ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⴼⴽⴰ ⵓⵎⴻⵕⵃⵓⵎ ⴰⵉⵜ ⴰⵀⵎⴻⴷ ⴰⴽⴽ ⵜⵓⴷⴻⵔⵜ-ⵏⵏⴻⵙ ⵉ ⵓⵃⵓⴷⴷⵓ ⵏ ⵜⵎⵓⵔⵜ-ⵏⵏⴻⵙ ⴷ ⵓⵖⵔⴻⴼ-ⵏⵏⴻⵙ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵡⴻⴽⴽⴷⴻⵏ-ⴷ ⴽⵔⴰ ⵏ ⵡⵓⴷⵎⴰⵡⴻⵏ ⵉⵖⴻⵍⵏⴰⵡⴻⵏ, ⵉⵎⵊⴰⵀⴷⴻⵏ ⴷ ⵢⵉⵎⴹⴻⴱⴱⵔⴻⵏ ⵏ ⵜⵓⴷⴷⵙⵉⵡⵉⵏ (ⵎⵓⵏⴰⴹⴹⴰⵎⴰⵜ) ⵜⵉⵖⴻⵍⵏⴰⵡⵉⵏ ⴰⵙⵙ ⵏ ⵍⵃⴻⴷⴷ ⴷⴰⴽⴽⴻⵏ ⴰⵎⴻⵕⵃⵓⵎ ⴰⵉⵜ ⴰⵀⵎⴻⴷ, ⴰⵢ ⵢⴻⵡⵡⴹⴻⵏ ⵍⴻⵄⴼⵓ ⵏ ⵕⴻⴱⴱⵉ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵍⴰⵓⵙⴰⵏⵏⴻ (ⵙⵙⵡⵉⵙ) « ⵢⴻⵍⵍⴰ ⴷ ⵓⴷⴻⵎ ⴰⵎⴻⵣⵔⵓⵢⴰⵏ ⵓⵔ ⵢⴻⵙⵄⵉⵏ ⵜⴰⵎⵜⵉⵍⵜ ⵢⴻⵔⵏⴰ ⵢⴻⵍⵍⴰ ⵉⵃⴻⵎⵎⴻⵍ ⵜⴰⵎⵓⵔⵜ-ⵏⵏⴻⵙ ⴷ ⵓⵖⵔⴻⴼ-ⵏⵏⴻⵙ ».

ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ (ⵜⴰⵚⵔⵉⵃ) ⵉ ⵜⵖⴻⵎⵙⴰ, ⵢⴻⵏⵏⴰ-ⴷ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵉⵙⵍⴰⵎⴰⵏ ⵓⵏⵏⵉⴳ, ⵛⵛⵉⵅ ⴰⴱⵓ ⵧⵎⵔⴰⵏⴻ, ⴷⴰⴽⴽⴻⵏ ⴰⵎⴻⵕⵃⵓⵎ ⴰⵉⵜ ⴰⵀⵎⴻⴷ « ⵢⴻⵍⵍⴰ ⴷ ⴰⵔⴳⴰⵣ ⴰⵎⴻⴳⵣⵓ (ⴷⴰⴽⵉ) ⵢⴻⵔⵏⴰ ⴷ ⴰⵙⴻⵔⵜⴰⵢ ⵢⴻⵙⵄⴰⵏ ⵜⵜⴻⵊⵕⵉⴱⴰ, ⵢⴻⴼⴽⴰ ⴰⴽⴽ ⵜⴰⵎⴻⴷⴷⵓⵔⵜ-ⵏⵏⴻⵙ ⵉⵏ ⵓⵖⵍⴰⵏ ⴷ ⵜⴻⵎⵙⴰⵍ ⵢⴻⵔⵣⴰⵏ ⴰⵖⵔⴻⴼ ».

ⵎⴰⵙⵙⴰ ⴷⵔⵉⴼⴰ ⴱⴻⵏ ⵎⵀⵉⴷⵉ, ⵡⴻⵍⵜⵎⴰ-ⵙ ⵏ ⵓⵎⴻⵖⵔⵓⵙ (ⵛⴰⵀⵉⴷ) ⵍⴰⵔⴱⵉ ⴱⴻⵏ ⵎⵀⵉⴷⵉ, ⵜⴻⵏⵏⴰ-ⴷ ⴷⴰⴽⴽⴻⵏ ⴰⵎⴻⵕⵃⵓⵎ « ⵢⴻⵍⵍⴰ ⴷ ⴰⵔⴳⴰⵣ ⴰⵎⴻⵇⵔⴰⵏ ⴰⵢ ⵢⴻⴼⴽⴰⵏ ⴰⴽⴽ ⵜⴰⵎⴻⴷⴷⵓⵔⵜ-ⵏⵏⴻⵙ ⵉ ⵍⴷⵣⴰⵢⴻⵔ », ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵔⵏⴰ ⴷⴰⴽⴽⴻⵏ ⴰⵔⴳⴰⵣ-ⴰ « ⵢⴻⵍⵍⴰ ⵢⴻⵙⵙⴻⵏ ⴰⴷ ⵢⴻⵎⵛⵉⵡⴻⵕ ⵢⴻⵔⵏⴰ ⵢⴻⵜⵜⵇⴰⴷⴰⵔ ⵍⴻⵕⵢⵓⵢ ⵏ ⵡⵉⵢⴰⴹ, ⴰⵎ ⵡⴰⴽⴽⴻⵏ ⵓⵔ ⵢⴻⵃⵇⵉⵔ ⵢⵉⵡⴻⵏ, ⴰⵏⴻⵛⵜ ⵢⴻⴱⵖⵓ ⵢⴻⵎⴳⴻⵔⵔⴰⴷ ».

ⴰⵏⴻⵖⵍⴰⴼ ⴰⵇⴱⵓⵔ ⴷ ⵓⵎⴰⵙⵍⴰⴹ (ⵄⵓⴹⵡ) ⵏ ⵓⵙⴻⵇⵇⴰⵎⵓ ⵏ ⵓⵖⵍⴰⵏ, ⵙⴰⵉⴷ ⴱⴻⵔⴽⴰⵜ, ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⴰⵎⴻⵕⵃⵓⵎ ⴰⵉⵜ ⴰⵀⵎⴻ « ⵢⴻⵍⵍⴰ ⴷ ⴰⵔⴳⴰⵣ ⴰⵎⴻⵇⵔⴰⵏ, ⴰⵣⴰⵍ-ⵏⵏⴻⵙ ⴰⵏⴻⵛⵜ ⵏ ⵍⴻⵛⵖⴰⵍ-ⵏⵏⵉ ⵉⵎⴻⵇⵔⴰⵏⴻⵏ ⴰⵢ ⵉⴳⴰ ⴷⴻⴳ ⵟⵟⵔⴰⴷ ⵓⵔⴱⵉⵃ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ ⵖⴻⵔ ⵢⵉⴷⵉⵙ ⵏ ⵢⵉⵔⴳⴰⵣⴻⵏ ⵏⵉⴹⴻⵏ ⴰⵢ ⵢⴻⵏⵏⵓⵖⴻⵏ ⵙⴻⴳ ⵡⵓⵍ ⵖⴻⴼ ⵜⵎⵓⵔⵜ-ⴰ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⴰⵉⵜ ⴰⵀⵎⴻⴷ ⵢⴻⵍⵍⴰ ⴷⴰⵖ ⴷ « ⴰⵎⵃⴰⴷⴷⵉ ⴰⵎⴻⵇⵔⴰⵏ ⵏ ⵜⵍⴻⵍⵍⵉ ⵏ ⵢⵉⵖⴻⵔⴼⴰⵏ ⴷⴻⴳ ⵓⵎⴰⴹⴰⵍ ».

ⴷⴻⴳ ⵢⵉⴷⵉⵙ-ⵏⵏⴻⵙ, ⵜⴰⵎⴰⵔⵓⵜ ⵜⴰⵎⴰⵜⵓⵜ ⵏ ⵜⴰⴷⵓⴽⵍⵉ ⵜⴰⵖⴻⵍⵏⴰⵡⵜ ⵏ ⵜⵙⴻⴷⵏⴰⵏ ⵜⵉⴷⵣⴰⵢⵔⵉⵢⵉⵏ, ⵏⵧⵓⵔⵉⴰ ⵀⴰⴼⵙⵉ, ⵜⵡⴻⴽⴽⴻⴷ-ⴷ ⴷⴰⴽⴽⴻⵏ ⴰⵎⵊⴰⵀⴻⴷ ⴰⵉⵜ ⴰⵀⵎⴻⴷ « ⵢⴻⵍⵍⴰ ⴷ ⴰⵣⴰⵎⵓⵍ ⵏ ⵜⴻⴳⵔⴰⵡⵍⴰ », ⵢⴻⵔⵏⴰ ⵜⴻⵏⵏⴰ-ⴷ ⴷⴰⴽⴽⴻⵏ « ⵜⴰⵎⴻⴷⴷⵓⵔⵜ-ⵏⵏⴻⵙ ⵜⴻⵞⵞⵓⵕ ⴷ ⵉⵙⴻⴼⵍⴰⵏ, ⴷ ⴰⵣⴰⵍⴻⵏ, ⴷ ⵢⵉⵎⴻⵏⵣⴰⵢⴻⵏ (ⵎⴰⴱⴰⴷⵉ’) ⴰⵢⵖⴻⴼ ⵢⴻⵏⵏⵓⵖ, ⴷⵖⴰ ⴷ ⴰⵢⴰ ⴰⵢ ⵜ-ⵢⴻⵔⵔⴰⵏ ⴷ ⴰⵣⴰⵎⵓⵍ ⵏ ⵜⵓⴳⴷⵓⵜ ⴷ ⵜⴻⵍⵙⴰⵥⵔⵉ (ⵉⵏⵙⴰⵏⵉⵢⵢⴰ) ⴷⴻⴳ ⵓⵎⴰⴹⴰⵍ ».

ⵙⴻⴳ ⵢⵉⴷⵉⵙ-ⵏⵏⴻⵙ, ⴰⵎⵊⴰⵀⴻⴷ ⴰⴱⴷⴻⵍⵎⵧⵓⵍⴰ ⵎⵧⵀⴰⵎⴻⴷ, ⵏ ⵜⵡⵉⵍⴰⵢⵜ ⵜⵉⵙ 4 ⵜⴰⵎⴻⵣⵔⵓⵢⴰⵏⵜ, ⵉⴳⴻⵔ-ⴷ ⵜⵉⵖⵔⵉ ⵉ ⵢⵉⵍⴻⵎⵥⵉⵢⴻⵏ ⴰⴽⴽⴻⵏ « ⴰⴷ ⴷ-ⴰⴳⵎⴻⵏ ⵙⴻⴳ ⵜⴻⴽⵜⴰ ⴷ ⵢⵉⵎⴻⵏⵣⴰⵢⴻⵏ ⵏ ⵓⵎⴻⵕⵃⵓⵎ » ⴰⵢ ⵢⴻⴼⴽⴰⵏ ⵜⴰⵎⴻⴷⴷⵓⵔⵜ-ⵏⵏⴻⵙ ⵉ ⵍⴷⵣⴰⵢⴻⵔ ⴷ ⵓⵖⵔⴻⴼ-ⵏⵏⴻⵙ.