ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵜⴻⵙⵔⵉⵃ ⵏ ⵡⴰⴵⴰⵡ: ⴰⴷ ⴷ-ⵜⴻⵜⵜⵡⴰⵙⵙⴻⴼⵔⵓ ⵙⵙⴻⵍⵄⴰ ⵜⴰⵎⴳⵓⵔⴰⵏⵜ ⴷⴷⵓⵕⵜ ⴰⵢ ⴷ-ⵢⴻⵜⵜⴻⴷⴷⵓⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴷⴷⵓⵕⵜ ⴰⵢ ⴷ-ⵢⴻⵜⵜⴻⴷⴷⵓⵏ ⴰⴷ ⴷ-ⵢⴻⵙⵙⴻⴼⵔⵓ ⵓⵙⴻⵇⵇⴰⵎⵓ ⴰⴳⵔⴰⵖⵍⵉⴼ ⵉⵙⵎⴰⵡⴻⵏ ⵏ ⵡⴰⵣⴰⵍ ⵏ 10 ⵏ ⵙⵙⴻⵍⵄⴰⵜ ⵜⵉⵎⴳⵓⵔⴰⵏⵉⵏ (ⵚⵉⵏⴰⵄⵉⵢⵢⴰ) ⴰⵢ ⵢⴻⵔⵣⴰ ⵜⵜⴻⵔⵙⵉⵃ ⵏ ⵡⴰⴵⴰⵡ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵓⵏⴻⵖⵍⴰⴼ ⵏ ⵜⵏⴻⵣⵣⵓⵜ (ⵜⵉⴵⴰⵔⴰ), ⴱⴰⴽⵀⵜⵉ ⴱⴻⵍⴰⵉⴱ.
« ⵉⵎⵉⵔ-ⴰ, ⵢⴻⵍⵍⴰ ⵓⵙⴽⴰⵙⵉ (ⵏⵉⵇⴰⵛ) ⴷ ⵢⵉⵃⵔⵉⵛⴻⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⵉ ⵍⵎⴻⵏⴷ ⵏ ⵓⵙⵙⴻⴼⵔⵓ ⵏ ⵡⵓⵎⵓⵖ ⵏ ⵢⵉⴼⴰⵔⵉⵙⴻⵏ (ⵎⴰⵏⵜⵓⴵⴰⵜ) ⵉⵎⴳⵓⵔⴰⵏⴻⵏ ⴰⴷ ⵢⴻⵔⵣⵓ ⵜⵜⴻⵙⵔⵉⵃ ⵏ ⵡⴰⴵⴰⵡ. ⴷⴷⵓⵕⵜ ⴰⵢ ⴷ-ⵢⴻⵜⵜⴻⴷⴷⵓⵏ, ⴰⴷ ⵜⴻⴼⵔⵓ ⵜⴻⵎⵙⴰⵍⵜ ⵏ ⵓⵀⴻⵢⵢⵉ ⵏ ⵡⵓⵎⵓⵖ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴷⴻⴳ ⵢⵉⵡⴻⵏ ⵏ ⵓⵎⵢⴰⴳⴻⵔ ⴷ ⵜⴻⵕⵎⵉⵙⵉⵏ ⵜⵉⴷⴰⵎⵙⴰⵏⵉⵏ ⵖⴻⴼ ⵓⵙⵙⴻⴼⵄⴻⵍ ⵏ ⵜⵜⴰⵡⵉⵍ-ⴰ ⴰⵎⴰⵢⵏⵓ ⵏ ⵜⵜⴻⵙⵔⵉⵃⴰⵜ.
Ɣⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ, ⵎⵙⴻⴼⵀⴰⵎⴻⵏ ⵢⵉⵃⵔⵉⵛⴻⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⵖⴻⴼ 3 ⵏ ⵢⵉⴼⴰⵔⵉⵙⴻⵏ, ⵢⴻⵔⵏⴰ ⵡⵉ ⴷ ⵜⵉⴽⴻⵕⵕⵓⵙⵉⵏ, ⴰⵙⵉⵎⴰⵏ (ⵏ ⵚⵚⴻⵏⴼ ⵏ ⵒⵧⵔⵜⵍⴰⵏⴷ) ⴷ ⵡⵓⵣⵣⴰⵍ ⵓⴱⵔⵉⵏ ⵏ ⵍⴱⴻⵏⵢⴰⵏ.
ⴰⵏⴻⵖⵍⴰⴼ ⵓⵔ ⴷ-ⵢⴻⴼⴽⵉ ⴰⵔⴰ ⴰⵙⵙ ⴰⵢⴷⴻⴳ ⴰⴷ ⵜⵜⵡⴰⵙⴼⴻⵄⵍⴻⵏ ⵜⵜⴻⵙⵔⵉⵃⴰⵜ-ⴰ ⵏ ⵡⴰⴵⴰⵡ, ⵎⴰ ⴷ ⴰⴵⴰⵡ ⵏ ⵙⵙⴻⵍⵄⴰ ⵏ ⵜⴼⴻⵍⵍⴰⵃⵜ ⴷ ⵜⵓⵞⵞⵉⵜ ⴷⴻⴳ ⵜⴷⵓⴽⵉ ⵜⵓⵕⵓⴼⵉⵜ, ⴰⴷ ⵢⴻⴱⴷⵓ ⵓⵙⵙⴻⴼⵄⴻⵍ ⵏ ⵜⵜⴻⵙⵔⵉⵃⴰⵜ-ⵏⵏⴻⵙ ⵙⴻⴳ 10 ⵢⴻⵏⵏⴰⵢⴻⵔ ⴷ ⴰⵙⴰⵡⴻⵏ.
ⵙⵙⵓⵎⴰ ⵜⴰⵎⴰⵜⵓⵜ ⵏ ⵢⵉⴼⴰⵔⵉⵙⴻⵏ ⴰⴷ ⵜⴻⵔⵣⵓ ⵜⴻⵎⵙⴰⵍⵜ ⵏ ⵜⵜⴻⵙⵔⵉⵃⴰⵜ ⵏ ⵡⴰⴵⴰⵡ ⴰⴷ ⵜⴰⵡⴻⴹ ⵖⴻⵔ 12 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵓⵍⴰⵕⴻⵏ, ⴳⴰⵔ-ⴰⵙⴻⵏ ⴰⵎⴻⵍⵢⴰⵕ ⵏ ⵢⵉⴷⵓⵍⴰⵕⴻⵏ ⵉ ⵢⵉⴼⴰⵔⵉⵙⴻⵏ ⴰⵢ ⴷ-ⵢⴻⵜⵜⴰⵙⴻⵏ ⵙⴻⴳ ⵜⴷⵓⴽⵍⵉ ⵜⵓⵕⵓⴼⵉⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⵙⴻⴳ ⵎⴻⵍⵎⵉ ⴽⴰⵏ.
ⵎⴰⵙⵙ ⴱⴻⵍⴰⵉⴱ ⵉⵡⴻⴽⴽⴻⴷ-ⴷ, ⴷⴻⴳ ⵜⴻⵎⵙⴰⵍⵜ-ⴰ, ⴷ ⴰⴽⴽⴻⵏ ⴰⵏⴰⴳⵔⴰⵡ-ⴰ ⴰⴷ ⵢⴻⵔⵣⵓ, ⴷⴻⴳ ⵜⴰⵣⵡⴰⵔⴰ, ⵉⴼⴰⵔⵉⵙⴻⵏ ⴰⵢ ⴷ-ⵢⴻⵙⵇⴰⵎⴰⵢⴻⵏ ⴰⵟⴰⵙ ⵉ ⵜⵎⵓⵔⵜ ⵢⴻⵔⵏⴰ ⵣⴻⵎⵔⴻⵏ ⴰⴷ ⴹⵓⵔⵔⴻⵏ ⴰⵏⵏⴻⵔⵏⵉ ⵏ ⵜⴻⵎⴳⵓⵔⵉ (ⵚⵉⵏⴰⵄⴰ) ⵜⴰⴷⵣⴰⵢⵔⵉⵜ.
