ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⵉⵙⵍⴰⵎ « ⵓⵔ ⵜ-ⵎⴰⵣⴰⵍ ⴰⵔⴰ » ⴷ ⴷⴷⵉⵏ ⵏ ⵓⴱⴻⵕⵕⴰⵏⵉ ⴷⴻⴳ ⴼⵕⴰⵏⵙⴰ
ⵒⴰⵔⵉⵙ – ⵢⴻⵏⵏⴰ-ⴷ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⴰⴼⵕⴻⵏⵙⵉⵙ ⵏ ⴷⴷⵉⵏ ⵉⵏⴻⵙⵍⴻⵎ, ⴰⵏⵧⵓⴰⵔ ⴽⴱⵉⴱⴻⵛⵀ, ⴰⵙⵙ ⵏ ⵍⵃⴻⴷⴷ, ⴷⴻⴳ ⵜⵎⴻⵙⴳⵉⴷⴰ ⵜⴰⵎⴻⵇⵔⴰⵏⵜ ⵏ ⵒⴰⵔⵉⵙ, ⴷ ⴰⴽⴽⴻⵏ ⵍⵉⵙⵍⴰⵎ « ⵓⵔ ⵜ-ⵎⴰⵣⴰⵍ ⴰⵔⴰ ⴷ ⴷⴷⵉⵏ ⵏ ⵓⴱⴻⵕⵕⴰⵏⵉ » ⴷⴻⴳ ⴼⵕⴰⵏⵙⴰ, ⵢⴻⵔⵏⴰ ⵢⴻⵙⵙⴻⴼⴽ, ⵙⴻⴳ-ⴰ ⴷ ⴰⵙⴰⵡⴻⵏ, ⴰⴷ ⴰⵙ-ⵢⴻⵜⵜⵓⵏⴻⴼⴽ ⵡⴰⵣⴰⵍ.
« ⵍⵉⵙⵍⴰⵎ, ⴷⴻⴳ ⴼⵕⴰⵏⵙⴰ, ⵓⵔ ⵜ-ⵎⴰⵣⴰⵍ ⴰⵔⴰ ⴷ ⴷⴷⵉⵏ ⵏ ⵓⴱⴻⵕⵕⴰⵏⵉ, ⴷ ⵏⴻⵜⵜⴰ ⴰⵢ ⴷ ⴷⴷⵉⵏ ⵡⵉⵙ ⵙⵉⵏ ⴷⴻⴳ ⴼⵕⴰⵏⵙⴰ » ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⴷ-ⵍⵀⵓⵏ ⵢⴻⵙ-ⵙ ⵢⵉⴷⵓⴱⴰ ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⴼⴽ ⴰⴷ ⵜ-ⵙⵏⵓⵎⵎⴷⴻⵏ (ⵉⴷⵎⴰⴵ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵉ ⵜⵖⴻⵎⵙⴰ ⴰⵢ ⵉⵃⴻⴷⵕⴻⵏ ⵙ ⵡⴰⵟⴰⵙ ⴷⴻⴳ ⵡⴰⵙⵙ ⵏ « ⵜⴻⵡⵡⵓⵔⴰ ⵉⵔⴻⵥⵎⴻⵏ ⵖⴻⴼ ⵜⵎⴻⵙⴳⵉⴷⵉⵡⵉⵏ » ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴳⴰⵔⴰ ⵏ ⴷⴷⵓⵕⵜ ⵢⴻⵣⵔⵉⵏ ⴷⴻⴳ ⵓⵎⵓⵔ ⴰⵎⴻⵇⵔⴰⵏ ⵙⴻⴳ ⵜⵎⴻⵙⴳⵉⴷⵉⵡⵉⵏ ⴷ ⵜⵣⴻⵖⵡⵉⵏ ⵏ ⵜⵥⴰⵍⵍⵉⵜ ⴷⴻⴳ ⴼⵕⴰⵏⵙⴰ.
ⴰⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⴰⴼⵕⴻⵏⵙⵉⵙ ⵏ ⴷⴷⵉⵏ ⵉⵏⴻⵙⵍⴻⵎ ⴰⵢ ⴷ-ⵉⴱⴻⴷⴷⴻⵏ ⴷ ⵉⵎⴹⴻⴱⴱⴻⵔ ⵏ ⵜⴻⴷⵢⴰⵏⵜ-ⴰ ⵖⴻⵔ ⵢⵉⴷⵉⵙ ⵏ ⵓⵙⴻⵍⵡⴰⵢ ⵏ ⵜⵎⴻⵙⴳⵉⴷⴰ ⵜⴰⵎⴻⵇⵔⴰⵏⵜ ⵏ ⵒⴰⵔⵉⵙ, ⴷⴰⵍⵉⵍ ⴱⵧⵓⴱⴰⴽⴻⵓⵔ, ⵉⵃⴻⵜⵜⴻⵜ-ⴷ ⴷ ⴰⴽⴽⴻⵏ ⵡⵉⴷ ⵢⴻⵜⵜⴹⴰⴼⴰⵔⴻⵏ ⴷⴷⵢⴰⵏⴰⵜ ⵢⴻⵎⴳⴻⵔⵔⴰⴷⴻⵏ ⴷⴻⴳ ⴼⵕⴰⵏⵙⴰ ⵢⴻⵙⵙⴻⴼⴽ ⴰⴷ ⴱⴻⴷⴷⴻⵏ « ⵉⴷⵉⵙ ⵙ ⵉⴷⵉⵙ », ⵎⴰⵛⵉ ⴰⴷ ⵎⵇⴰⴱⴰⵍⴻⵏ ⵉ ⵢⵉⵎⴻⵏⵖⵉ, ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵓⵎⵇⴰⴷⴻⵔ ⴰⴽⴽⴻⵏ ⵢⴰⵍ ⵢⵉⵡⴻⵏ ⴰⴷ ⵢⴻⴷⴷⴻⵔ ⵙ ⵡⴰⵢⴻⵏ ⵢⴻⵜⵜⴰⵎⴻⵏ ⴷⴻⴳ ⵍⴻⵀⵏⴰ.
ⵏⵏⵉⴳ ⵡⴰⵢⴰ, ⵢⴻⵏⵏⴰ-ⴷ ⴷ ⴰⴽⴽⴻⵏ ⵉⵏⵙⴻⵍⵎⴻⵏ, ⵙ ⵓⵎⴰⵜⴰ, « ⵃⵓⵣⴰⵏⵜ-ⵜⴻⵏ ⵎⵍⵉⵃ » ⵜⴻⴷⵢⴰⵏⵉⵏ « ⵜⵓⵇⵔⵉⵃⵉⵏ » ⵢⴻⵇⵇⵏⴻⵏ ⵖⴻⵔ ⵜⵅⴰⵣⵣⴰⴱⵉⵢⵉⵏ ⵜⵉⵔⴻⴱⵔⴰⴱⵉⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⴼⵕⴰⵏⵙⴰ ⵢⴻⵔⵏⴰ ⵉⴼⵕⴻⵏⵙⵉⵙⴻⵏ ⵉⵏⵙⴻⵍⵎⴻⵏ « ⵉⵃⵓⵣⴰ-ⵜⴻⵏ ⵡⴰⵢⴰ ⵙⵏⴰⵜ ⵏ ⵜⵉⴽⴽⴰⵍ ».
« ⵉⵏⵙⴻⵍⵎⴻⵏ ⵉⵃⵓⵣⴰ-ⵜⴻⵏ ⵎⵍⵉⵃ ⵡⴰⵢⴻⵏ ⴰⵢ ⵍⴰ ⵉⴹⴻⵔⵔⵓⵏ ⵢⴻⵔⵏⴰ ⵉⴼⵕⴻⵏⵙⵉⵙⴻⵏ ⵉⵏⵙⴻⵍⵎⴻⵏ ⵃⵓⵣⴰⵏⵜ-ⵜⴻⵏ ⵜⵅⴰⵣⵣⴰⴱⵉⵢⵉⵏ ⴷ ⵢⵉⴳⵉⵜⴻⵏ-ⴰ ⵢⴻⵙⵙⴻⵃⵣⴰⵏⴻⵏ, ⴰⵛⴽⵓ ⵉⴳⵉⵜⴻⵏ-ⴰ ⵍⵍⴰⵏ-ⴷ ⵙ ⵢⵉⵙⴻⵎ ⵏ ⴷⴷⵉⵏ-ⵏⵙⴻⵏ ⵢⴻⵔⵏⴰ ⴰⵣⴰⵍⴻⵏ ⵏ ⵍⵉⵙⵍⴰⵎ ⴱⴻⵄⴷⴻⵏ ⴰⵟⴰⵙ ⵖⴻⴼ ⵡⴰⵢⴻⵏ ⴰⵢ ⵍⴰ ⵉⴹⴻⵔⵔⵓⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵏⵧⵓⴰⵔ ⴽⴱⵉⴱⴻⵛⵀ, ⵢⴻⵔⵏⴰ ⵢⴻⵙⵎⴻⴽⵜⵉ-ⴷ ⴷ ⴰⴽⴽⴻⵏ ⵜⵉⵡⵡⵓⵔⴰ-ⴰ ⵉⵔⴻⵥⵎⴻⵏ ⴳⴰⵏ-ⵜⴻⵏⵜ ⴰⴽⴽⴻⵏ « ⴰⴷ ⴷ-ⵙⵙⴻⴽⵏⴻⵏ ⴷ ⴰⴽⴽⴻⵏ ⵍⵉⵙⵍⴰⵎ ⵓⵔ ⵢⴻⵙⵄⵉ ⴰⵔⴰ ⴰⴽⴽ ⴰⵙⵙⴰⵖ ⴷ ⵍⴻⵛⵖⴰⵍ ⵉⵔⴻⴱⵔⴰⴱⴻⵏ ⴷ ⵜⴻⴽⵔⵉⴹⵜ (ⵄⵓⵏⴼ) ⵜⴰⴷⴻⵖⵔⴰⵍⵜ ».
