Asebter amenzawi

NA Ḥusin Day ad ternu ad d-tessidef sin n yimariren niḍen deg tegrest-a

LEZZAYER TAMANEɣT – NA Ḥusin Day (Tamɣunt Tamezwarut n tcirt n uḍar n Mobilis) la tessefray ad ternu ad d-tessidef sin n yimariren imaynuten deg tegrest-a akken ad tkemmel aḥric wis sin n tsemhuyt (mawsim), ɣef wakken ay aɣ-d-ixebber ass n lexmis usleɣmay (mudarrib) Youcef Bouzidi.

« Imir-a, aql-aɣ la nettemcawaṛ d 4 n yimariren akken ad d-nessidef sin seg-sen uqbel ma nextem tallit-a n tegrest n ussidef n yimariren », ɣef wakken ay d-yenna Bouzidi i Tnegga n Yisalan n Lezzayer.

Asleɣmay n Ḥusin Day ur d-yefki ara ismawen n yimariren-a neɣ imukan-nsen n wurar, yerna yenna-d kan d akken la tturaren deg teɣlamin n Temɣunt 1ut.

« Ur zmireɣ ad awen-d-iniɣ la ismawen-nsen, wala imukan-nsen n wurar. Aql-aɣ la nettemcawaṛ yid-sen. Zemreɣ kan ad awen-d-wekkdeɣ d akken wi d imariren n Temɣunt 1ut », ɣef wakken ay d-yenna.

Tallit n tegrest n ussidef n yimariren tebda ass n 15 Dujembeṛ 2015, yerna ad tfak ass n 15 Yennayer 2016.

Seg yidis niḍen, NA Ḥusin Day la tettkemmil assewjed-nnes deg wammas n Bensiam (deg Lezzayer Tamaneɣt) akken ad tessewjed iman-nnes i tallit n temliliyin n wuɣal n Temɣunt 1ut d uttekki-nnes deg tis 16 n Teqbuct n Lezzayer aydeg ad turar mgal JS Ṣawra ass n 9 Yennayer deg usarir n 20 Ɣuct (Lezzayer Tamaneɣt).

« Taɣlamt la tesleɣmay deg usuddis (murakkab) anaddal n Bensiam deg Ḥusin Day, s wahil n 2 n tedwilin deg wass », ɣef wakken ay d-yenna.

NA Ḥusin Day teṭṭef amkan wis 8 deg usettef n Temɣunt 1ut s 19 n tenqiḍin.

Imeddukal n Hamza Aliouen ad qablen ixṣimen-nsen n USM Lezzayer (d tamezwarut deg usettef) deg wass wis 16 n wurar ad d-yilin ussan n 15 d 16 Yennayer 2016.