ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴽⴻⵎⵎⴻⵍ ⵏ ⵜⴻⵎⵍⵉⵍⵉⵢⵉⵏ ⴳⴰⵔ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ ⴷ ⵢⵉⵄⴻⵙⵙⴰⵙⴻⵏ ⵏ ⵜⵖⵉⵡⴰⵏⵉⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⵉⵎⵍⵉⵍⵉⵢⵉⵏ ⴳⴰⵔ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ ⴷ ⵢⵉⴳⴻⵏⵙⴰⵙⴻⵏ (ⵎⵓⵎⴰⵜⵜⵉⵍⵉⵏ) ⵏ ⵢⵉⵄⴻⵙⵙⴰⵙⴻⵏ ⵏ ⵜⵖⵉⵡⴰⵏⵉⵏ ⴰⴷ ⴽⴻⵎⵎⵍⴻⵏⵜ ⴰⵔⵎⴰ ⵢⴻⵍⵀⴰ-ⴷ ⵓⵏⴰⴱⴰⴹ (ⵃⵓⴽⵓⵎⴰ) ⵙ ⵡⴰⴽⴽ ⴰⵢⴻⵏ ⴰⵢ ⵍⴰ ⴷ-ⵙⵙⵓⵜⵓⵔⴻⵏ ⵢⵉⵄⴻⵙⵙⴰⵙⴻⵏ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵓⵏⴻⵎⵀⴰⵍ ⵏ ⵜⴻⵖⴱⵓⵍⴰ ⵜⴰⵍⵙⴰⵏⵉⵏ ⴷⴻⴳ ⵓⵖⵍⵉⴼ, ⴰⴱⴷⴻⵍⵀⴰⵍⵉⵎ ⵎⴻⵔⴰⴱⵜⵉ.

ⵜⵉⵎⵍⵉⵍⵉⵢⵉⵏ-ⴰ ⴰⴷ ⴷ-ⵜⵜⵉⵍⵉⵏⵜ ⵙⴻⴳ-ⴰ ⵖⴻⵔ ⴷⴰ ⵢⴻⵔⵏⴰ ⴰⴷ ⵢⴻⵜⵜⴻⴽⴽⵉ ⴷⴻⴳ-ⵙⴻⵏⵜ ⵓⵏⴻⵖⵍⴰⴼ ⴷ ⵢⵉⵎⴹⴻⴱⴱⵔⴻⵏ ⴰⵢ ⴷ-ⵢⴻⵍⵀⴰⵏ ⴷ ⵜⴻⵎⵙⴰⵍⵜ-ⴰ ⴷⴻⴳ ⵓⵖⵍⵉⴼ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵎⴻⵔⴰⴱⵜⵉ ⴷⴻⴳ ⵜⴳⴰⵔⴰ ⵏ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⵏⴰⵔⵉⵜ (ⵎⴰⴽⵜⴰⴱ) ⵏ ⵓⵖⵍⵉⴼ ⴳⴰⵔ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ, ⵏⵧⵓⵔⴻⴷⴷⵉⵏⴻ ⴱⴻⴷⵧⵓⵉ, ⴷ ⵢⵉⴳⴻⵏⵙⴰⵙⴻⵏ ⵏ ⵢⵉⵄⴻⵙⵙⴰⵙⴻⵏ ⵏ ⵜⵖⵉⵡⴰⵏⵉⵏ.

ⵜⵉⵎⵍⵉⵍⵉⵜ ⵏ ⵡⴰⵙⵙ-ⴰ ⴷ ⵜⵉⵏ ⴰⵢⴷⴻⴳ ⴷ-ⵙⵙⵓⴽⴽⴻⵏ ⵜⵉⵟ ⵖⴻⴼ ⵡⴰⵏⴷⴰ ⴰⵢ ⵙⵙⴰⵡⴹⴻⵏ ⵍⴻⵛⵖⴰⵍ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴼⴻⵔⵔⵓ ⵏ ⵡⵓⴳⵓⵔⴻⵏ ⵢⴻⵇⵇⵏⴻⵏ ⵖⴻⵔ ⵓⵅⴻⴷⴷⵉⵎ ⴷ ⵜⵎⴻⵜⵜⵉ ⴰⵢ ⴷ-ⵙⵙⵓⵜⵔⴻⵏ ⵢⵉⵄⴻⵙⵙⴰⵙⴻⵏ ⵏ ⵜⵖⵉⵡⴰⵏⵉⵏ ⴷⴻⴳ ⵜⵖⴻⵔⵖⴻⵔⵜ ⵏ 13 ⵢⴻⴱⵔⵉⵔ 2014. ⵜⵉⵖⴻⵔⵖⴻⵔⵜ-ⴰ ⵍⵍⴰⵏ ⴷⴻⴳ-ⵙ 12 ⵏ ⵢⵉⵙⵙⵓⵜⵔⴻⵏ ⵢⴻⵔⵏⴰ 98% ⵙⴻⴳ-ⵙⴻⵏ ⴰⵢ ⵢⴻⴼⵔⴰⵏ.

« ⵏⵓⴼⴰ-ⴷ ⵜⵉⴼⵔⴰⵜⵉⵏ, ⵏⵏⵉⴳ ⵡⴰⵢⴰ, ⵜⵜⵡⴰⵙⴱⴻⴷⴷⴻⵏ-ⴷ ⵢⵉⴽⴰⵜⴰⵔⴻⵏ ⵏ ⵍⵇⴰⵏⵓⵏ ⴷ ⵢⵉⵍⵓⴳⴰⵏ ⴷⴻⴳ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ, ⵙ ⵓⵎⵄⴰⵡⴻⵏ ⴷ ⵢⵉⵖⵍⵉⴼⴻⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵙⵜⴰⵖⵜ (ⵜⴰⵇⴰⵄⵓⴷ) ⵜⵉⵎⴽⴻⴱⵙⵉⵜ ⵜⴰⵙⵓⵔⴼⴰⵏⵜ ⵏ ⵢⵉⵄⴻⵙⵙⴰⵙⴻⵏ ⵏ ⵜⵖⵉⵡⴰⵏⵉⵏ, ⵢⴻⵏⵏⴰ-ⴷ ⵢⵉⵎⴹⴻⴱⴱⴻⵔ-ⴰ ⴷ ⴰⴽⴽⴻⵏ « ⴰⵣⴰⵍ ⵏ 67.000 ⵏ ⵢⵉⵄⴻⵙⵙⴰⵙⴻⵏ ⵏ ⵜⵖⵉⵡⴰⵏⵉⵏ ⴰⵢ ⴷ-ⵢⴻⵙⴼⴰⵢⴷⵉⵏ ⵙⴻⴳ-ⵙ ⴰⵜ ⴰⵙⵙ-ⴰ, ⵏⵏⵉⴳ ⵡⴰⵢⴰ, 6.000 ⵏ ⵢⵉⵄⴻⵙⵙⴰⵙⴻⵏ ⵏ ⵜⵖⵉⵡⴰⵏⵉⵏ ⴰⵢ ⵢⴻⵡⵡⵉⵏ ⵜⴰⵙⵜⴰⵖⵜ, ⴷⵖⴰ 60% ⵙⴻⴳ ⵢⵉⵙⵙⵓⵜⵔⴻⵏ ⵏ ⵜⴻⵙⵜⴰⵖⵜ ⴰⵢ ⵢⴻⵜⵜⵡⴰⵇⴻⴱⵍⴻⵏ ⵙⴻⴳ ⴳⴰⵔ 10.000 ⴰⵢ ⵢⴻⵔⵙⴻⵏ ».

ⴰⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ ⵍⴰ ⵉⵅⴻⴷⴷⴻⵎ, ⴷⴻⴳ ⵓⴽⴰⵜⴰⵔ ⵏ ⵢⵉⵡⴻⵜ ⵏ ⵜⵙⴻⵇⵇⴰⵎⵓⵜ ⵜⵓⵛⵔⵉⴽⵜ ⴷ ⵓⵖⵍⵉⴼ ⵏ ⵓⵅⴻⴷⴷⵉⵎ, ⴰⴽⴽⴻⵏ ⴰⴷ ⴷ-ⵙⵙⵓⴽⴽⴻⵏ ⵜⵉⵟ ⵖⴻⴼ ⵢⵉⴽⴰⵔⴰⵎⴻⵏ (ⵎⵉⵍⴰⴼⴼⴰⵜ) ⴰⵢ ⴷ-ⵢⴻⵇⵇⵉⵎⴻⵏ ⴰⴽⴽⴻⵏ ⴰⴷ ⴼⵔⵓⵏ ⵉⵄⴻⵡⵡⵉⵇⴻⵏ ⵢⴻⵇⵇⵏⴻⵏ ⵖⴻⵔ-ⵙⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵎⴰⵙⵙ ⵎⴻⵔⴰⴱⵜⵉ.