ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⴼⵓⴽ ⵓⵙⴻⴳⴳⴰⵙ ⵏ 2015 ⴷ ⵓⵙⵜⴻⵏⵢⵉ ⵏ ⵓⵎⵜⴰⵡⴰ ⴰⵙⴻⵔⵜⵉ ⴷⴻⴳ ⵍⵉⴱⵢⴰ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴼⵓⴽⴻⵏ ⵢⵉⵍⵉⴱⵉⵢⴻⵏ ⴰⵙⴻⴳⴳⴰⵙ-ⴰ ⵏ 2015 ⵙ ⵓⵙⵜⴻⵏⵢⵉ ⵏ ⵓⵎⵜⴰⵡⴰ (ⵉⵜⵜⵉⴼⴰⵇ) ⴰⵙⴻⵔⵜⵉ ⵖⴻⴼ ⵓⵙⵙⴻⴱⴷⴻⴷ ⵏ ⵓⵏⴰⴱⴰⴹ (ⵃⵓⴽⵓⵎⴰ) ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ, ⴷ ⴰⵎⵜⴰⵡⴰ ⵡⵓⵖⵓⵔ ⵙⵙⴰⵡⴹⴻⵏ ⴷⴻⴼⴼⵉⵔ ⵢⵉⵡⴻⵏ ⵏ ⵓⵎⴻⵛⵡⴰⵕ ⴷ ⴰⵖⴻⵣⴼⴰⵏ ⵏ ⵓⵎⵛⵉⵡⴻⵕ ⴷⴷⴰⵡ ⵍⴻⵄⵏⴰⵢⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⴼⴰⴽⵉ ⵏ ⵜⴰⵍⵓⴼⵜ ⵜⴰⵙⴻⵔⵜⵉⵜ ⴷ ⵜⵖⴻⵍⵍⵉⵙⴰⵏⵜ ⴰⵢⴷⴻⴳ ⵜⴻⵣⴷⴻⵔ ⵜⵎⵓⵔⵜ ⵙⴻⴳ 2011.

ⴰⵎⵜⴰⵡⴰ-ⴰ ⵉ ⵓⵙⵙⵓⴼⴼⴻⵖ ⵏ ⵍⵉⴱⵢⴰ ⵙⴻⴳ ⵜⴰⵍⵓⴼⵜ ⵙ ⵓⴱⵔⵉⴷ ⵏ ⵜⴰⵍⵡⵉⵜ ⵙⵜⴻⵏⵢⴰⵏ-ⵜ, ⴷⴷⴰⵡ ⵍⴻⵄⵏⴰⵢⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴰⵙⵙ ⵏ 17 ⴷⵓⵊⴻⵎⴱⴻⵕ ⵢⵉⴷⵉⵙⴰⵏ ⵉⵍⵉⴱⵉⵢⴻⵏ ⵢⴻⵜⵜⴻⴽⴽⴰⵏ ⴷⴻⴳ ⵓⵎⵛⵉⵡⴻⵕ ⴰⵢ ⴷ-ⵢⴻⴱⴷⴰⵏ ⴷⴻⴳ ⵎⴻⵖⵔⴻⵙ ⵏ 2015 ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ.

ⴰⵎⵜⴰⵡⴰ-ⴰ ⵢⴻⵙⵙⴻⴼⵔⴰⵢ ⴰⵙⵙⴻⴱⴷⴻⴷ ⵏ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⴷ ⵓⵙⴻⵇⵇⴰⵎⵓ ⴰⵙⴻⵍⵡⴰⵢⴰⵏ ⴷⴻⴳ ⵜⴻⵣⵡⴰⵔⴰ ⵏ ⵜⴰⵍⵍⵉ ⵏ ⵜⵓⴽⴽⵉⵜ (ⵉⵏⵜⵉⵇⴰⵍ) ⵏ ⵙⵉⵏ ⵏ ⵢⵉⵙⴻⴳⴳⴰⵙⴻⵏ ⴰⴷ ⵉⴼⴰⴽⴻⵏ ⵙ ⵜⴻⴼⵔⴰⵏⵉⵏ ⵜⵉⵡⴰⵎⵏⵉⵢⵉⵏ (ⴱⴰⵔⵍⴰⵎⴰⵏⵉⵢⵢⴰ).

ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵢⵉⴷⵉⵙⴰⵏ ⵉⵍⵉⴱⵉⵢⴻⵏ ⵢⴻⵙⵜⴻⵏⵢⴰ ⴰⵎⵜⴰⵡⴰ-ⴰ, ⴳⴰⵔ-ⴰⵙⴻⵏ ⵍⴰⴷⵖⴰ ⴰⵎⵏⵉ-ⵏⵏⵉ (ⴱⴰⵔⵍⴰⵎⴰⵏ) ⴰⵢⵢⴻⵙ ⵢⴻⵙⵜⴻⵄⵕⴻⴼ ⵓⵎⵖⵉⵡⴰⵏ (ⵎⵓⴵⵜⴰⵎⴰⵄ) ⴰⴳⵔⴰⵖⵍⴰⵏ (ⵜⴰⵎⴰⵏⴻⵖⵜ-ⵏⵏⴻⵙ ⴷⴻⴳ ⵟⵓⴱⵔⵓⵇ, ⴷⴻⴳ ⵓⴳⵎⵓⴹ ⵏ ⵍⵉⴱⵢⴰ), ⴰⵙⴻⵇⵇⴰⵎⵓ ⴰⵖⴻⵍⵏⴰⵡ ⴰⵎⴰⵜⵓ (ⴷⴻⴳ ⵟⵔⴰⴱⵍⴻⵙ), ⵉⵎⵣⵉⵔⴳⴻⵏ, ⵉⴳⴻⵏⵙⴰⵙⴻⵏ ⵏ ⵢⵉⴽⴰⴱⴰⵔⴻⵏ ⵉⵙⴻⵔⵜⵉⵢⴻⵏ ⴷ ⵢⵉⴳⴻⵏⵙⴰⵙⴻⵏ ⵏ ⵜⵎⴻⵜⵜⵉ ⵜⴰⵖⴰⵔⵉⵎⵜ ⴷ ⵜⵖⵉⵡⴰⵏⵉⵏ.

ⵉ ⵓⵙⵙⴻⵏⵙⵉ ⵏ ⵓⵎⵅⴰⵚⴰⵎ ⴳⴰⵔ ⵙⵉⵏ-ⴰ ⵏ ⵢⵉⵎⵏⴰⵏ ⵓⵔ ⵢⴻⵎⵙⴻⴼⵀⴰⵎⴻⵏ ⴰⵔⴰ ⵙⴻⴳ ⵓⵏⴻⴱⴷⵓ ⵏ 2014, ⵙⵙⵓⵎⵔⴻⵏ-ⴷ (ⵉⵇⵜⴰⵔⴰⵃⵓ) ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴷ ⴱⴹⵓⵏ ⴰⵎⵏⵉ ⴳⴰⵔ ⵙⵏⴰⵜ-ⴰ ⵏ ⵜⴻⴳⵔⴰⵡⵉⵏ. ⴰⵎⵏⵉ ⵏ ⵟⵓⴱⵔⵓⵇ ⴰⴷ ⵢⵓⵖⴰⵍ ⴷ ⵜⴰⵅⵅⴰⵎⵜ ⵏ ⵢⵉⴳⴻⵏⵙⴰⵙⴻⵏ (ⵏⵓⵡⵡⴰⴱ), ⵎⴰ ⴷ ⴰⵎⵏⵉ ⵏ ⵟⵔⴰⴱⵍⴻⵙ ⴰⴷ ⵢⵓⵖⴰⵍ ⴷ ⴰⵙⴻⵇⵇⴰⵎⵓ ⵏ ⵓⵡⴰⵏⴰⴽ. ⵎⴰ ⴷ ⴰⵏⴰⴱⴰⴹ ⴰⴷ ⵢⵉⵍⵉ ⴷⴷⴰⵡ ⵍⴻⵃⴽⴻⵎ ⵏ ⵓⵙⴻⵇⵇⴰⵎⵓ ⵏ ⵓⵙⴻⵍⵡⴰⵢ ⵢⴻⵔⵏⴰ ⴰⴷ ⵉⵍⵉⵏ ⴷⴻⴳ-ⵙ 9 ⵏ ⵢⵉⵏⴻⵖⵍⴰⴼⴻⵏ, ⵢⴻⵔⵏⴰ ⴰⴽⴽ ⵜⵉⵙⵓⴷⴰ-ⴰ ⵢⴻⵙⵙⴻⴼⴽ ⴰⴷ ⵉⵍⵉⵏⵜ ⴷⴻⴳ ⵜⵎⴰⵏⴻⵖⵜ ⵟⵔⴰⴱⵍⴻⵙ.

ⴰⵙⵜⴻⵏⵢⵉ ⵏ ⵓⵎⵜⴰⵡⴰ-ⴰ ⵢⴻⵍⵍⴰ-ⴷ ⴽⵔⴰ ⴽⴰⵏ ⵏ ⵍⴻⴷⵡⴰⵕ ⴷⴻⴼⴼⵉⵔ ⵎⴰ ⵢⴻⵡⵡⴻⴹ-ⴷ ⵓⵎⴰⵣⵓⵏ (ⵎⴰⴱⵄⵓⵜ) ⵓⵣⵣⵉⴳ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵍⵉⴱⵢⴰ, ⴰⵍⵎⴰⵏⵉ ⵎⴰⵔⵜⵉⵏ ⴽⵧⴱⵍⴻⵔ, ⴰⵢ ⵍⴰ ⵢⴻⵜⵜⴽⴻⵎⵎⵉⵍⴻⵏ ⴰⵅⴻⴷⴷⵉⵎ ⵏ ⵓⵙⵒⴻⵏⵢⵓⵍⵉ ⴱⴻⵔⵏⴰⵔⴷⵉⵏⵧ ⵍⴻⵧⵏ ⵉ ⵓⵙⵙⴻⵔⴱⴻⵃ ⵏ ⵓⵎⵛⵉⵡⴻⵕ ⴳⴰⵔ ⵢⵉⵍⵉⴱⵉⵢⴻⵏ.