ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⴳⴰⵔ ⵏ 400 ⵏ ⵍⵉⵃⴰⵍⴰⵜ ⵏ ⵓⵜⵄⴻⴷⴷⵉ ⵖⴻⴼ ⵢⵉⵏⵙⴻⵍⵎⴻⵏ ⴷⴻⴳ ⴼⵕⴰⵏⵙⴰ ⴷⴻⴳ 2015

ⵒⴰⵔⵉⵙ – ⵓⴳⴰⵔ ⵏ 400 ⵏ ⵍⴻⵛⵖⴰⵍ ⵏ ⵓⵜⵄⴻⴷⴷⵉ ⵖⴻⴼ ⵢⵉⵏⵙⴻⵍⵎⴻⵏ ⴰⵢ ⴷ-ⵢⴻⵜⵜⵡⴰⵃⴻⵙⴱⴻⵏ ⴷⴻⴳ ⴼⵕⴰⵏⵙⴰ ⴷⴻⴳ ⵓⵙⴻⴳⴳⴰⵙ ⵏ 2015, ⴷⵖⴰ ⵙ ⵡⴰⵢⴰ, ⵔⵏⴰⵏ ⵍⴻⵛⵖⴰⵍ-ⴰ ⵙ 200% ⵖⴻⴼ ⵍⴻⵃⵙⴰⴱ ⵏ 2014 ⴰⵢⴷⴻⴳ ⴷ-ⵍⵍⴰⵏ ⴰⵍⴰ 133 ⵏ ⵍⴻⵛⵖⴰⵍ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴰⵕⴻⴱⵄⴰ ⵓⵖⵎⵉⵙ ⴰⵢⴰⵍⵍⴰⵙ ⵏ ⵍⴻ ⵒⴰⵔⵉⵙⵉⴻⵏ.

ⵖⴻⴼ ⵍⴻⵃⵙⴰⴱ ⵏ ⵜⵎⴰⴳⵍⴰ (ⵡⴰⴼⴷ) ⴰⴳⵔⴰⵖⵍⵉⴼ ⵉ ⵢⵉⵎⴻⵏⵖⵉ ⵎⴳⴰⵍ ⵜⴻⵎⵙⵉⵔⵉⵜ ⴷ ⵜⴻⵎⴳⴻⵍⵙⴰⵎⵉⵜ (ⴷⵉⵍⵛⵔⴰ), « ⵍⴻⵛⵖⴰⵍ-ⴰ ⴷ ⵡⵉⴷ ⵢⴻⵔⵣⴰⵏ ⵔⵔⴻⴳⵎⴰⵜ, ⵜⵓⴳⴳⵣⴰ (ⵜⴰⵀⴷⵉⴷ) ⴷ ⵓⵙⵙⴻⵔⵖⵉ ⵏ ⵜⵎⴻⵙⴳⵉⴷⵉⵡⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵖⵎⵉⵙ-ⴰ ⴰⵢⴰⵍⵍⴰⵙ ⴰⵢ ⴷ-ⵢⴻⵔⵏⴰⵏ ⴷ ⴰⴽⴽⴻⵏ ⵣⴻⵎⵔⴻⵏ ⴰⴷ ⵔⵏⵓⵏ ⵍⴻⵛⵖⴰⵍ-ⴰ ⴰⵔⵎⴰ ⵡⵡⴹⴻⵏ ⵖⴻⵔ 3 ⵏ ⵜⵉⴽⴽⴰⵍ ⵓⴳⴰⵔ ⵏ ⵡⴰⵏⴻⵛⵜ ⵍⵍⴰⵏ ⴷⴻⴳ 2014.

« ⴰⵢⴰ ⴷ ⵜⵉⵎⴻⵔⵏⵉⵡⵜ ⵜⴰⵎⴻⵇⵔⴰⵏⵜ ⵢⴻⵔⵏⴰ ⵜⴻⵙⵙⴰⴳⴰⴷ ⵙ ⵡⴰⵟⴰⵙ, ⵢⴻⵔⵏⴰ ⴰⵢⴻⵏ ⵢⴻⵜⵜⴻⴽⴽⴰⵏ ⴷⴻⴳ ⵜⵎⴻⵔⵏⵉⵡⵜ-ⵏⵙⴻⵏ ⴷ ⵍⴻⵛⵖⴰⵍ-ⵏⵏⵉ (ⵏ ⵓⵜⵄⴻⴷⴷⵉ) ⴰⵢ ⴷ-ⵢⴻⵍⵍⴰⵏ ⴷⴻⴼⴼⵉⵔ ⵜⵅⴰⵣⵣⴰⴱⵉⵢⵉⵏ-ⵏⵏⵉ ⵏ ⵢⴻⵏⵏⴰⵢⴻⵔ (2015) » ⵎⴳⴰⵍ ⵓⵖⵎⵉⵙ ⵏ ⵛⵀⴰⵔⵍⵉⴻ ⵀⴻⴱⴷⵧ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴳⵉⵍⵍⴻⵙ ⵛⵍⴰⵠⵔⴻⵓⵍ, ⵉⵖⴻⴼ ⵏ ⴷⵉⵍⵛⵔⴰ.

ⵜⴰⴷⵢⴰⵏⵜ ⵜⴰⵎⴻⵇⵔⴰⵏⵜ ⴰⴽⴽ ⴷⴻⴳ ⵍⴻⵛⵖⴰⵍ-ⴰ ⴷ ⵜⵉⵏ ⴰⵢⴷⴻⴳ ⵜⵜⴻⴽⴽⴰⵏ ⵓⴳⴰⵔ ⵏ 300 ⵏ ⵢⵉⵎⴷⴰⵏⴻⵏ ⴰⵙⵙ ⵏ ⵍⵊⴻⵎⵄⴰ ⴷⴻⴳ ⴰⵊⴰⵛⵛⵉⵧ (ⵛⵧⵔⵙⵉⵛⴰ) ⴷⴻⴳ ⵜⵔⵓⵥⵉ ⵏ ⵢⵉⵡⴻⵜ ⵏ ⵜⵎⴻⵙⴳⵉⴷⴰ ⴷ ⵓⵙⵙⴻⵔⵖⵉ ⵏ ⵏⵏⴻⵙⵅⴰⵜ ⵏ ⵍⴻⵇⵔⴰⵏ.

ⵖⴻⴼ ⵍⴻⵃⵙⴰⴱ ⵏ ⵜⴻⵛⵔⴰⵡⵜ-ⴰ, 2015 ⴷ ⵏⴻⵜⵜⴰ ⴰⵢ ⴷ ⴰⵙⴻⴳⴳⴰⵙ ⴰⵢⴷⴻⴳ ⴷ-ⵢⴻⵍⵍⴰ ⵓⵎⴹⴰⵏ ⴰⵎⴻⵇⵔⴰⵏ ⴰⴽⴽ ⵏ ⵢⵉⵜⵄⴻⴷⴷⵉⵢⴻⵏ ⵖⴻⴼ ⵢⵉⵎⵓⴽⴰⵏ ⵏ ⵓⵄⴱⴰⴷ, ⵢⴻⵔⵏⴰ ⵉⵎⴻⵥⵍⴰ ⵏ ⵓⵡⴰⵏⴰⴽ (ⵎⴰⵚⴰⵍⵉⵃ ⴷⴰⵡⵍⴰ) ⵏ ⴼⵕⴰⵏⵙⴰ ⵍⴰ ⵜⵜⵃⵓⴷⴷⵓⵏ, ⵓⵙⵙⴰⵏ-ⴰ, 1000 ⵙⴻⴳ 2500 ⵏ ⵢⵉⵎⵓⴽⴰⵏ ⵏ ⵓⵄⴱⴰⴷ ⵢⴻⵍⵍⴰⵏ ⴷⴻⴳ ⴼⵕⴰⵏⵙⴰ. ⵍⴻⵛⵖⴰⵍ-ⴰ ⵏ ⵓⵜⵄⴻⴷⴷⵉ ⵜⴻⵜⵜⵉⵍⵉ-ⴷ ⴷⴻⴳ-ⵙⴻⵏ ⵜⵉⵔⴰⵡⵜ ⵙ ⵙⵙⴱⵉⵖⴰ ⵖⴻⴼ ⵢⵉⵖⴻⵔⴱⴰⵏ ⵏ ⵢⵉⵎⵓⴽⴰⵏ ⵏ ⵓⵄⴱⴰⴷ, ⴰⵙⵙⴻⵔⵙⵉ ⵏ ⵢⵉⵖⴼⴰⵡⴻⵏ ⴷ ⵢⵉⵥⴻⵔⵎⴰⵏ ⵏ ⵢⵉⵍⴼⴰⵏ ⴷⴻⴳ ⵢⵉⵎⵓⴽⴰⵏ-ⴰ, ⴰⵣⴻⵍⵍⵉ ⵏ ⵜⵇⴻⵔⵄⵓⵏⵉⵏ ⵏ ⵜⵎⴻⵙ ⴷ ⵓⵙⵙⴻⵔⵖⵉ ⵏ ⵢⵉⵎⵓⴽⴰⵏ-ⴰ.

ⴰⵙⴻⵍⵡⴰⵢ ⵏ ⵓⵙⴰⵏⴰⵢ (ⵎⴰⵔⵚⴰⴷ) ⵎⴳⴰⵔ ⵜⵉⵙⵍⴰⵎⵓⴼⵓⴱⵉⵜ, ⵢⴻⵇⵇⵏⴻⵏ ⵖⴻⵔ ⵓⵙⴻⵇⵇⴰⵎⵓ ⴰⴼⵕⴻⵏⵙⵉⵙ ⵏ ⵓⵙⵖⴰⵏ ⵉⵏⴻⵙⵍⴻⵎ, ⴰⴱⴷⴰⵍⵍⴰⵀ ⵣⴻⴽⵔⵉ, ⵢⴻⵙⵃⴰⵙⵙⴻⴼ, ⵙⴻⴳ ⵢⵉⴷⵉⵙ-ⵏⵏⴻⵙ, ⵉⵎⵉ ⴰⵢ ⵍⵍⴰⵏⵜ ⵜⴻⴳⵔⴰⵡⵉⵏ ⵜⵉⵎⴰⴳⴰⵏⵉⵏ ⴰⵢ ⵢⴻⵎⵎⵖⴻⵏ ⵖⴻⴼ ⵜⵍⴰⵡⵉⵏ ⵉⵎⵉ ⴰⵢ ⵍⵙⴰⵏⵜ ⴰⵃⵉⴵⴰⴱ. « ⴽⵔⴰ ⵙⴻⴳ-ⵙⴻⵏⵜ ⵊⴻⵍⵇⴻⵏ-ⴰⵙⴻⵏⵜ ⴰⵛⴻⵎⵎⴻⵍ-ⵏⵙⴻⵏⵜ, ⵢⴻⵔⵏⴰ ⵡⵡⴹⴻⵏ ⴰⵔⵎⵉ ⴰⵢ ⵡⵜⴻⵏ ⵢⵉⵡⴻⵜ ⵙ ⵜⴻⵇⵙⴻⵃ. ⵜⵓⴳⴷⵉ ⵜⴻⵔⵏⴰ ⵙ ⵡⴰⵟⴰⵙ ⵖⴻⵔ ⵡⵉⴷ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⵏ ⴷⴷⵉⵏ ».