⴰ.

ⵏⵏⵉⴳ ⵡⴰⵢⴰ, ⵜⵜⵡⴰⴹⴹⴼⴻⵏ ⴷⴰⵖ 977 ⵏ ⵢⵉⵎⴰⴹⴹⴰⴼⴻⵏ ⵏ ⵢⵉⵎⵖⵓⵣⴻⵏ (ⵎⴰⵄⴰⴷⵉⵏ), 1321,7 ⵏ ⵢⵉⴳⵕⴰⵎⴻⵏ ⵏ ⵡⵓⵔⴻⵖ ⴷ 1.079.787 ⵏ ⵍⵍⵉⵜⵔⴰⵜ ⵏ ⵓⵙⴻⵔⵖⵓ ⴷⴻⴳ ⵓⴽⴰⵜⴰⵔ ⵏ ⵢⵉⵎⴻⵏⵖⵉ ⵎⴳⴰⵍ ⵓⵙⵙⴻⵔⵡⴻⵍ ⵏ ⵙⵙⴻⵍⵄⴰ.