ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴰⵎⴰⵏ: ⵓⵍⴰ ⵎⴰ ⵢⴻⵍⵍⴰ-ⴷ ⵓⵎⵙⴻⴼⵀⴰⵎ ⵖⴻⴼ ⵓⵃⴱⴰⵙ ⵏ ⵢⵉⵎⴻⵏⵖⵉ, ⵎⴰⵣⴰⵍ ⵜⵉⵎⴻⵙ ⵜⴻⵏⴽⴻⵔ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵎⴰⵣⴰⵍ ⵍⴰ ⵢⴻⵜⵜⴽⴻⵎⴻⵍ ⵢⵉⵎⴻⵏⵖⵉ ⴷ ⴰⵎⴻⵇⵔⴰⵏ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵢⴰⵎⴰⵏ ⴳⴰⵔ ⵢⵉⵖⴰⵍⵍⴻⵏ ⵉⴱⴻⴷⴷⴻⵏ ⴷ ⵓⵏⴰⴱⴰⴹ (ⵃⵓⴽⵓⵎⴰ) ⴷ ⵢⵉⵖⴻⵡⵡⴰⵖⴻⵏ (ⵎⵓⵜⴰⵎⴰⵔⵔⵉⴷⵉⵏ) ⵉⵃⵓⵜⵉⵢⴻⵏ, ⵓⵍⴰ ⵎⴰ ⵢⴻⵜⵜⵡⴰⵙⵜⴻⵏⵢⴰ ⵓⵎⵜⴰⵡⴰ ⵏ ⵓⵃⴱⴰⵙ ⵏ ⵢⵉⵎⴻⵏⵖⵉ ⴷⴻⴳ ⵜⵍⴻⵎⵎⴰⵙⵜ ⵏ ⴷⵓⵊⴻⵎⴱⴻⵕ ⵢⴻⵣⵔⵉⵏ, ⵢⴻⵔⵏⴰ ⵜⵉⵎⴻⵙ ⴰⵢ ⴷ-ⵎⴰⵣⴰⵍ ⵜⴻⵜⵜⴽⴻⵎⵎⵉⵍ ⵓⵙⵙⴰⵏ-ⴰ ⵜⴻⴳⵍⴰ ⵙ ⵜⵎⴻⵔⵡⵉⵏ ⵏ ⵜⵎⴻⴷⴷⵓⵔⵉⵏ.
ⴰⵛⵃⴰⵍ ⵏ ⵍⴻⴷⵡⴰⵕ ⴰⵢⴰ ⵙⴻⴳ ⵡⴰⵙⵎⵉ ⴰⵢ ⵍⴰ ⵜⵜⵏⴰⵖⴻⵏ ⵢⵉⵖⴰⵍⵍⴻⵏ ⵏ ⵜⴻⵎⵙⵉⵙⵉⵜ (ⵜⴰⵃⴰⵍⵓⴼ) ⵜⴰⵄⵕⴰⴱⵜ ⵢⴻⵍⵍⴰⵏ ⴷⴷⴰⵡ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ, ⴰⴽⴽⴻⵏ ⴰⴷ ⵄⴰⵡⵏⴻⵏ ⵉⵖⴰⵍⵍⴻⵏ ⵉⴱⴻⴷⴷⴻⵏ ⵖⴻⵔ ⵓⵏⴰⴱⴰⴹ ⴰⴽⴽⴻⵏ ⴰⴷ ⵇⴻⵔⵔⴱⴻⵏ ⵖⴻⵔ ⵜⵎⴰⵏⴻⵖⵜ ⵚⴻⵏⵄⴰ.
ⵎⴰ ⴷ ⵉⵃⵓⵜⵉⵢⴻⵏ, ⵓⵍⴰ ⵎⴰ ⵎⵎⵖⴻⵏ-ⴷ ⴰⴽⴽⴻⵏ ⴰⴷ ⵄⴰⵡⴷⴻⵏ ⴰⴷ ⴹⴹⴼⴻⵏ ⵉⵎⵓⴽⴰⵏ ⴰⵢ ⴰⵙⴻⵏ-ⵉⵕⵓⵃⴻⵏ ⴷⴻⴳ ⵓⴳⴰⴼⴰ-ⴰⴳⵎⵓⴹⴰⵏ (ⵛⴰⵎⴰⵍ-ⵛⴰⵔⵇⵉ) ⵏ ⵚⴻⵏⵄⴰ, ⵓⵙⵙⴰⵏ-ⴰ ⴰⵢ ⵢⴻⵣⵔⵉⵏ, ⵎⴰⵛⴰ ⵓⵔ ⵙⵙⴰⵡⴹⴻⵏ ⴰⵔⴰ.
« ⵉⵃⵓⵜⵉⵢⴻⵏ ⵎⵎⵖⴻⵏ-ⴷ ⵖⴻⴼ ⵊⴻⴱⴻⵍ ⴰⵍ-ⵙⴰⵍⴱ, ⴷⴻⴳ ⵜⴻⵎⵏⴰⴹⵜ ⵏ ⵏⴰⵀⵉⵎ », ⴷ ⵢⵉⵡⴻⵜ ⵏ ⵜⴻⵎⵏⴰⴹⵜ ⵏ ⵢⵉⴷⵔⴰⵔⴻⵏ ⴰⵢ ⵄⴰⵡⴷⴻⵏ ⴹⴹⴼⴻⵏ-ⵜⵜ ⵢⵉⵖⴰⵍⵍⴻⵏ ⵢⴻⴷⴷⴰⵏ ⴷ ⵓⵏⴰⴱⴰⴹ, « ⵎⴰⵛⴰ ⵔⵔⴰⵏ-ⵜⴻⵏ ⵖⴻⵔ ⴷⴻⴼⴼⵉⵔ » ⵢⵉⵖⴰⵍⵍⴻⵏ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵖⴻⴼ ⵏ ⵢⵉⵖⴰⵍⵍⴻⵏ ⵉⵙⴻⵔⴷⴰⵙⴰⵏⴻⵏ ⵉⵢⴰⵎⴰⵏⵉⵢⴻⵏ.
