Asebter amenzawi
Testeṛḥeb Terni n Polisario s terzi n umaru amatu n Yiɣlanen Yeddukklen ɣef temnaḍt
CHAHID EL HAFED (Agrur n yizrazaɣen iṣeḥrawiyen) – Testeṛḥeb tmarit (amana) tamatut n Terni n Polisario s terzi ad yeg umaru amatu n Yiɣlanen Yeddukklen ɣef temnaḍt, yerna tessarem d akken tirzi-a ad teǧǧ Aseqqamu n Tɣellist (amn) ad d-yettekki s lǧehd i uɛawen n MINURSO akken ad teg ccɣel-nnes agejdan, win n ussuddes n tsefrant deg Uneẓruf Utrim, ɣef wakken ay d-tenna Tnegga n Tɣemsa Taṣeḥrawit (SPS).
Deg yiwen n ulɣu (bayan) deffir tedwilt tamezwarut ay tga Terni n Polisario ass n ssebt ddaw ṛṛay n uselway Mohamed Abdelaziz, tenna-d Tmarit taɣelnawt d akken « Tirni n Polisario tebɣa seg wul ad temɛawan d Yiɣlanen Yeddukklen i tukksa n ussehres (istiɛmar) seg Uneẓruf Utrim, yerna tesseḍlem awanak n tuḍḍfa ameṛṛuki ɣef urgal n ubrid d usbak ».
Dɣa tenna-d Tmarit taɣelnawt d akken « ussisen n Unmager n Crans Montana i uheyyi n temlilit-nnes ay d-yetteddun deg yikalen yettwaḍḍfen n Tegduda Taɛṛabt Taṣeḥrawit Taegdayt, deffir ma texṣer temlilit tamezwarut, yella-d d arkaḍ ufḍiḥ n lqanun agraɣlan yerna d aḥqar i Urkawal n Yiɣlanen Yeddukklen ».
Dɣa iger-d tiɣri i « wakk timura, inabaḍen, udmawen d tuddsiwin (munaḍḍamat) tibankanin d tedrimanin tigraɣlanin akken ur ttekkayent ara deg ccɣel-a n tezniwt (diɛaya) ay yebɣan ad ttekkint tmura, tiṛmisin d wudusen igraɣlanen deg tukerḍa yeffɣen i lqanun n tbuɣar n uɣref aṣeḥrawi ».
Alɣu-a iger-d tiɣri i Tuddsa n Yiɣlanen Yeddukklen akken « ad tesɛu addud ibanen yerna ad d-tger iman-nnes s tidet i uḥbas n temlilit-a ad d-yilin deg wakal yellan ddaw ṛṛay usrid n Yiɣlanen Yeddukklen, s yisem-nnes d akal ur yesɛin tafulmant (ḥukm dati) yerna la yettṛaju ad yettwakkes seg-s ussehres s tsefrant n ugguccelman (taqrir maṣir) ddaw leɛnaya n Yiɣlanen Yeddukklen ».
