ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⴻⵜⵜⴻⴼ ⴰⵎⴰⴹⵍⴰⵏ ⵏ ⵢⵉⵍⴻⵎⵥⵉⵢⴻⵏ ⴷⴻⴳ ⵓⵜⵉⵏⵉⵙ: ⵉⴱⴱⵧⵓ ⵎⴰⵣⴰⵍ-ⵉⵜⵜ ⴷⴻⴳ ⵓⵎⴽⴰⵏ ⵡⵉⵙ 32

ⵍⵧⵏⴷⵧⵏ – ⵜⴻⵇⵇⵉⵎ ⵜⵎⴰⵔⵉⵔⵜ ⵜⴰⴷⵣⴰⵢⵔⵉⵜ ⵉⵏⴻⵙ ⵉⴱⴱⵧⵓ ⴷⴻⴳ ⵓⵎⴽⴰⵏ-ⵏⵏⴻⵙ ⵡⵉⵙ 32 ⴷⴻⴳ ⵓⵙⴻⵜⵜⴻⴼ ⴰⵎⴰⴹⵍⴰⵏ, ⵢⴻⵔⵏⴰ 2 ⵏ ⵍⴻⴷⵡⴰⵕ ⴰⵢⴰ ⵙⴻⴳ ⵡⴰⵙⵎⵉ ⴰⵢ ⵜⴻⵍⵍⴰ ⴷⴻⴳ ⵓⵎⴽⴰⵏ-ⴰ, ⵖⴻⴼ ⵍⴻⵃⵙⴰⴱ ⵏ ⵓⵙⴻⵜⵜⴻⴼ ⵏ ⵜⴼⵉⴷⵉⵕⴰⵍⵉⵜ ⵜⴰⴳⵔⴰⵖⵍⴰⵏⵜ ⵏ ⵓⵜⵉⵏⵉⵙ ⴰⵢ ⴷ-ⵢⴻⴼⴼⵖⴻⵏ ⴰⵙⵙ ⵏ ⵍⴻⵜⵏⵉⵢⴻⵏ.

ⴷⴻⴳ ⵜⴻⵣⵡⴰⵔⴰ ⵏ 2015, ⵜⵉⵍⴻⵎⵥⵉⵜ-ⴰ ⵜⴰⴷⵣⴰⵢⵔⵉⵜ ⵏ 17 ⵏ ⵢⵉⵙⴻⴳⴳⴰⵙⴻⵏ ⵜⴻⵍⵍⴰ ⴷⴻⴳ ⵓⵎⴽⴰⵏ ⵡⵉⵙ 152 ⴷⴻⴳ ⵓⵎⴰⴹⴰⵍ, ⵎⴰⵛⴰ ⵎⵉ ⵜⵓⵖⴰⵍ ⴷ ⵜⴰⵍⵖⵓⵖⵜ ⵏ ⵜⴻⴼⵔⵉⵇⵜ ⴷⴻⴳ ⵜⴻⵍⵖⵓⵖⴰ ⵏ ⴷⴷⴰⵡ 18 ⵏ ⵢⵉⵙⴻⴳⴳⴰⵙⴻⵏ ⴷⴻⴳ ⵢⴻⴱⵔⵉⵔ (ⵍⵇⴰⵀⵉⵔⴰ, ⵎⴰⵚⴻⵔ), ⵜⵓⵍⵉ ⵙⵔⵉⴷ ⵖⴻⵔ ⵓⵙⵡⵉⵔ ⵏ 50 ⵏ ⵜⵎⴰⵔⵉⵔⵉⵏ ⵜⵉⵎⵅⴻⵢⵢⵔⵉⵏ.

ⵜⴰⵍⵖⵓⵖⵜ-ⴰ ⵏ ⵜⴻⴼⵔⵉⵇⵜ ⵜⴻⵇⵇⵉⵎ ⴽⵔⴰ ⵏ ⵍⴻⴷⵡⴰⵕ ⴷⴻⴳ ⵓⵙⵡⵉⵔ-ⵏⵏⵉ, ⵜⴻⵜⵜⴰⵍⵉ ⵛⵡⵉⵟ, ⵛⵡⵉⵟ ⴰⵔⵎⵉ ⴰⵢ ⵜⴻⵡⵡⴻⴹ ⵖⴻⵔ ⵓⵎⴽⴰⵏ ⵡⵉⵙ 40.

ⵙⴰⴽⴽⵉⵏ, ⵜⴻⵇⵇⵉⵎ ⵉⴱⴱⵧⵓ ⴰⵛⵃⴰⵍ ⵏ ⵍⴻⴷⵡⴰⵕ ⵜⴻⵜⵜⴻⵣⵣⵉ ⴳⴰⵔ ⵓⵎⴽⴰⵏ ⵡⵉⵙ 40 ⴷ ⵡⵉⵙ 45, ⴰⵔⵎⵉ ⴰⵢ ⴷ-ⵜⵓⵍⵉ ⵖⴻⵔ ⵓⵎⴽⴰⵏ ⵡⵉⵙ 33.

ⴰⵙⵙ ⵏ 30 ⵏⵡⴻⵎⴱⴻⵕ 2015, ⴷⴻⴼⴼⵉⵔ ⵎⴰ ⵜⴻⵡⵡⵉ-ⴷ ⴰⵎⴻⵛⵡⴰⵕ ⵢⴻⵍⵀⴰⵏ ⴷⴻⴳ ⵎⵉⴽⵙⵉⴽ ⴰⵢⴷⴻⴳ ⵜⴻⵜⵜⴻⴽⴽⴰ ⴷⴻⴳ ⵜⴻⵍⵖⵓⵖⴰ ⵏ ⴰⴱⵉⴻⵔⵜⵧ-ⵊⵓⵠⴻⵏⵉⵍ ⵎⴻⵅⵉⵛⴰⵏⵧ, ⴳⴰⵔ 16 ⴷ 22 ⵏⵡⴻⵎⴱⴻⵕ, ⵙⴰⴽⴽⵉⵏ ⵜⴻⵜⵜⴻⴽⴽⴰ ⴷⴻⴳ ⵜⴻⵇⴱⵓⵛⵜ ⵜⵉⵙ 29 ⵏ ⵢⵓⵛⴰⵜⴰⵏ ⴳⴰⵔ 23 ⴷ 28 ⵏ ⵡⴰⵢⵢⵓⵔ-ⵏⵏⵉ, ⵉⴱⴱⵧⵓ ⵜⴻⵙⵙⴰⵡⴻⴹ ⵖⴻⵔ ⵓⵎⴽⴰⵏ ⵡⵉⵙ 29, ⵢⴻⵔⵏⴰ ⴷ ⵡⴰ ⴰⵢ ⴷ ⴰⵎⴽⴰⵏ ⵉⵎⵅⴻⵢⵢⴻⵔ ⴰⴽⴽ ⴰⵢ ⵜⵜ-ⵉⴷ-ⵉⵚⴰⵃⴻⵏ ⴰⵔ ⴰⵙⵙ-ⴰ.

ⴷ ⴰⵛⵓ ⴽⴰⵏ, ⵓⵔ ⵜⵄⴻⴹⴹⴻⵍ ⴰⵔⴰ ⵜⵄⴰⵡⴻⴷ ⵜⵓⴷⴻⵔⵜ-ⴷ, ⴷⴷⵓⵕⵜ ⵙⴰⴽⴽⵉⵏ, ⵖⴻⵔ ⵓⵎⴽⴰⵏ ⵡⵉⵙ 31 (ⴷⴻⴳ 7 ⴷⵓⵊⴻⵎⴱⴻⵕ). ⴷⴷⵓⵕⵜ ⵙⴰⴽⴽⵉⵏ, ⵜⵓⴷⴻⵔ-ⴷ ⵖⴻⵔ ⵓⵎⴽⴰⵏ ⵡⵉⵙ 32.

ⴰⵢⵢⵓⵔ ⴰⵢⴰ ⵙⴻⴳ ⵡⴰⵙⵎⵉ ⵓⵔ ⵜⵓⵔⴰⵔ ⴰⵔⴰ ⵉⴱⴱⵧⵓ ⴷⴻⴳ ⴽⵔⴰ ⵏ ⵜⴻⵎⵙⵉⵣⵡⴻⵔⵜ ⵜⵓⵏⵚⵉⴱⵜ, ⵎⴰⵛⴰ ⵎⴰⵣⴰⵍ-ⵉⵜⵜ ⴷⴻⴳ ⵓⵎⴽⴰⵏ ⵡⵉⵙ 32.

ⵏⴰⵇⴰⵍ, ⵜⴻⵍⵍⴰ ⵜⵍⴻⵎⵥⵉⵜ-ⴰ ⵜⴰⴷⵣⴰⵢⵔⵉⵜ ⵜⴻⵜⵜⴻⴷⴷⵓ ⴰⴷ ⵜⴻⵜⵜⴻⴽⴽⵉ ⴷⴻⴳ ⵧⵔⴰⵏⴳⴻ ⴱⵧⵡⵍ, ⴷ ⵜⴰⵍⵖⵓⵖⴰ ⵜⴰⴳⵔⴰⵖⵍⴰⵏⵜ ⴰⵢ ⴷ-ⵢⴻⵍⵍⴰⵏ ⴳⴰⵔ 13 ⴷ 22 ⴷⵓⵊⴻⵎⴱⴻⵕ ⴷⴻⴳ ⴼⵍⵧⵔⵉⴷⴰ (ⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ), ⵎⴰⵛⴰ, ⵎⵉ ⴷ-ⵢⴻⵍⵍⴰ ⵡⵓⴳⵓⵔ ⴳⴰⵔ ⴱⴰⴱⴰ-ⵙ, ⴽⴰⵎⴻⵍ ⵉⴱⴱⵧⵓ ⴷ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵓⵜⵉⵏⵉⵙ, ⵜⴻⴱⵟⴻⵍ ⵉⴱⴱⵧⵓ ⴰⵜⵜⴻⴽⴽⵉ-ⵏⵏⴻⵙ ⴷⴻⴳ ⵜⴻⵍⵖⵓⵖⴰ-ⴰ.