ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴷ ⵉⴳⵉⵎⴰⵏ ⵏ ⵢⴻⵎⴷⴰⵏⴻⵏ ⵉⵃⴻⴹⵕⴻⵏ ⴷⴻⴳ ⵡⴰⵜ ⴰⵃⵎⴻⴷ ⵉ ⵜⴻⵎⴹⴻⵍⵜ ⵏ ⵙⵉ ⵍⵃⵓⵙⵉⵏ
ⴰⵉⵜ ⵢⴰⵀⵉⴰ (ⵜⵉⵣⵉ-ⵡⴻⵣⵣⵓ)- ⴷ ⵉⴳⵉⵎⴰⵏ ⵏ ⵢⴻⵎⴷⴰⵏⴻⵏ ⴱⴷⴰⵏ ⵜⵜⴰⵡⴹⴻⵏ-ⴷ ⴰⵙⵙ ⵏ ⵍⴵⴻⵎⵄⴰ ⵜⴰⵚⴱⵃⵉⵜ ⵖⴻⵔ ⵜⴰⴷⴷⴰⵔⵜ ⵏ "ⵜⵉⵙⵉⵔⵜ ⵏ ⵛⵛⵉⵅ", ⴷⵉ ⵜⵖⵉⵡⴰⵏⵜ ⵏ ⴰïⵜ ⵢⴰⵀⵉⴰ, ⴰⵏⴷⴰ ⴰⵔⴰ ⵜⴻⵔⵙ ⵍⴵⴻⵜⵜⴰ ⵏ ⵓⵎⴻⵕⵃⵓⵎ ⵀⵧⵛⵉⵏⴻ ⴰïⵜ ⴰⵀⵎⴻⴷ ⴰⴽⴽⴻⵏ ⴰⴷ ⵙⵜⵕⵃⵎⴻⵏ ⴼⴻⵍⵍ-ⴰⵙ ⵢⵉⵣⵣⴰⵢⵔⵉⵢⴻⵏ.
ⵉⵎⴷⴰⵏⴻⵏ-ⴰⴳⵉ ⵓⵙⴰⵏ-ⴷ ⵙⵉ ⵢⴰⵍ ⵜⴰⵎⴰ ⵏ ⵜⴻⵎⵏⴰⴹⵜ ⵏ ⵍⴻⵇⴱⴰⵢⴻⵍ ⴰⴽⴽ ⴷ ⵜⴻⵎⵏⴰⴹⵉⵏ-ⵏⵏⵉⴹⴻⵏ ⵏ ⵜⵎⵓⵔⵜ. ⴽⵔⴰ ⵏ ⵢⴻⵎⴷⴰⵏⴻⵏ ⵏⵙⴰⵏ ⴷⵉⵏⵏⴰ ⵖⴻⵔ ⵜⵣⵉⵔⵉ ⴰⴽⴽⴻⵏ ⴰⴷ ⴵⴵⴻⵏ ⴰⴽⵓⴷ-ⴰⴳⵉ ⴷ ⴰⵎⵓⴷⴷⵉⵔ ⴰⴷ ⵔⵔⴻⵏ ⴷⴰⵖⴻⵏ ⵜⴰⵊⵎⵉⵍⵜ ⵉⵡⴰⵜⴰⵏ ⵉ ⵓⴱⴰⴱⴰⵜ ⵏ ⵜⴻⴳⵔⴰⵡⵍⴰ.
ⵡⵉⴷ ⵢⴻⵍⵍⴰⵏ ⴷⵉⵏⵏⴰ, ⴱⴷⴰⵏ ⵣⵉⴽ ⵜⴰⵙⴻⴱⵃⵉⵜ, ⵛⴻⵏⵏⵓⵏ ⵍⴰⵀⵎⴰⵍⴰ-ⵏⵙⴻⵏ ⵖⴻⴼ ⵓⵎⴻⵕⵃⵓⵎ ⵢⴻⵏⵏⵓⵖⴻⵏ ⵖⴻⴼ ⵍⴻⵣⵣⴰⵢⴻⵔ ⵓⵔ ⵏⴱⴻⵟⵟⵓ: "ⵙⵉ ⵍⵃⵓⵙⵉⵏ, ⵎⴰⵣⴰⵍ-ⴰⵖ ⵢⵉⴷ-ⴽ".
ⵙⴻⴳ ⵡⴰⵜ ⵢⴰⵃⵉⴰ ⴷ ⴰⴽⴻⵙⵙⴰⵔ, ⵜⴻⵇⵇⵉⵎ ⵜⴻⵔⴱⴰⵄⵜ ⴰⵔⴰ ⵉⴹⴻⵎⵏⴻⵏ ⴰⴽⴽⴻⵏ ⴰⴷ ⵜⵄⴰⴷⴷⵉ ⵜⴻⵎⴹⴻⵍⵜ ⴰⴽⴽⴻⵏ ⵉⵡⴰⵜⴰ, ⵍⴰⴷⵖⴰ ⴷⴻⴳ ⵡⴰⵜ ⵀⵉⵛⴻⵎ, ⵙⵡⴰⵎⴰⵄ ⴰⴽⴽ ⴷ ⵡⴰⵜ ⵅⵍⵉⵍⵉ ⴰⴽⴽⴻⵏ ⴰⴷ ⵙⴻⴳⴳⵎⴻⵏ ⵜⵉⴽⵍⵉ ⵏ ⵜⴽⴻⵔⵢⴰⵙ ⵓⵔ ⴷ-ⵢⴻⵜⵜⵉⵍⵉ ⵡⵓⴳⵓⵔ ⴷⵉ ⵜⵉⴽⵍⵉ.
"ⵉⵎⴷⴰⵏⴻⵏ-ⴰⴳⵉ ⵢⴻⴱⴷⴰⵏ ⵜⵜⴰⵡⴹⴻⵏ-ⴷ ⵙⴻⴳ ⵢⵉⴹⴻⵍⵍⵉ ⴷ ⵓⴷⴻⵎ ⵏ ⵍⵇⵉⵎⴰ ⵏ ⵡⴻⵔⴳⴰⵣ-ⴰⴳⵉ ⴰⵎⴻⵕⵃⵓⵎ, ⴷ ⴰⵔⴳⴰⵣ ⵏ ⵜⵎⵓⵔⵜ ⵜⴻⵜⵜⵇⴰⴷⴰⵕ ⵜⴰⵍⵙⴰ ⵙⵓⵎⴰⵜⴰ, ⴷ ⵜⵉⴳⴻⵊⴷⵉⵜ ⵏ ⵓⵎⵓⵙⵙⵓ ⴰⵖⴻⵍⵏⴰⵡ", ⵉⴷ-ⵢⴻⵏⵏⴰ ⵓⵙⵉⵏⴰⵜⵓⵔ ⵏ ⵜⵉⵔⵏⵉ ⵉⵖⴰⵍⵍⴻⵏ ⵉⵏⴻⵎⵍⴰⵢⴻⵏ, ⵎⵧⵓⵙⵙⴰ ⵜⴰⵎⴰⵔⴷⴰⵜⴰⵣⴰ.
