Asebter amenzawi

Tiɣri n Oxfam i tiɣin n tuččit i Yiṣeḥrawiyen

LEZZAYER TAMANEɣT – Tger-d tiɣri tuddsa tarnabaḍt (ɣar ḥukumiyya) Oxfam-Solidarity i tiɣin n tuččit i yizrazaɣen (laǧi’in) iṣeḥrawiyen, ɣef wakken ay d-tenna tuddsa-a ass n lḥedd deg tɣemsa taɣelnawt.

Tiɣin-a tella-d d aḥric seg yiwen n usenfar alsan (insani), yerna aya yerza tiɣin n 250.000 n yikilugṛamen n lbaṭaṭa tazewwaɣt i ujmaɛ, 250.000 n yikilugṛamen n uẓalim aquran azewwaɣ (i ujmaɛ) d 250.000 n yikilugṛamen n tfesnax, ɣef wakken ay d-tenna Oxfam.

Lɣellat-a ad tent-ssiwḍen ɣer yigruren (muxayyamat) n yizrazaɣen iṣeḥrawiyen deg Meɣres d Yebrir n 2016, ɣef wakken ay d-tenna tuddsa-a.

Deg yiwen n umyager d tɣemsa, yesmekti-d uselway n Tmesgida Tameqrant n Paris d akken deg tallit n unhal (niḍam) n Vichy, turar tmesgida-a dduṛ akken ad d-tessukkes Udawyen seg yifassen n yiserdasen inaziyen s tukci n lekwaɣeḍ n tkellax d tuffra n Wudayen deg yimukan uffiren.