Asebter amenzawi

Beddu n 2000 n yisenfaren n tmerrit deg 2016

LEZZAYER TAMANEɣT – Yenna-d uneɣlaf n uheyyi n wakal d tmerrit, Amar Ghoul, ass n ttlata deg Lezzayer, d akken deg useggas n 2016, ad yebdu lebni n 2500 n yisenfaren n tmerrit (siyaḥa) ad d-yernun 500.000 n wusuten.

Deg yiwet n tseɣrut (taṣriḥ) i tɣemsa deg tgara n yiwet n terzi n ussefqed n wacḥal n yimukan n tmerrit deg Lezzayer Tamaneɣt, yenna-d uneɣlaf d akken « yessefk ad d-yili uɛawen i ussefti deg tmerrit akken ad yeččaṛ yilem » yellan deg yisensa (fanadiq) yerna ad yettwasseṛwu ussuter n yimerrayen.

« Ugar n 1000 n yisenfaren imaynuten n tmerrit ad d-iwejden gar 2016 d 2017 deg temnaḍin yemgerraden n tmurt », ɣef wakken ay d-ixebber Mass Ghoul ay d-igren tiɣri i « usseǧhed n tmerrit tadigant (maḥalliyya) s lebni n yisensa n 3 n yitran ».

Dɣa yesmekti-d, deg temsalt-a, d akken « 1200 n yisensa n tmerrit (1 d 2 n yitran) ay la yettwabnayen i ummager n yimerrayen yesɛan amedxul d alemmas akken ad zemren ad ssnen imukan n tmerrit deg Lezzayer ».

Seg yidis niḍen, iḥettet-d uneɣlaf ɣef « uqader n yilugan igraɣlanen deg lebni n yisenfaren n tmerrit d usselhu n tɣara n yimeẓla (xadamat) d ussileɣ yemmuzzgen (takwin mutaxaṣṣiṣ », am wakken ay d-iwekked d akken « ur yezmir ara ad yettunefk ttesriḥ n uɣellit i usuddis n tmerrit ma yella ur igi ara assileɣ i yixeddamen-nnes ».