Asebter amenzawi

Aheyyi i Teqbuct n Tefriqt n Tcirt n Ufus: Lezzayer terna Montenegro (24-22)

BAR (Montenegro) – Taɣlamt taɣelnawt n Lezzayer ay la yettgen tannant (tarabbuṣ) deg Montenegro, terna ass n letniyen deg Bar (40 n yikilumitren ɣef Podgorica) taɣlamt n Montenegro deg yiwet n temlilit tammidwant i uheyyi i Teqbuct n Tefriqt n Yiɣlanen n 2016 ad d-yilin gar 21 d 30 Yennayer deg Lqahira (Maṣer).

Ass n lḥedd tameddit, snat-a n teɣlamin urarent timlilit tamezwarut deg Podgorica aydeg d Montenegro ay yernan s 25 ɣer 19.

Seg yidis niḍen, sin seg yimariren n teɣlamt taɣelnawt ay tent-yuɣen. Chahbour Riad atan la yettdawi deg Montenegro, ma d Hichem Kaabache atan la yettkemmil adawi deg Lezzayer Tamaneɣt.

Taɣlamt taɣelnawt tadzayrit n tcirt n ufus tedda ɣer Montenegro deffir ma tga yagi tannant deg Serbya, d tamurt aydeg terbeḥ snat n temliliyin timmidwanin (wuddiyya), tamezwarut, ass n laṛebɛa, mgal teɣlamt n Partizan n Belgrad (33 ɣer 21), ma d tis snat, ass n ljemɛa, mgal teɣlamt n Yitri Azewwaɣ n Belgrad (43 ɣer 21).

Imariren n Salah Bouchekriou ad uɣalen ass n ttlata ɣer Belgrad akken ad kemmlen tannant-nsen. Sakkin ad d-uɣalen ɣer Lezzayer Tamaneɣt ass n lexmis deg yiḍ.

Lezzayer ad tettekki deg tegrawt 1A deg Teqbuct n Tefriqt n Yiɣlanen n 2016 ɣer yidis n Maṣer (tamurt aydeg ad d-tili teqbuct), Meṛṛuk, Gabun, Nijirya d Kamrun. Tagrawt B llant deg-s Tunes, Kenya, Tagduda Tamegdayt n Kungu, Libya, Kungu d Angula.

Talɣuɣt n Tefriqt ad tɛeddi ɣer Wuraren Ulimpiyen n 2016 n Rio, ma d 3 n teɣlamin timezwura ad ttekkint deg telɣuɣa n umaḍal n 2017 ad d-yilin deg Fṛansa.