ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴻⵙⵙⴻⴱⴳⴻⵙ ⴷⴷⵓⵍⴰ ⵜⵜⴰⵡⵉⵍⴰⵜ ⵢⴻⵙⵙⴻⴼⴽⴻⵏ ⵉ ⵓⵃⵓⴷⴷⵓ ⵏ ⵜⵥⴻⴳⵡⴰ (ⴼⴻⵔⵔⵧⵓⴽⵀⵉ)

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⴼⴻⵍⵍⴰⵃⵜ, ⵙⵉⴷ ⴰⵀⵎⴻⴷ ⴼⴻⵔⵔⵧⵓⴽⵀⵉ, ⴰⵙⵙ ⵏ ⵜⵜⵍⴰⵜⴰ, ⴷⴰⴽⴽⴻⵏ ⴰⵡⴰⵏⴰⴽ (ⴷⴰⵡⵍⴰ) ⵢⴻⵙⵙⴻⴱⴳⴻⵙ ⴰⴽⴽ ⴰⵢⴻⵏ ⴷ-ⵉⵡⴻⵊⴷⴻⵏ ⴷ ⵜⵜⴰⵡⵉⵍⴰⵜ, ⴷ ⵉⴷⵔⵉⵎⴻⵏ ⴷ ⵢⵉⵎⴷⴰⵏⴻⵏ ⵉ ⵓⵃⵓⴷⴷⵓ ⵏ ⵜⵥⴻⴳⵡⴰ.

« ⵢⴻⵙⵙⴻⴱⴳⴻⵙ ⵓⵡⴰⵏⴰⴽ ⴰⴽⴽ ⵜⵜⴰⵡⵉⵍⴰⵜ ⵉⵏⴳⴰⵏⴻⵏ (ⵎⴰⴷⴷⵉⵢⵢⴰ), ⵉⴷⵔⵉⵎⴰⵏⴻⵏ ⴷ ⵢⵉⵍⵙⴰⵏⴻⵏ ⵉ ⵓⵃⵔⴰⵣ ⵏ ⵜⴱⵓⵖⴰⵔ (ⵜⴰⵔⴰⵡⴰⵜ) ⵏ ⵜⵥⴻⴳⵡⴰ ⴷ ⵓⵙⵙⴻⵎⵖⴻⵔ-ⵏⵙⴻⵏⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴷⴻⴳ ⵜⵔⵉⵔⵉⵜ ⵉ ⵢⵉⵡⴻⵜ ⵏ ⵜⵓⵜⵜⵔⴰ ⵢⵓⵔⴰⵏ ⴰⵢ ⴰⵙ-ⴷ-ⵢⵓⵣⴻⵏ ⵢⵉⵡⴻⵏ ⵏ ⵓⵎⴰⵣⴰⵏ ⵏ ⵓⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ ⵖⴻⴼ ⵡⵓⴳⵓⵔ ⵏ ⵓⵙⵙⵉⴷⴻⴼ ⵏ ⵢⵉⵄⴻⵙⵙⴰⵙⴻⵏ ⵉⵎⴰⵢⵏⵓⵜⴻⵏ ⵏ ⵜⵥⴻⴳⵡⴰ ⴷ ⵓⵃⵓⴷⴷⵓ ⵏ ⵜⴱⵓⵖⴰⵔ ⵏ ⵜⵥⴻⴳⵡⴰ ⴷⴻⴳ ⵜⵡⵉⵍⴰⵢⵜ ⵏ ⵡⴰⵔⴻⴳⵍⴰ.

ⵉⵅⴻⴷⴷⴰⵎⴻⵏ ⵉⵜⵡⵉⵍⴰⵏⴻⵏ (ⵜⵉⵇⵏⵉⵢⵢⵉⵏ) ⵏ ⵜⴻⴷⴱⴻⵍⵜ ⵏ ⵜⵥⴻⴳⵡⴰ ⵡⵡⴹⴻⵏ ⵖⴻⵔ ⵡⵓⴳⴰⵔ ⵏ 6.200, ⵢⴻⵔⵏⴰ ⵅⴻⴷⴷⵎⴻⵏ ⴷ ⵉⵎⵙⵓⵍⵜⴰ (ⵛⵓⵔⵟⵉⵢⵢⵉⵏ) ⵏ ⵜⵥⴻⴳⵡⴰ ⵙ ⵓⵎⵄⴰⵡⴻⵏ ⴷ ⵢⵉⴼⴻⵙⵢⴰⵏⴻⵏ ⵏ ⵜⴻⵎⵙⵓⵍⵜⴰ ⵜⴰⵖⴻⴷⵎⴰⵏⵜ, ⵙ ⵓⵇⴰⴷⴻⵔ ⵏ ⵍⵇⴰⵏⵓⵏ ⵏ ⵓⵄⴰⵡⴻⴱ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴼⴻⵔⵔⵧⵓⴽⵀⵉ.

ⵜⵉⵎⴻⵣⵣⴰⵢⵉⵏ (ⴷⴰⵡⵔⵉⵢⵢⴰⵜ) ⵏ ⵢⵉⵎⴻⴳⴳⵉⵢⴻⵏ ⴷ ⵢⵉⴼⴻⵙⵢⴰⵏⴻⵏ ⵏ ⵜⴻⵎⵙⵓⵍⵜⴰ ⵜⴰⵖⴻⴷⵎⴰⵏⵜ (ⵛⵓⵔⵟⴰ ⵇⴰⴹⴰ’ⵉⵢⵢⴰ) ⵢⴻⵇⵇⵏⴻⵏ ⵖⴻⵔ ⵜⴻⴷⴱⴻⵍⵜ ⵏ ⵜⵥⴻⴳⵡⴰ ⵜⵜⵅⴻⴹⴹⵉⵏⵜ ⵉⵎⴷⴰⵏⴻⵏ ⴰⵢ ⵉⵔⴻⴽⴹⴻⵏ ⵍⵇⴰⵏⵓⵏ ⴷⴻⴳ ⵜⵥⴻⴳⵡⴰ, ⴰⵎ ⵡⵉⴷ ⴰⵢ ⵉⴽⴻⵙⵙⴻⵏ ⵍⵎⴰⵍ-ⵏⵙⴻⵏ ⴷⴻⴳ ⵜⴻⵎⵏⴰⴹⵉⵏ ⵢⴻⵜⵜⵡⴰⵃⴻⵔⵣⴻⵏ, ⵡⵉⴷ ⴰⵢ ⵢⴻⵜⵜⴻⴱⴱⵉⵏ ⵉⵙⴻⴽⵍⴰ ⴷ ⵡⵉⴷ ⴰⵢ ⵢⴻⵙⵙⴻⵏⴷⴰⵃⴻⵏ ⵜⵉⵎⴻⵙ ⵉ ⵜⵥⴻⴳⵡⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵢⴻⵙⵎⴻⴽⵜⵉ-ⴷ ⴷⴰⵖ ⵓⵏⴻⵖⵍⴰⴼ, ⴷⴻⴳ ⵜⴻⵎⵙⴰⵍⵜ-ⴰ, ⴷⴰⴽⴽⴻⵏ ⵢⴻⵜⵜⵡⴰⵙⵜⴻⵏⵢⴰ ⵓⵎⵜⴰⵡⴰ (ⵉⵜⵜⵉⴼⴰⵇ) ⴷⴻⴳ 2014 ⴷ ⵜⴻⵎⵙⴻⵜⵍⴰ (ⴷⴰⵔⴰⴽ) ⵜⴰⵖⴻⵍⵏⴰⵡⵜ ⵉ ⵓⵃⵓⴷⴷⵓ ⵏ ⵜⴳⴻⵎⵎⵉ ⵜⴰⵖⴻⵍⵏⴰⵡⵜ ⵏ ⵜⵥⴻⴳⵡⴰ, ⵢⴻⵔⵏⴰ ⵢⴻⵍⵍⴰ-ⴷ ⵡⴰⵢⴰ ⵉ ⵓⵙⵙⴻⵎⵢⵓⴷⴷⴻⵙ ⴷ ⵓⵎⴱⴰⴷⴷⴻⵍ ⵏ ⵢⵉⵙⴰⵍⴰⵏ, ⵜⵜⴻⵊⵕⵉⴱⴰⵜ ⴷ ⵢⵉⵙⴻⴼⴽⴰ ⵉⵙⵏⴰⵎⵓⵔⴰⵏⴻⵏ.