Asebter amenzawi

Ameṛḥum Ḥusin Ait Aḥmed yettwemḍel di taddart-is

AIT YAHIA (TIZI-WEZZU) – Ameṛḥum amǧahed d wergaz n tsertit, Ḥusin Aït-Ahmed, yettwemḍel ass n lǧemɛa di taddart-is At Aḥmed (Tizi Wezzu), ger n igiman imeyaten n lɣaci gar-asen imḍebbṛen imuqqṛanen n ddewla, imdukkal-is neɣ d tawacult-is.

Aselway Useqqamu aɣerfan aɣelnaw, Larbi Ould-Khelifa, aneɣlaf amezwaru, Abdelmalek Sellal, amaray amatu n Tuddsa n yemǧuhad, Said Abadou, imḍebbṛen imeqqṛanen n ddewla, iɛeggalen unabaḍ, udmawen yettwassnen ama d iɣelnawen neɣ d ibeṛṛaniyen, akk d twacult-is d yemdukkal-is umennuɣ akk ḥeḍṛen i temḍelt d-yellan deffir n tẓallit n lǧumuɛa.

Deg tegnitt n laḥzen akk d useṛḥem, d igiman n yemdanen yeqqimen tuɣzi n webrid d-tewwi tejlibt irefden lǧetta umeṛḥum akken ad stṛaḥmen ɣef wergaz-agi umezruy.

Tijmilin si yal tama akk beggnent-d s lǧemla, u dayen werǧin yeḍṛa, aserḥem d tejmilt ɣef wergaz-agi umezruy d umḍebbeṛ n tirni iɣallen inemlayen, segmi d-yeffeɣ isalli n tmettant-is.

Ameṛḥum yiweḍ-d ass n lǧemɛa ɣer taddart-is At Aḥmed.