ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴻⵣⵣⴰⵢⴻⵔ ⴷ ⵜⵓⵏⴻⵙ ⵍⴰ ⵜⵜⵓⵔⴰⵔⴻⵏⵜ ⴷⴷⵓⵕ ⴷ ⴰⵎⴻⵇⵔⴰⵏ ⴷⴻⴳ ⵓⵎⵄⴰⵡⴻⵏ ⴰⴷⴰⵎⵙⴰⵏ ⴷⴻⴳ ⵍⵎⴻⵖⵔⴻⴱ

ⵜⵉⵒⴰⵣⴰ –ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⴻⴷⵔⵉⵎⵜ, ⴰⴱⴷⴻⵔⵔⴰⵀⵎⴰⵏⴻ ⴱⴻⵏⴽⵀⴻⵍⴼⴰ, ⴰⵙⵙ ⵏ ⵍⵃⴻⴷⴷ ⴷⴻⴳ ⵜⵉⵒⴰⵣⴰ, ⴷⴰⴽⴽⴻⵏ ⵍⴷⵣⴰⵢⴻⵔ ⴷ ⵜⵓⵏⴻⵙ ⵍⴰ ⵜⵜⵓⵔⴰⵔⴻⵏⵜ ⴷⴷⵓⵕ ⴷ ⴰⵎⴻⵇⵔⴰⵏ ⴷⴻⴳ ⵓⵎⵄⴰⵡⴻⵏ ⴰⴷⴰⵎⵙⴰⵏ ⴷⴻⴳ ⵜⴻⵎⵏⴰⴹⵜ ⵏ ⵍⵎⴻⵖⵔⴻⴱ.

« ⵍⴷⵣⴰⵢⴻⵔ ⴷ ⵜⵓⵏⴻⵙ ⵍⴰ ⵙⵙⴰⵔⴰⵎⴻⵏⵜ ⴰⴷ ⵓⵔⴰⵔⴻⵏⵜ ⴷⴷⵓⵕ ⴷ ⴰⵎⴻⵇⵔⴰⵏ ⴷⴻⴳ ⵓⵎⵄⴰⵡⴻⵏ ⴰⴷⴰⵎⵙⴰⵏ ⴷⴻⴳ ⵜⴻⵎⵏⴰⴹⵜ ⵏ ⵍⵎⴻⵖⵔⴻⴱ », ⵢⴻⵔⵏⴰ ⵍⴰ ⵙⵙⴻⴼⵔⴰⵢⴻⵏⵜ ⴰⴷ ⵙⴵⴻⵀⴷⴻⵏⵜ « ⴰⵏⵏⵓⵎⵎⴻⴷ » (ⵉⵏⴷⵉⵎⴰⴵ) ⴰⴷⴰⵎⵙⴰⵏ ⴳⴰⵔ ⵜⵎⵓⵔⴰ ⵏ ⵜⴻⵎⵏⴰⴹⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⴻⵏⴽⵀⴰⵍⴼⴰ ⴷⴻⴳ ⵜⵉⵏⴰⵡⵜ-ⵏⵏⴻⵙ ⴷⴻⴳ ⵜⴼⵓⴳⵍⴰ (ⵃⴰⴼⵍ) ⵏ ⵜⵓⴼⴼⵖⴰ ⵏ ⵓⵙⵎⴰⵍ ⵡⵉⵙ 32 ⵏ ⵢⵉⵏⴻⵍⵎⴰⴷⴻⵏ ⵏ ⵓⵙⵓⴷⵓ ⴰⴷⵣⴰⵢⵔⵉ-ⴰⵜⵓⵏⵙⵉ ⵏ ⵜⴷⴰⵎⵙⴰ ⵜⴰⴷⵡⴰⵏⴰⵏⵜ ⴷ ⵜⴻⵡⵙⴰⵏⵜ ⵏ ⵜⴻⵇⵍⵉⵄⵜ. ⵜⵉⵏⴰⵡⵜ-ⴰ ⵢⴻⵖⵔⴰ-ⵜⵜ-ⵉⴷ ⵓⵎⴰⵔⵓ ⴰⵎⴰⵜⵓ ⵏ ⵓⵖⵍⵉⴼ, ⴱⵧⵓⵜⴰⴱⴰ ⵎⵧⵓⵍⵧⵓⴷ, ⵙ ⵢⵉⵙⴻⵎ ⵏ ⵓⵏⴻⵖⵍⴰⴼ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵡⵉⵔ ⵏ ⵓⵎⵄⴰⵡⴻⵏ ⵓⵛⵔⵉⴽ ⴷⴻⴳ ⵓⵏⵔⴰⵔ ⵏ ⵜⴻⴷⵔⵉⵎⵜ, ⵢⴻⵙⵎⴻⴽⵜⵉ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⴰⵙⵓⴷⵓ-ⴰ (ⵎⴰⵄⵀⴰⴷ) ⵢⴻⵏⵏⵓⵍⴼⴰ-ⴷ ⵉ ⵍⵎⴻⵏⴷ ⵏ ⵓⴽⴻⵎⵎⴻⵍ ⵏ ⵡⴰⵢⴰ, ⵢⴻⵔⵏⴰ ⴰⵎⵄⴰⵡⴻⵏ-ⴰ ⴰⴷ ⵉⴽⴻⵎⵎⴻⵍ ⵙ ⵓⵙⵙⴻⴱⴷⴻⴷ ⵏ ⵜⴱⴰⵏⴽⴰ ⵜⴰⵎⵖⴰⵔⴱⵉⵜ ⵏ ⵓⵙⵙⴻⴼⵜⵉ ⴷ ⵜⵏⴻⵣⵣⵓⵜ ⵜⵓⴼⴼⵉⵖⵜ ⵉ ⵓⵙⵎⴰⵍ ⵏ ⵓⵎⵄⴰⵡⴻⵏ ⴰⴷⴰⵎⵙⴰⵏ ⴷⴻⴳ ⵜⴻⵎⵏⴰⴹⵜ.

ⴷⵖⴰ ⵢⴻⵏⵏⴰ-ⴷ ⵓⵏⴻⵖⵍⴰⴼ, ⴷⴻⴳ ⵜⴻⵎⵙⴰⵍⵜ-ⴰ, ⴷⴰⴽⴽⴻⵏ ⵉⵙⵡⴰⵏ ⵉⴷⴰⵎⵙⴰⵏⴻⵏ « ⵓⵛⵔⵉⴽⴻⵏ » ⴳⴰⵔ ⵜⵎⵓⵔⴰ ⵏ ⵍⵎⴻⵖⵔⴻⴱ ⵙⵄⴰⵏ ⴰⵣⴰⵍ ⵢⴻⵔⵏⴰ ⴱⵖⴰⵏ ⴰⴷ ⵙⵙⵉⵡⴹⴻⵏ ⵜⵉⵎⵓⵔⴰ-ⴰ ⴰⴷ ⵙⵄⵓⵏⵜ ⵜⴰⴷⴰⵎⵙⴰ ⵢⴻⵜⵜⵡⴰⵏⴻⵡⵡⵄⴻⵏ ⴰⴷ ⵢⴻⴱⵏⵓⵏ ⵖⴻⴼ « ⵓⵎⴻⴷⵅⵓⵍ ⵙ ⵓⵜⴻⵔⵔⴰⵙ », « ⵜⵓⴽⴽⵙⴰ ⵏ ⵜⵔⴻⴱⴱⴰⵡⵜ (ⴱⴰⵟⴰⵍⴰ) », ⵜⴰⵣⵎⴻⵔⵜ ⵏ ⵓⵎⵙⵉⵣⵡⴻⵔ, ⴰⵙⵙⴻⵎⵖⴻⵔ ⵏ ⵜⵖⴻⵔⵖⴻⵔⵜ ⵏ ⵍⴻⵖⵔⴰⵎⴰ ⴷ ⵓⵔⴽⴰⴷ ⵏ ⵍⴻⵖⵔⴰⵎⴰ ⴰⴷ ⵢⵉⵍⵉⵏ ⴷ ⵜⵜⴰⵡⵉⵍ ⵉ ⵓⵅⴻⵍⵍⴻⵚ ⵏ ⵢⵉⵙⵙⴻⴼⵜⵉⵢⴻⵏ.

ⵢⴻⵏⵏⴰ-ⴷ ⵓⵏⵎⴰⵀⴰⵍ (ⵙⴰⴼⵉⵔ) ⵏ ⵜⵓⵏⴻⵙ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⴰⴱⴷⴻⵍⵎⴰⴷⵊⵉⴷ ⴼⴻⵔⵛⵀⵉⵛⵀⵉ, ⴷⴰⴽⴽⴻⵏ ⴰⵙⵓⴷⵓ ⴰⴷⵣⴰⵢⵔⵉ-ⴰⵜⵓⵏⵙⵉ ⵏ ⵜⴷⴰⵎⵙⴰ ⵜⴰⴷⵡⴰⵏⴰⵏⵜ ⴷ ⵜⴻⵡⵙⴰⵏⵜ ⴷ « ⴰⵎⴻⴷⵢⴰ ⵉⴱⴰⵏⴻⵏ » ⵏ ⵓⵎⵄⴰⵡⴻⵏ ⴳⴰⵔ ⵢⵉⵎⴻⵥⵍⴰ (ⵎⴰⵚⴰⵍⵉⵃ) ⵉⴷⵔⵉⵎⴰⵏⴻⵏ ⵏ ⵙⵏⴰⵜ-ⴰ ⵏ ⵜⵎⵓⵔⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵖⴻⴼ ⵡⴰⵣⴰⵍ ⵏ ⵜⴱⴰⵏⴽⴰ ⵢⴻⵙⵄⴰⵏ ⵍⴷⵣⴰⵢⴻⵔ ⴷ ⵜⴰⵙⴻⵍⵡⴰⵢⵜ-ⵏⵏⴻⵙ ⵢⴻⵔⵏⴰ ⵜⴻⵙⵄⴰ ⴰⵅⵅⴰⵎ-ⵏⵏⴻⵙ ⴷⴻⴳ ⵜⵓⵏⴻⵙ, ⵉⵎⵉ « ⵜⴻⵙⵙⴻⴵⵀⴰⴷ ⴰⵎⵄⴰⵡⴻⵏ ⴷ ⴰⵎⴻⴷⵢⴰⵏ » ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ.

ⴰⵙⵓⴷⵓ ⴰⴷⵣⴰⵢⵔⵉ-ⴰⵜⵓⵏⵙⵉ ⵏ ⵜⴷⴰⵎⵙⴰ ⵜⴰⴷⵡⴰⵏⴰⵏⵜ ⴷ ⵜⴻⵡⵙⴰⵏⵜ ⵢⴻⵏⵏⵓⵍⴼⴰ-ⴷ ⵙ ⵢⵉⵡⴻⵏ ⵏ ⵓⵎⵜⴰⵡⴰ (ⵉⵜⵜⵉⴼⴰⵇ) ⵓⵛⵔⵉⴽ ⴷⴻⴳ 3 ⵛⵜⴻⵎⴱⴻⵕ 1983, ⵢⴻⵔⵏⴰ ⵢⴻⵙⵙⵓⴼⴼⴻⵖ-ⴷ 1209 ⵏ ⵢⵉⴽⴰⵜⴰⵔⴻⵏ (ⵉⵟⴰⵔⴰⵜ) ⵓⵏⵏⵉⴳⴻⵏ ⴰⵢ ⵉⵅⴻⴷⴷⵎⴻⵏ ⴷⴻⴳ ⵢⵉⵎⴻⵥⵍⴰ ⵉⴷⵔⵉⵎⴰⵏⴻⵏ ⵏ ⵙⵏⴰⵜ-ⴰ ⵏ ⵜⵎⵓⵔⴰ, ⴳⴰⵔ-ⴰⵙⴻⵏ 777 ⵏ ⵢⵉⴽⴰⵜⴰⵔⴻⵏ ⵉⴷⵣⴰⵢⵔⵉⵢⴻⵏ.