ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵀⴻⵢⵢⵉ ⵉ ⵜⴻⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⵜⵛⵉⵔⵜ ⵏ ⵓⴼⵓⵙ: ⵍⴻⵣⵣⴰⵢⴻⵔ ⵜⴻⵔⵏⴰ ⵎⵧⵏⵜⴻⵏⴻⴳⵔⵧ (24-22)

ⴱⴰⵔ (ⵎⵧⵏⵜⴻⵏⴻⴳⵔⵧ) – ⵜⴰⵖⵍⴰⵎⵜ ⵜⴰⵖⴻⵍⵏⴰⵡⵜ ⵏ ⵍⴻⵣⵣⴰⵢⴻⵔ ⴰⵢ ⵍⴰ ⵢⴻⵜⵜⴳⴻⵏ ⵜⴰⵏⵏⴰⵏⵜ (ⵜⴰⵔⴰⴱⴱⵓⵚ) ⴷⴻⴳ ⵎⵧⵏⵜⴻⵏⴻⴳⵔⵧ, ⵜⴻⵔⵏⴰ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⴱⴰⵔ (40 ⵏ ⵢⵉⴽⵉⵍⵓⵎⵉⵜⵔⴻⵏ ⵖⴻⴼ ⵒⵧⴷⴳⵧⵔⵉⵛⴰ) ⵜⴰⵖⵍⴰⵎⵜ ⵏ ⵎⵧⵏⵜⴻⵏⴻⴳⵔⵧ ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵜⴰⵎⵎⵉⴷⵡⴰⵏⵜ ⵉ ⵓⵀⴻⵢⵢⵉ ⵉ ⵜⴻⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⵢⵉⵖⵍⴰⵏⴻⵏ ⵏ 2016 ⴰⴷ ⴷ-ⵢⵉⵍⵉⵏ ⴳⴰⵔ 21 ⴷ 30 ⵢⴻⵏⵏⴰⵢⴻⵔ ⴷⴻⴳ ⵍⵇⴰⵀⵉⵔⴰ (ⵎⴰⵚⴻⵔ).

ⴰⵙⵙ ⵏ ⵍⵃⴻⴷⴷ ⵜⴰⵎⴻⴷⴷⵉⵜ, ⵙⵏⴰⵜ-ⴰ ⵏ ⵜⴻⵖⵍⴰⵎⵉⵏ ⵓⵔⴰⵔⴻⵏⵜ ⵜⵉⵎⵍⵉⵍⵉⵜ ⵜⴰⵎⴻⵣⵡⴰⵔⵓⵜ ⴷⴻⴳ ⵒⵧⴷⴳⵧⵔⵉⵛⴰ ⴰⵢⴷⴻⴳ ⴷ ⵎⵧⵏⵜⴻⵏⴻⴳⵔⵧ ⴰⵢ ⵢⴻⵔⵏⴰⵏ ⵙ 25 ⵖⴻⵔ 19.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵙⵉⵏ ⵙⴻⴳ ⵢⵉⵎⴰⵔⵉⵔⴻⵏ ⵏ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ ⴰⵢ ⵜⴻⵏⵜ-ⵢⵓⵖⴻⵏ. ⵛⵀⴰⵀⴱⵧⵓⵔ ⵔⵉⴰⴷ ⴰⵜⴰⵏ ⵍⴰ ⵢⴻⵜⵜⴷⴰⵡⵉ ⴷⴻⴳ ⵎⵧⵏⵜⴻⵏⴻⴳⵔⵧ, ⵎⴰ ⴷ ⵀⵉⵛⵀⴻⵎ ⴽⴰⴰⴱⴰⵛⵀⴻ ⴰⵜⴰⵏ ⵍⴰ ⵢⴻⵜⵜⴽⴻⵎⵎⵉⵍ ⴰⴷⴰⵡⵉ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ.

ⵜⴰⵖⵍⴰⵎⵜ ⵜⴰⵖⴻⵍⵏⴰⵡⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⵜ ⵏ ⵓⴼⵓⵙ ⵜⴻⴷⴷⴰ ⵖⴻⵔ ⵎⵧⵏⵜⴻⵏⴻⴳⵔⵧ ⴷⴻⴼⴼⵉⵔ ⵎⴰ ⵜⴳⴰ ⵢⴰⴳⵉ ⵜⴰⵏⵏⴰⵏⵜ ⴷⴻⴳ ⵙⴻⵔⴱⵢⴰ, ⴷ ⵜⴰⵎⵓⵔⵜ ⴰⵢⴷⴻⴳ ⵜⴻⵔⴱⴻⵃ ⵙⵏⴰⵜ ⵏ ⵜⴻⵎⵍⵉⵍⵉⵢⵉⵏ ⵜⵉⵎⵎⵉⴷⵡⴰⵏⵉⵏ (ⵡⵓⴷⴷⵉⵢⵢⴰ), ⵜⴰⵎⴻⵣⵡⴰⵔⵓⵜ, ⴰⵙⵙ ⵏ ⵍⴰⵕⴻⴱⵄⴰ, ⵎⴳⴰⵍ ⵜⴻⵖⵍⴰⵎⵜ ⵏ ⵒⴰⵔⵜⵉⵣⴰⵏ ⵏ ⴱⴻⵍⴳⵔⴰⴷ (33 ⵖⴻⵔ 21), ⵎⴰ ⴷ ⵜⵉⵙ ⵙⵏⴰⵜ, ⴰⵙⵙ ⵏ ⵍⵊⴻⵎⵄⴰ, ⵎⴳⴰⵍ ⵜⴻⵖⵍⴰⵎⵜ ⵏ ⵢⵉⵜⵔⵉ ⴰⵣⴻⵡⵡⴰⵖ ⵏ ⴱⴻⵍⴳⵔⴰⴷ (43 ⵖⴻⵔ 21).

ⵉⵎⴰⵔⵉⵔⴻⵏ ⵏ ⵙⴰⵍⴰⵀ ⴱⵧⵓⵛⵀⴻⴽⵔⵉⵧⵓ ⴰⴷ ⵓⵖⴰⵍⴻⵏ ⴰⵙⵙ ⵏ ⵜⵜⵍⴰⵜⴰ ⵖⴻⵔ ⴱⴻⵍⴳⵔⴰⴷ ⴰⴽⴽⴻⵏ ⴰⴷ ⴽⴻⵎⵎⵍⴻⵏ ⵜⴰⵏⵏⴰⵏⵜ-ⵏⵙⴻⵏ. ⵙⴰⴽⴽⵉⵏ ⴰⴷ ⴷ-ⵓⵖⴰⵍⴻⵏ ⵖⴻⵔ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵢⵉⴹ.

ⵍⴻⵣⵣⴰⵢⴻⵔ ⴰⴷ ⵜⴻⵜⵜⴻⴽⴽⵉ ⴷⴻⴳ ⵜⴻⴳⵔⴰⵡⵜ 1ⴰ ⴷⴻⴳ ⵜⴻⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⵢⵉⵖⵍⴰⵏⴻⵏ ⵏ 2016 ⵖⴻⵔ ⵢⵉⴷⵉⵙ ⵏ ⵎⴰⵚⴻⵔ (ⵜⴰⵎⵓⵔⵜ ⴰⵢⴷⴻⴳ ⴰⴷ ⴷ-ⵜⵉⵍⵉ ⵜⴻⵇⴱⵓⵛⵜ), ⵎⴻⵕⵕⵓⴽ, ⴳⴰⴱⵓⵏ, ⵏⵉⵊⵉⵔⵢⴰ ⴷ ⴽⴰⵎⵔⵓⵏ. ⵜⴰⴳⵔⴰⵡⵜ ⴱ ⵍⵍⴰⵏⵜ ⴷⴻⴳ-ⵙ ⵜⵓⵏⴻⵙ, ⴽⴻⵏⵢⴰ, ⵜⴰⴳⴷⵓⴷⴰ ⵜⴰⵎⴻⴳⴷⴰⵢⵜ ⵏ ⴽⵓⵏⴳⵓ, ⵍⵉⴱⵢⴰ, ⴽⵓⵏⴳⵓ ⴷ ⴰⵏⴳⵓⵍⴰ.

ⵜⴰⵍⵖⵓⵖⵜ ⵏ ⵜⴻⴼⵔⵉⵇⵜ ⴰⴷ ⵜⵄⴻⴷⴷⵉ ⵖⴻⵔ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ 2016 ⵏ ⵔⵉⵧ, ⵎⴰ ⴷ 3 ⵏ ⵜⴻⵖⵍⴰⵎⵉⵏ ⵜⵉⵎⴻⵣⵡⵓⵔⴰ ⴰⴷ ⵜⵜⴻⴽⴽⵉⵏⵜ ⴷⴻⴳ ⵜⴻⵍⵖⵓⵖⴰ ⵏ ⵓⵎⴰⴹⴰⵍ ⵏ 2017 ⴰⴷ ⴷ-ⵢⵉⵍⵉⵏ ⴷⴻⴳ ⴼⵕⴰⵏⵙⴰ.