Asebter amenzawi

30% seg yinefrayen n utaekwondo seg-a d asawen d tilawin

LEZZAYER TAMANEɣT – Azal n 30% seg 40-nni n yinerfayen ifidiṛaliyen ad d-tefren tfidiṛalit n utaekwondo ad ilin d tilawin, ɣef wakken ay d-tenna tfidiṛalit-a. Inefrayen-a ad ttekkin deg yimsizewren imeqranen n utaekwondo deg Lezzayer.

« Ad d-yili wannan (tarabbuṣ) n ufran gar 15 d 16 Yennayer deg Lezzayer Tamaneɣt, yerna ad ttekkin deg-s, deg tazwara 100 n yinefrayen, maca ala 40 seg-sen ad yettwaqeblen yerna 30% seg-sen d tisednan », ɣef wakken ay aɣ-d-yenna Abdelhak Tiabi, aselway n Tfidiṛalit Tadzayrit n Utaekwondo.

« Ataekwondo, am waddalen niḍen deg Lezzayer, xuṣṣen deg-s aṭas tnaddalin d tnefrayin. Ɣef waya ay tt-id-nefra ad neg kra akken ad nefru ugur-a », ɣef wakken ay d-yessefhem.

Dima deg wayen yerzan asnefli (taṭwir) n waddal-a, tga Tfidiṛalit Tadzayrit n Utaekwondo, seg melmi kan, 3 n wannanen i yimectalen ifidiṛaliyen seg twilayin n Um Lebwaqi (tamnaḍt n ugmuḍ), Tlemsan (tamnaḍt n utaram) d Tubiret (tamnaḍt n tlemmast).