ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵖⵕⵉ ⵓⵏⴻⵖⵍⴰⴼ ⵏ ⴷⴷⴻⵡⵍⴰ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵕ ⴷ ⵡⴻⵎⵄⵉⵡⴻⵏ ⴰⴳⴻⵔⴰⵖⵍⴰⵏ, ⵔⴰⵎⵜⴰⵏⴻ ⵍⴰⵎⴰⵎⵔⴰ, ⵖⴻⵔ ⵜⴰⴳⴳⴰⵔⴰ ⵏ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵓⵎⵛⵉⵡⴻⵕ ⴳⴻⵔ ⵉⵄⴻⴳⴳⴰⵍⴻⵏ ⵏ ⵙⵏⴰⵜ ⵏ ⵜⵔⴻⴱⴱⵓⵢⴰⵄ ⵜⴰⵣⵣⴰⵢⵔⵉⵜ ⴷ ⵜⴼⴰⵍⴰⵚⵟⵉⵏⵉⵜ
ⵍⴻⵣⵣⴰⵢⴻⵔ ⵜⴰⵎⴰⵏⴰƔⵜ – ⴰⵏⴻⵖⵍⴰⴼ ⵏ ⴷⴷⴻⵡⵍⴰ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵕ ⴷ ⵡⴻⵎⵄⵉⵡⴻⵏ ⴰⴳⴻⵔⴰⵖⵍⴰⵏ, ⵔⴰⵎⵜⴰⵏⴻ ⵍⴰⵎⴰⵎⵔⴰ, ⵢⴻⵅⴷⴻⵎ ⴰⵙⵙ ⵏ ⵍⴻⵜⵏⵉⵢⴻⵏ ⴰⵎⵛⵉⵡⴻⵕ ⵎⵓⵇⵇⵕⴻⵏ ⴰⴽⴽ ⴷ ⵜⴻⵔⴱⴰⵄⵜ ⵜⴰⴼⴰⵍⴰⵚⵟⵉⵏⵉⵜ, ⵢⴻⵍⵍⴰⵏ ⴷⴷⴰⵡ ⵍⴰⵄⵏⴰⵢⴰ ⵏ ⵓⵎⴰⵔⴰⵢ ⴰⵎⴰⵜⵓ ⵏ ⵍⴱⵉⵔⵓ ⴰⴽⴽ ⴷ ⵡⴻⵎⴹⴻⴱⴱⴻⵕ ⵏ ⵡⴻⵎⵛⵉⵡⴻⵕ ⵏ ⵜⵓⴷⴷⵙⴰ ⵏ ⵡⴻⵙⵍⴻⵍⵍⵉ ⴰⴼⴰⵍⴰⵚⵟⵉⵏⵉ (ⵧⵍⵒ), ⵙⴰⴻⴱ ⴻⵔⴻⴽⴰⵜ, ⵖⴻⴼ ⵜⵜⴰⵄⴷⵉⵢⴰⵜ ⵜⵉⵙⵔⴰⵉⵍⵉⵢⵉⵏ ⴷⴻⴳ ⵡⴰⴽⴰⵍ ⵢⴻⵜⵜⵡⴰⵟⵟⴼⴻⵏ ⴰⴽⴽ ⴷ ⵜⵎⵓⵖⵍⵉⵡⵉⵏ ⵜⵉⵙⴻⵔⵜⵉⵢⵉⵏ ⴷ ⵜⴷⵉⴱⵍⵓⵎⴰⵙⵉⵢⵉⵏ ⴷⵉ ⵍⴼⴰⵢⴷⴰ ⵏ ⵜⴰⵍⵓⴼⵜ ⵜⴰⴼⴰⵍⴰⵚⵟⵉⵏⵉⵜ.
ⴷⴻⴳ ⵢⵉⵡⴻⵜ ⵏ ⵜⴻⵖⵕⵉ ⵉ ⵢⵉⵎⴰⵡⵍⴰⵏ ⵉⵙⴰⵍⵍⴻⵏ ⵖⴻⵔ ⵜⴰⴳⴳⴰⵔⴰ ⵏ ⵜⴻⵎⵍⵉⵍⵉⵜ ⵏ ⵓⵎⵛⴰⵡⴻⵕ ⴳⴻⵔ ⵉⵄⴻⴳⴳⴰⵍⴻⵏ ⵏ ⵜⵔⴻⴱⴱⵓⵢⴰⵄ ⵜⴰⵣⵣⴰⵢⵔⵉⵜ ⴷ ⵜⴼⴰⵍⴰⵚⵟⵉⵏⵉⵜ, ⵎⴰⵙ ⵍⴰⵎⴰⵎⵔⴰ ⵢⴻⵙⵙⴻⴼⵀⴻⵎ-ⴷ ⴱⴻⵍⵍⵉ ⵜⵉⵔⵣⴰ ⵏ ⵓⵎⵛⵉⵡⴻⵕ ⴰⵎⵓⵇⵇⵕⴰⵏ ⵜⴻⵙⵄⴰ "ⵜⴰⵎⵓⵖⵍⵉ ⵜⴰⵙⴻⵜⵕⴰⵜⵉⵊⵉⵜ" ⵢⴻⵍⵍⴰⵏ ⴷⴻⴳ ⵓⵇⴰⵍⴻⴱ ⵏ ⵓⵎⵛⵉⵡⴻⵕ ⴰⵙⴻⵔⵜⵉ ⴳⴻⵔ ⵢⴻⵎⴹⴻⴱⴱⵕⴻⵏ ⵉⵣⵣⴰⵢⵔⵉⵢⴻⵏ ⴷ ⵢⵉⴼⴰⵍⴰⵚⵟⵉⵏⵉⵢⴻⵏ, ⵢⴻⵜⵜⵡⴻⵔⵙⴻⵏ ⴰⵍⵎⴻⵏⴷ ⵏ ⵜⵉⵔⵣⴰ ⵜⴰⵏⴻⴳⴳⴰⵔⵓⵜ ⵏ ⵓⵙⴻⵍⵡⴰⵢ ⴰⴼⴰⵍⴰⵚⵟⵉⵏⵉ, ⵎⴰⵀⵎⵧⵓⴷ ⴰⴱⴱⴰⵙ, ⵖⴻⵔ ⵍⴻⵣⵣⴰⵢⴻⵔ ⴷⵉ ⴷⵓⴵⴰⵎⴱⴻⵕ 2014.
ⴰⵎⴹⴻⴱⴱⴻⵕ ⵏ ⵜⴷⵉⴱⵍⵓⵎⴰⵙⵉⵜ ⵜⴰⵣⵣⴰⵢⵔⵉⵜ ⵢⴻⵙⵎⴻⴽⵜⴰ-ⴷ ⵍⴰⵕⵢⵓⵢ ⵢⴻⵜⵜⵡⴰⴷⴷⵎⴻⵏ ⴷⵉ ⵜⵉⵔⵣⴰ ⵓⵙⴻⵍⵡⴰⵢ ⴰⴱⴱⴰⵙ ⴰⵍⵎⴻⵏⴷ ⵏ ⵍⴻⵎⵄⵉⵡⵏⴰ ⴷ ⵡⴻⵎⵛⵉⵡⴻⵕ ⴳⴻⵔ ⵙⵉⵏ ⵉⴷⵉⵙⴰⵏ ⴰⴽⴽⴻⵏ "ⵜⴰⴷⵉⴱⵍⵓⵎⴰⵙⵉⵜ ⵜⴰⵣⵣⴰⵢⵔⵉⵜ ⴰⴷ ⵜⴱⴻⴷⴷ ⵓⴳⴰⵔ ⵖⴻⵔ ⵢⵉⴷⵉⵙ ⵏ ⵜⴰⵍⵓⴼⵜ ⵜⴰⴼⴰⵍⴰⵚⵟⵉⵏⵉⵜ".
Ɣⴻⴼ ⵡⴰⵢⴰⴳⵉ ⵉ ⵢⴻⵜⵜⵡⴰⴷⴷⴻⵎ ⵕⵕⴰⵢ ⵏ ⵓⵙⴱⴻⴷⴷⵉ ⵏ ⵜⴻⵔⴱⴰⵄⵜ ⵏ ⵡⴻⵎⵛⵉⵡⴻⵕ ⴰⵙⴻⵔⵜⴰⵏ, ⴰⵏⴷⴰ ⵜⴰⴷⵡⵉⵍⵜ ⵜⴰⵎⴻⵣⵡⴰⵔⵓⵜ ⵜⴻⵍⵍⴰ-ⴷ ⴷⵉ ⴷⵓⴵⴰⵎⴱⴻⵕ ⵍⴰⵡⴰⵏ ⵏ ⵜⵉⵔⵣⴰ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵕ ⴰⴼⴰⵍⴰⵚⵟⵉⵏⵉ, ⵔⵢⴰⴷ ⴻⵍ-ⵎⴰⵍⵉⴽⵉ, ⵉⴷ-ⵢⴻⵏⵏⴰ ⵎⴰⵙ ⵍⴰⵎⴰⵎⵔⴰ.
ⵎⴰⵙ ⴻⵔⴻⴽⴰⵜ ⵢⴻⵏⵏⴰ ⵙⴻⴳ ⵢⵉⴷⵉⵙ-ⵉⵙ ⴱⴻⵍⵍⵉ ⵜⵉⵎⵍⵉⵍⵉⵜ ⵜⴻⵍⵍⴰ ⴷ ⵜⴰⴳⵏⵉⵜⵜ ⵉ ⵡⴻⴱⴷⴰⵔ ⴷ ⵓⵙⵇⴻⵔⴷⴻⵛ ⵏ ⵍⵉⵃⴰⵍⴰ ⵢⴻⵜⵜⵉⴷⵉⵔ ⵡⴰⴽⴰⵍ ⵢⴻⵜⵜⵡⴰⵟⵟⴼⴻⵏ ⴰⴼⴰⵍⴰⵚⵟⵉⵏⵉ ⴰⵏⴷⴰ ⴷ-ⵢⴻⵜⵜⵉⵍⵉ, ⴰⵎ ⵡⴰⴽⴽⴻⵏ ⵢⴻⵏⵏⴰ, ⴰⵎⴳⴰⵔⵓ ⴰⵡⴰⵃⵛⵉ ⵎⴳⴰⵍ ⴰⵖⵕⴻⴼ ⴰⴼⴰⵍⴰⵚⵟⵉⵏⵉ ⵓⵔ ⵏⴻⵙⵄⵉ ⴰⵎⵃⴰⴷⴷⵉ.
