ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵙⵓⵔⵢⴰ: ⵍⴻⵎⵛⴰⵡⵕⴰⵜ ⴰⴷ ⴱⴷⵓⵏⵜ ⴰⵙⵙ ⵏ 25 ⵢⴻⵏⵏⴰⵢⴻⵔ (ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ)
ⵏⴻⵡ ⵢⵧⵔⴽ (ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ) – ⴰⵎⴰⵣⵓⵏ ⵓⵣⵣⵉⴳ (ⵎⴰⴱⵄⵓⵜ ⵅⴰⵚⵚ) ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵙⵓⵔⵢⴰ, ⵙⵜⴰⴼⴼⴰⵏ ⴷⴻ ⵎⵉⵙⵜⵓⵔⴰ, ⴷ ⴰⴽⴽⴻⵏ ⵢⴻⵙⵙⴻⴼⵔⴰ-ⴷ ⴰⵙⵙ ⵏ 25 ⵢⴻⵏⵏⴰⵢⴻⵔ 2016 ⴰⴽⴽⴻⵏ ⴰⴷ ⴱⴷⵓⵏⵜ ⵍⴻⵎⵛⴰⵡⵕⴰⵜ ⵏ ⵜⴰⵍⵡⵉⵜ ⴳⴰⵔ ⵢⵉⴷⵉⵙⴰⵏ ⵢⴻⵎⵅⴰⵚⴰⵎⴻⵏ ⴷⴻⴳ ⵙⵓⵔⵢⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵟⵟⴰⵇ-ⵏⵏⴻⵙ.
ⵍⴻⵛⵎⴰⵡⵕⴰⵜ-ⴰ ⴰⴷ ⴷ-ⵉⵍⵉⵏⵜ ⴷⴻⴳ ⴳⴻⵏⴻⵠⴻ, ⵢⴻⵔⵏⴰ ⵢⴻⴼⴼⴻⵖ-ⴷ ⵢⵉⵙⴰⵍⵉ-ⴰ ⴷⴻⴼⴼⵉⵔ ⵎⴰ ⵢⴻⵙⵄⴻⴷⴷⴰ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ (ⴰⵎⵏ) ⵜⴰⵏⴻⵖⵜⵓⵙⵜ 2254 ⴰⵢⴷⴻⴳ ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵢⴻⵜⵜⵓⵏⴻⴼⴽ-ⴰ ⴷⴷⵓⵕⵜ ⵎⴻⵖⵖⵔⴻⵏ ⵓⴳⴰⵔ ⴷⴻⴳ ⵓⵙⵙⴻⵎⵍⵉⵍⵉ ⵏ ⵢⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴰⴽⴽⴻⵏ ⴰⴷ ⴱⴷⵓⵏ ⵍⴻⵎⵛⴰⵡⵕⴰⵜ ⵉ ⵜⵓⴽⴽⵉⵜ (ⵉⵏⵜⵉⵇⴰⵍ) ⵜⴰⵙⴻⵔⵜⵉⵜ, ⵙ ⵡⴰⵀⵉⵍ ⵉ ⵓⵃⴱⴰⵙ ⵏ ⵢⵉⵎⴻⵏⵖⵉ, ⴰⵙⵙⴻⴱⴷⴻⴷ ⵏ ⵜⵎⴻⵏⴹⴰⵡⵜ ⵜⴰⵎⴰⵢⵏⵓⵜ ⴷ ⵓⵙⵙⵓⴷⴷⴻⵙ ⵏ ⵜⴻⴼⵔⴰⵏⵉⵏ, ⵢⴻⵔⵏⴰ ⴰⵢⴰ ⴰⴽⴽ ⴰⴷ ⴷ-ⵢⵉⵍⵉ ⴷⴷⴰⵡ ⵍⴻⵄⵏⴰⵢⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.
« ⵙ ⵓⵇⴰⴷⴻⵔ ⵏ ⵢⵉⵃⴻⵣⵣⵉⴱⴻⵏ ⵉⴱⴰⵏⴻⵏ ⴰⵢ ⴷ-ⵜⴻⵙⵙⴻⴼⵔⴰ ⵜⵏⴻⵖⵜⵓⵙⵜ 2254 (2015) ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ, ⴰⵎⴰⵣⵓⵏ ⵓⵣⵣⵉⴳ ⵍⴰ ⵢⴻⵙⵙⴻⴼⵔⴰⵢ ⴰⴷ ⵉⴼⴰⴽ ⴰⵎⵛⵉⵡⴻⵕ-ⵏⵏⴻⵙ ⴷⴻⴳ ⵜⴻⵣⵡⴰⵔⴰ ⵏ ⵢⴻⵏⵏⴰⵢⴻⵔ, ⴰⴽⴽⴻⵏ ⴰⴷ ⴷ-ⴱⴷⵓⵏⵜ ⵍⴻⵎⵛⴰⵡⵕⴰⵜ ⴳⴰⵔ ⵢⵉⵙⵓⵔⵉⵢⴻⵏ ⴷⴻⴳ 25 ⵢⴻⵏⵏⴰⵢⴻⵔ 2016 ⴷⴻⴳ ⴳⴻⵏⴻⵠⴻ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵟⵟⴰⵇ ⵏ ⵎⴰⵙⵙ ⴷⴻ ⵎⵉⵙⵜⵓⵔⴰ.
ⴷⵖⴰ ⵖⴻⴼ ⵡⴰⵢⴰ ⴰⵢ « ⵍⴰ ⵢⴻⵙⵙⴰⵔⴰⵎ ⴰⴷ ⴷ-ⵢⵉⵍⵉ ⵓⵜⵜⴻⴽⴽⵉ ⵓⵎⵎⵉⴷ, ⴷⴻⴳ ⵓⴽⴰⵍⴰ-ⴰ (ⵎⴰⵙⴰⵔ), ⵙⵖⵓⵔ ⴰⴽⴽ ⵉⴷⵉⵙⴰⵏ ⵉⵙⵓⵔⵉⵢⴻⵏ ⵓⵎⵄⵉⵏⴻⵏ. ⵜⵉⴷⵢⴰⵏⵉⵏ ⴰⵢ ⵍⴰ ⵢⴻⵜⵜⴽⴻⵎⵎⵉⵍⴻⵏ ⴹⴻⵔⵔⵓⵏⵜ-ⴷ ⴷⴻⴳ ⵓⵏⵔⴰⵔ ⵓⵔ ⵢⴻⵙⵙⴻⴼⴽ ⴰⵔⴰ ⴰⴷ ⵙⵏⴻⴼⵍⴻⵏⵜ (ⵍⴻⵎⵛⴰⵡⵕⴰⵜ-ⴰ) ⵙⴻⴳ ⵓⴱⵔⵉⴷ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⴷⴻⴳ ⵜⵏⴻⵖⵜⵓⵙⵜ-ⵏⵏⴻⵙ (ⵇⴰⵔⴰⵔ), ⵢⴻⴱⴷⴻⴷ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵖⴻⵔ ⵢⵉⴷⵉⵙ ⵏ ⵓⴽⴰⵍⴰ ⴰⵙⴻⵔⵜⵉ ⵏ ⵍⴻⵎⵛⴰⵡⵕⴰⵜ ⴰⵢⵢⴻⵙ ⴰⴷ ⴷ-ⵍⵀⵓⵏ ⵢⵉⵙⵓⵔⵉⵢⴻⵏ ⵢⴻⵔⵏⴰ ⴰⴷ ⴷ-ⵢⵉⵍⵉ ⴷⴷⴰⵡ ⵍⴻⵄⵏⴰⵢⴰ ⴷ ⵓⵄⴰⵡⴻⵏ ⵏ ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ. ⴰⴽⴰⵍⴰ-ⴰ ⴰⴷ ⴷ-ⵢⴻⵙⵙⴻⴱⴷⴻⴷ, ⵙⴻⴳ-ⴰ ⵖⴻⴼ 6 ⵏ ⵡⴰⵢⵢⵓⵔⴻⵏ, « ⴰⵏⴰⴱⴰⴹ (ⵃⵓⴽⵓⵎⴰ) ⴰⵢⴷⴻⴳ ⵢⴻⵍⵍⴰ ⵍⴰⵎⴰⵏ, ⴰⵢⴷⴻⴳ ⴰⴷ ⵜⵜⴻⴽⴽⵉⵏ ⴰⴽⴽ ⵢⵉⴷⵉⵙⴰⵏ » ⵢⴻⵔⵏⴰ ⵓⵔ ⵢⴻⵜⵜⵉⵍⵉ ⴰⵔⴰ ⵢⴻⴱⵏⴰ ⵖⴻⴼ ⵍⵍⵙⴰⵙ ⵏ ⵜⴻⴳⵔⴰⵡⵉⵏ ⵢⴻⵎⴳⴻⵔⵔⴰⴷⴻⵏ ⴷⴻⴳ ⴷⴷⵉⵏ ⵏⴻⵖ ⴷⴻⴳ ⵜⵏⴻⵚⵍⵉⵜ. ⵜⴰⵏⴻⵖⵜⵓⵙⵜ-ⴰ ⵜⴻⵙⵙⴻⴼⵔⴰ-ⴷ ⴷⴰⵖ ⴰⵀⵉⵍ ⴷ ⵢⵉⵃⴻⵣⵣⵉⴱⴻⵏ ⵉ ⵓⵙⵙⴻⴱⴷⴻⴷ ⵏ ⵜⵎⴻⵏⴹⴰⵡⵜ ⵜⴰⵎⴰⵢⵏⵓⵜ, ⵢⴻⵔⵏⴰ ⴰⵜⵜⴰⵏ ⵉ ⵍⵎⴻⵏⴷ ⵏ ⵓⵙⵙⵓⴷⴷⴻⵙ ⵏ ⵜⴻⴼⵔⴰⵏⵉⵏ ⵜⵉⵍⴻⵍⵍⵉⵢⵉⵏ ⵢⴻⵔⵏⴰ ⴷ ⵜⵉⵍⵓⴳⴰⵏⵉⵏ ⵙⴻⴳ-ⴰ ⵖⴻⴼ 18 ⵏ ⵡⴰⵢⵢⵓⵔⴻⵏ, ⵙ ⵓⵇⴰⴷⴻⵔ ⵏ ⵜⵎⴻⵏⴹⴰⵡⵜ-ⵏⵏⵉ ⵜⴰⵎⴰⵢⵏⵓⵜ ⴰⵢⵖⴻⴼ ⴰⴷ ⵎⵙⴻⴼⵀⴰⵎⴻⵏ ⵢⵉⵙⵓⵔⵉⵢⴻⵏ. ⴰⵢⴰ ⴰⴽⴽ ⴰⴷ ⴷ-ⵢⵉⵍⵉ ⴷⴷⴰⵡ ⵍⴻⵄⵏⴰⵢⴰ ⵏ ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵢⴻⵔⵏⴰ ⵍⴻⵎⵛⴰⵡⵕⴰⵜ ⵉ ⵍⵎⴻⵏⴷ ⵏ ⵡⴰⵢⴰ ⵔⴻⵥⵎⴻⵏⵜ ⵉ ⵡⴰⴽⴽ ⵉⵙⵓⵔⵉⵢⴻⵏ, ⵓⵍⴰ ⴷ ⵡⵉⴷ ⵢⴻⵍⵍⴰⵏ ⴷⴻⴳ ⵢⵉⵏⵉⴳ.
