ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⴷⴷⴰⵡ 20: ⵎⴰⵚⴻⵔ ⴰⴷ ⵜⵓⵔⴰⵔ ⴷ ⵍⴻⵣⵣⴰⵢⴻⵔ ⴰⵙⵙ ⵏ 26 ⵢⴻⵏⵏⴰⵢⴻⵔ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴰⵖⵍⴰⵎⵜ ⵜⴰⵎⴰⵚⵔⵉⵜ ⵏ ⵜⵛⵉⵔⵜ ⵏ ⵓⴹⴰⵔ ⴰⴷ ⴷ-ⵜⴰⵙ ⵖⴻⵔ ⵍⴻⵣⵣⴰⵢⴻⵔ ⴰⵙⵙ ⵏ 24 ⵢⴻⵏⵏⴰⵢⴻⵔ ⴰⴽⴽⴻⵏ ⴰⴷ ⵜⵓⵔⴰⵔ ⵙⵏⴰⵜ ⵏ ⵜⴻⵎⵍⵉⵍⵉⵢⵉⵏ ⵜⵉⵎⵎⵉⴷⵡⴰⵏⵉⵏ (ⵡⵓⴷⴷⵉⵢⵢⴰ) ⴷ ⵜⴻⵖⵍⴰⵎⵜ ⵜⴰⴷⵣⴰⵢⵔⵉⵜ ⵉ ⵓⵙⵙⴻⵡⵊⴻⴷ ⵉ ⵜⴻⵎⵍⵉⵍⵉⵢⵉⵏ ⵏ ⵡⴰⴼⴼⴰⵙ (ⵜⴰⵚⴼⵉⵢⴰⵜ) ⵉ ⵜⴻⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⵢⵉⵖⵍⴰⵏⴻⵏ ⵏ 2017 ⵏ ⴷⴷⴰⵡ 20 ⵏ ⵢⵉⵙⴻⴳⴳⴰⵙⴻⵏ ⴰⴷ ⴷ-ⵢⵉⵍⵉⵏ ⴷⴻⴳ ⵣⴰⵎⴱⵢⴰ.

ⵜⵉⵎⵍⵉⵍⵉⵜ ⵜⴰⵎⴻⵣⵡⴰⵔⵓⵜ ⴰⴷ ⴷ-ⵜⵉⵍⵉ ⴰⵙⵙ ⵏ 26 ⵢⴻⵏⵏⴰⵢⴻⵔ, ⵎⴰ ⴷ ⵜⵉⵙ ⵙⵏⴰⵜ, ⴰⵙⵙ ⵏ 28 ⵢⴻⵏⵏⴰⵢⴻⵔ. ⵎⴰ ⴷ ⵉⵙⴰⵔⵉⵔⴻⵏ (ⵎⴰⵍⴰⵄⵉⴱ) ⴰⵢⴷⴻⴳ ⴰⴷ ⴷ-ⵉⵍⵉⵏ ⵡⴻⵔⵄⴰⴷ ⵓⵔ ⵜⴻⵏ-ⵉⴷ-ⵙⵙⴻⴼⵔⴰⵏ ⴰⵔⴰ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⴻⵏⵏⴰ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⵜ ⵏ ⵓⴹⴰⵔ.

ⵜⴰⵖⵍⴰⵎⵜ ⵜⴰⴷⵣⴰⵢⵔⵉⵜ ⵏ ⴷⴷⴰⵡ 20 ⵏ ⵢⵉⵙⴻⴳⴳⴰⵙⴻⵏ ⵍⴰ ⵜⵜ-ⵢⴻⵙⵍⴻⵖⵎⴰⵢ ⵎⵧⵀⴰⵎⴻⴷ ⵎⴻⴽⵀⴰⵣⵏⵉ ⴰⵣⴰⵍ ⵏ ⵓⵙⴻⴳⴳⴰⵙ ⴰⵢⴰ, ⵢⴻⵔⵏⴰ ⴰⵜⵜⴰⵏ ⵉⵎⵉⵔ-ⴰ ⴷⴻⴳ ⵡⴰⵎⵎⴰⵙ ⴰⵜⵡⵉⵍⴰⵏ (ⵜⵉⵇⵏⵉ) ⵏ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⵜ ⵏ ⵓⴹⴰⵔ ⴷⴻⴳ ⵙⵉⴷⵉ ⵎⵓⵙⴰ (ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ).

ⵜⴰⵙⵖⴰⵔⵜ ⵏ ⵜⴻⵎⵍⵉⵍⵉⵢⵉⵏ ⵏ ⵡⴰⴼⴼⴰⵙ ⵏ ⵜⴻⵇⴱⵓⵛⵜ ⵏ ⵜⴻⴼⵔⵇⵉⵜ ⵏ ⵢⵉⵖⵍⴰⵏⴻⵏ ⴰⴷ ⴷ-ⵜⵉⵍⵉ ⴰⵙⵙ ⵏ 5 ⴼⵓⵕⴰⵕ ⴷⴻⴳ ⵢⵉⵊⵉⴼⴻⵕ ⵏ ⵜⴻⵍⵖⵓⵖⴰ ⵏ ⵜⴻⴼⵔⵉⵇⵜ ⵏ ⵢⵉⵎⴰⵔⵉⵔⴻⵏ ⵉⴷⵉⴳⴰⵏⴻⵏ (ⵛⵀⴰⵏ-2016) ⴰⴷ ⴷ-ⵢⵉⵍⵉⵏ ⴷⴻⴳ ⵔⵡⴰⵏⴷⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⵜ ⵏ ⵓⴹⴰⵔ, ⵎⵧⵀⴰⵎⴻⴷ ⵔⴰⵧⵓⵔⴰⵧⵓⴰ, ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵜⵖⴻⵎⵙⴰ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵙⵙⴻⴱⵜ.