Asebter amenzawi

Islam Slimani d netta ay d imsiswi adzayri igerrzen akk deg 2015

LEZZAYER TAMANEɣT – D Islam Slimani, amenṭag (muhaǧim) n Sporting Lisbun (taẓunt 1ut n Puṛtugal) ay d imsiswi (haddaf) igerrzen akk n Lezzayer deg 2015, s ujemmal n 26 n yiswan.

Imsiswi igerrzen wis sin d alemmas n unrar n Leicester (Tamɣunt 1ut n Langliz), Ryad Mahrez (18 n yiswan), ma d amkan wis 3 ḍḍfen-t Hilal Soudani (n Dinamo Zagreb, Kṛuwatya) d Baghdad Boudjenah (ES Saḥel) s 16 n yiswan i yiwen.

Deg wurar-nnes deg teɣlamt taɣelnawt, Islam Slimani yeḍḍef daɣ amkan amezwaru s 7 n yiswan deg 11 n temliliyin, ma d Soudani yeḍḍef amkan wis sin s 5 n yiswan deg 8 n temliliyin.

Slimani, yellan d amarir aqbur n CR Belzouizdad, yeḍḍef amkan wis 5 deg yimsiswiyen imxeyyren akk n Lezzayer s tlemmast n 1 n yiswi yal 2 n temliliyin (20 n yiswan deg 41 n temliliyin).