Asebter amenzawi

Talɣuɣa n utaekwondo i uɛeddi ɣer Wuraren Ulimpiyen n 2016 gar 5 d 7 Fuṛaṛ

RRBAṬ – Talɣuɣa n utaekwondo i uɛeddi ɣer Wuraren Ulimpiyen n 2016 (tamnaḍt n Tefriqt) ad d-tili gar 5 d 7 Fuṛaṛ ay d-yetteddun deg Ugadir deg Meṛṛuk, ɣef wakken ay d-tenna ass n lḥedd Tfidiṛalit Tageldant Tameṛṛukit n Utaekwondo.

Tamdint n Ugadir ad d-mlilen deg-s yinaddalen n utaekwondo n 30 n tmura tifriqiyin, gar-asent Lezzayer s 4 n yinaddalen (2 n yirgazen d 2 n tsednan).

Tamdint-a temmuger yagi talɣuɣa tagraɣlant ireẓmen deg Meṛṛuk aydeg ttekkan 400 n yinaddalen (irgazen d tsednan) seg 50 n tmura.

Seg yidis-nnes, taɣlamt tadzayrit n yimeqranen n « ukyorugi » tebda ass n lexmis yezrin deg Tubiret tannant (tarabbuṣ) n ussewjed akken ad tettekki deg telɣuɣa tagraɣlant n Meṛṛuk.

12 n yinaddalen, gar-asen 5 n tsednan, ad yettekkin deg tannant-a ad d-yilin deg tzeɣɣa n Rabah-Bittat deg Tubiret. �