ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵙⵧⵏⴻⵍⴳⴰⵣ: ⵓⵔ ⵜⴻⵜⵜⵡⴰⴱⵟⴻⵍ ⴰⵔⴰ ⵜⴻⴽⴼⵉ ⵏ ⵜⵓⴼⴼⵖⴰ ⵏ ⵍⴰⵏⵜⵔⵉⵜ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵖⵍⵉⴼ ⵏ ⵜⴻⵥⵡⴻⵔⵜ (ⵟⴰⵇⴰ) ⴰⵙⵙ ⵏ ⵍⴻⵅⵎⵉⵙ ⴷ ⴰⴽⴽⴻⵏ ⵓⵔ ⵜⴻⵜⵜⵡⴰⴱⵟⴻⵍ ⴰⵔⴰ ⵜⴻⴽⴼⵉ (ⵎⵉⵏⵃⴰ) ⵏ ⵜⵓⴼⴼⵖⴰ ⵏ ⵍⴰⵏⵜⵔⵉⵜ ⴰⵢ ⵜⴻⵏⵏⵓⵎ ⵙⵧⵏⴻⵍⴳⴰⵣ ⵜⴻⵜⵜⴰⴽⴼ-ⵉⵜⵜ ⵉ ⵢⵉⵅⴻⴷⴷⴰⵎⴻⵏ-ⵏⵏⴻⵙ ⴷⴻⴳ ⵜⴳⴰⵔⴰ ⵏ ⵓⵎⴻⵛⵡⴰⵕ-ⵏⵙⴻⵏ ⵏ ⵓⵅⴻⴷⴷⵉⵎ, ⵢⴻⵔⵏⴰ ⵢⴻⵍⵍⴰ-ⴷ ⴽⴰⵏ ⵓⵄⴰⵡⴻⴷ ⵏ ⵓⵅⴻⵎⵎⴻⵎ ⵖⴻⴼ ⵓⵅⴻⵍⵍⴻⵚ ⵏ ⵜⴻⴽⴼⵉ-ⴰ « ⵓⵇⴱⴻⵍ ⵎⴰ ⵢⴻⴼⴼⴻⵖ ⵓⵅⴻⴷⴷⴰⵎ ⵙ ⵜⵉⴷⴻⵜ ».
ⴽⵔⴰ ⵏ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ ⵅⴻⴱⴱⵔⴻⵏ-ⴷ ⴷ ⴰⴽⴽⴻⵏ ⵜⴰⴼⵉⴷⵉⵕⴰⵍⵉⵜ ⵜⴰⵖⴻⵍⵏⴰⵡⵜ ⵏ ⵢⵉⵅⴻⴷⴷⴰⵎⴻⵏ ⵏ ⵜⴻⵎⴳⵓⵔⵉⵢⵉⵏ ⵏ ⵜⵔⵉⵙⵉⵜⵉ ⴷ ⵍⴳⴰⵣ ⴰⴷ ⵜⴻⴳ ⴰⵙⵓⵏⴷⴻⴷ (ⵉⴹⵔⴰⴱ) ⵖⴻⴼ ⵍⴵⴰⵍ ⵏ ⵓⴱⵟⴰⵍ ⴰⵢ ⵢⴻⴱⵟⴻⵍ ⵓⵖⵍⵉⴼ ⵏ ⵜⴻⵥⵡⴻⵔⵜ ⵢⵉⵡⴻⵏ ⵏ ⵍⴻⵄⵇⴻⴷ ⴰⵢ ⵢⴻⵙⵜⴻⵏⵢⴰ ⴷ ⵜⴻⵕⵎⵉⵙⵜ (ⵛⴰⵔⵉⴽⴰ) ⵏ ⵙⵧⵏⴻⵍⴳⴰⵣ ⴷ ⵜⴼⵉⴷⵉⵕⴰⵍⵉⵜ-ⴰ.
ⵉⵙⴰⵍⴰⵏ ⴰⵢ ⴷ-ⵙⵙⵓⴼⴼⵖⴻⵏ ⴽⵔⴰ ⵏ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ ⵢⴻⴷⴷⴰ-ⴷ ⴷⴻⴳ-ⵙⴻⵏ ⵓⴱⵟⴰⵍ ⵏ ⵓⵎⵜⴰⵡⴰ-ⴰ (ⵉⵜⵜⵉⴼⴰⵇ) ⴰⴷ ⵉⴱⴻⵟⴻⵍ ⴷⴰⵖ ⵜⵉⴽⴼⵉ-ⵏⵏⵉ ⵏ ⵜⴻⵙⵜⴰⵖⵜ (ⵜⴰⵇⴰⵄⵓⴷ). ⴰⵎⵜⴰⵡⴰ-ⴰ ⵢⴻⵙⵙⴻⴼⵔⴰⵢ ⴷⴰⵖ ⴰⴷ ⵢⴻⵙⵍⵓⴳⴻⵏ 8.000 ⵏ ⵢⵉⵅⴻⴷⴷⴰⵎⴻⵏ ⵉⵙⴷⴰⵡⴰⵏⴻⵏ, ⴰⵎ ⵡⴰⴽⴽⴻⵏ ⴰⵢ ⵢⴻⴼⴽⴰ ⵍⴼⴰⵢⴷⴰⵜ ⵉ ⵡⴰⵔⵔⴰⵡ ⵏ ⵢⵉⵎⴻⵖⵔⵓⵙⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⴻⵇⴷⴻⵛ ⵏ ⵜⵔⵉⵙⵉⵜⵉ.
ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⵏⵏⴰ-ⴷ ⵓⵖⵍⵉⴼ, ⴰⵙⵙ ⵏ ⵍⴻⵅⵎⵉⵙ, ⴷⴻⴳ ⵢⵉⵡⴻⵏ ⵏ ⵓⵍⵖⵓ (ⴱⴰⵢⴰⵏ), ⴷ ⴰⴽⴽⴻⵏ ⴷⴻⴳ ⵢⵉⵡⴻⵏ ⵏ ⵓⵎⵢⴰⴳⴻⵔ ⴰⵢ ⴷ-ⵢⴻⵍⵍⴰⵏ ⴷⴻⴳ ⵏⵡⴻⵎⴱⴻⵕ ⵢⴻⵣⵔⵉⵏ ⴳⴰⵔ ⵓⵖⵍⵉⴼ ⵏ ⵜⴻⵥⵡⴻⵔⵜ, ⵙⴰⵍⴰⵀ ⴽⵀⴻⴱⵔⵉ, ⴷ ⵓⵎⴰⵔⵓ ⴰⵎⴰⵜⵓ ⵏ ⵜⴼⵉⴷⵉⵕⴰⵍⵉⵜ ⵜⴰⵖⴻⵍⵏⴰⵡⵜ ⵏ ⵢⵉⵅⴻⴷⴷⴰⵎⴻⵏ ⵏ ⵜⴻⵎⴳⵓⵔⵉⵢⵉⵏ ⵏ ⵜⵔⵉⵙⵉⵜⵉ ⴷ ⵍⴳⴰⵣ, ⵢⴻⵙⵙⵓⵜⴻⵔ ⴰⴷ ⴷ-ⵜⴻⵜⵜⵡⴰⵅⴻⵍⵍⴻⵚ ⵜⴻⴽⴼⵉ-ⴰ ⵉ ⵢⵉⵅⴻⴷⴷⴰⵎⴻⵏ ⵢⴻⵡⵡⴹⴻⵏ 60 ⵏ ⵢⵉⵙⴻⴳⴳⴰⵙⴻⵏ ⵢⴻⵔⵏⴰ ⵎⴰⵣⴰⵍ-ⵉⵜⴻⵏ ⵅⴻⴷⴷⵎⴻⵏ « ⴰⴽⴽⴻⵏ ⴰⴷ ⴷ-ⵙⵙⵉⵍⵖⴻⵏ (ⵢⵓⴽⴰⵡⵡⵉⵏⵓⵏ) ⵉⵅⴻⴷⴷⴰⵎⴻⵏ ⴰⴷ ⵜⴻⵏ-ⵉⵅⴻⵍⴼⴻⵏ ».
« ⴰⵏⴻⵖⵍⴰⴼ ⵉⵡⴻⴽⴽⴻⴷ-ⴷ ⴷ ⴰⴽⴽⴻⵏ ⵡⴻⵔⴵⵉⵏ ⴷ-ⵢⴻⵏⵏⵉ ⴰⴷ ⵜⴻⵜⵜⵡⴰⴽⴽⴻⵙ ⵜⴻⴽⴼⵉ ⵏ ⵜⵓⴼⴼⵖⴰ ⵏ ⵜⴻⵙⵜⴰⵖⵜ (ⵜⴰⵇⴰⵄⵓⴷ) ⴰⵢ ⴷ-ⵢⴻⵇⵇⵉⵎⴻⵏ ⴷ ⴰⴽⵙⴰⴱ ⵉ ⵢⵉⵅⴻⴷⴷⴰⵎⴻⵏ, ⴷ ⴰⵛⵓ ⴽⴰⵏ, ⵢⴻⴱⴷⴻⵔ-ⴷ ⴽⴰⵏ ⵓⴳⵓⵔ ⵏ ⵓⵅⴻⵍⵍⴻⵚ ⵏ ⵜⴻⴽⴼⵉ-ⴰ ⵉ ⵢⵉⵎⴷⴰⵏⴻⵏ ⴰⵢ ⵡⴻⵔⵄⴰⴷ ⵓⵔ ⵢⴻⵡⵡⵉⵏ ⴰⵔⴰ ⵜⴰⵙⵜⴰⵖⵜ, ⴰⴽⴽⴻⵏ ⴰⵢ ⴷ-ⵢⴻⵜⵜⵡⴰⴱⴷⴻⵔ ⴷⴻⴳ ⵓⵎⵜⴰⵡⴰ ⴳⴰⵔ ⵙⵧⵏⴻⵍⴳⴰⵣ ⴷ ⵜⴼⵉⴷⵉⵕⴰⵍⵉⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⵓⵍⵖⵓ-ⵏⵏⵉ (ⴱⴰⵢⴰⵏ).
