ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⵖⴻⵍⵍⴰ ⵏ ⵓⵙⵉⵎⴰⵏ ⵏ ⴳⵉⵛⴰ ⴷⴻⴳ 2015 ⵢⵓⴳⴰⵔ ⵜⵉⵏ ⵏ ⵡⴰⴽⴽ ⵉⵙⴻⴳⴳⴰⵙⴻⵏ ⵏⵉⴹⴻⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵢⴻⵏ ⴰⵢ ⴷ-ⵜⴼⵓⵔⴻⵙ (ⴰⵏⵜⴰⴵⴰⵜ) ⵜⴻⴳⵔⴰⵡⵜ ⵜⴰⵎⴳⵓⵔⴰⵏⵜ ⵏ ⵢⵉⵙⵉⵎⴰⵏⴻⵏ ⵏ ⵍⴻⵣⵣⴰⵢⴻⵔ (ⴳⵉⵛⴰ) ⴷⴻⴳ ⵓⵙⴻⴳⴳⴰⵙ ⵏ 2015 ⵢⵓⴳⴰⵔ ⴰⴽⴽ ⴰⵢⴻⵏ ⴰⵢ ⴷ-ⵜⴼⵓⵔⴻⵙ ⴷⴻⴳ ⵢⵉⵙⴻⴳⴳⴰⵙⴻⵏ ⵏⵉⴹⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⵅⴻⴱⴱⴻⵔ ⵜⴻⴳⵔⴰⵡⵜ-ⴰ ⴰⵙⵙ ⵏ ⵍⴰⵕⴻⴱⵄⴰ. ⵙ ⵡⴰⵢⴰ, ⵜⴻⵙⵙⴰⵡⴻⴹ ⴳⵉⵛⴰ ⴰⴷ ⴷ-ⵜⴼⴰⵔⴻⵙ 12.143.557 ⵏ ⵢⵉⵟⵓⵏⴻⵏ ⵏ ⵓⵙⵉⵎⴰⵏ ⴷⴻⴳ 2015, ⵢⵉⵍⵉ ⴷⴻⴳ 2014, ⵜⴼⵓⵔⴻⵙ-ⴷ ⴽⴰⵏ 11.555.280 ⵏ ⵢⵉⵟⵓⵏⴻⵏ. ⵙ ⵡⴰⵢⴰ, ⵢⴻⵔⵏⴰ ⵓⴼⴰⵔⴻⵙ ⵏ ⵜⴻⴳⵔⴰⵡⵜ-ⴰ ⵙ 5% ⴷⴻⴳ 2015.

ⴰⴼⴰⵔⴻⵙ ⵏ ⴳⵉⵛⴰ ⴷⴻⴳ 2015 ⵢⴻⴽⴽⴰ ⵉ ⵡⴰⵢⴻⵏ ⴰⵢ ⵜⴻⵙⵙⴻⴼⵔⴰ ⴰⴷ ⵜ-ⵉⴷ-ⵜⴼⴰⵔⴻⵙ, ⵉⵎⵉ ⴰⵢ ⴷ-ⵏⵏⴰⵏ ⵏⴰⵇⴰⵍ, ⴷ ⴰⴽⴽⴻⵏ ⵜⴰⴳⵔⴰⵡⵜ-ⴰ ⴰⴷ ⴷ-ⵜⴻⵅⴷⴻⵎ 11.617.500 ⵏ ⵢⵉⵟⵓⵏⴻⵏ ⵏ ⵓⵙⵉⵎⴰⵏ ⴷⴻⴳ ⵓⵙⴻⴳⴳⴰⵙ-ⵏⵏⵉ, ⵢⴻⵔⵏⴰ ⵢⴻⵍⴼⴰ-ⴷ ⴰⴼⴰⵔⴻⵙ ⵡⵓⵖⵓⵔ ⵜⴻⵙⵙⴰⵡⴻⴹ ⵢⵓⴳⴰⵔ ⴰⵢⴻⵏ ⵜⴻⵙⵙⴻⴼⵔⴰ ⵙ 526.057 ⵏ ⵢⵉⵟⵓⵏⴻⵏ ⵏ ⵓⵙⵉⵎⴰⵏ.

ⵜⴰⵙⵎⴻⴽⵜⴰ (ⴽⴰⵎⵎⵉⵢⵢⴰ) ⵏ ⵓⵙⵉⵎⴰⵏ ⴰⵢ ⴷ-ⵢⴻⴼⴼⵖⴻⵏ ⵙⴻⴳ 12 ⵏ ⵍⵍⵓⵣⵉⵏⴰⵜ ⴰⵢ ⵜⴻⵙⵄⴰ ⵜⴻⴳⵔⴰⵡⵜ-ⴰ « ⵜⴻⵔⵙ-ⴷ ⴰⴽⴽ ⴷⴻⴳ ⵙⵙⵓⵇ ⴰⵖⴻⵍⵏⴰⵡ », ⵢⴻⵔⵏⴰ ⴷ ⴰⵢⴰ ⴰⵢ ⵢⴻⴵⴵⴰⵏ ⵜⴰⴳⵔⴰⵡⵜ ⴰⴷ ⴷ-ⵜⴻⵙⵙⴻⵡⵊⴻⴷ ⴰⵙⵉⵎⴰⵏ ⴰⵢ ⴰⵙ-ⴷ-ⵙⵙⵓⵜⵔⴻⵏ ⵢⵉⵎⵙⴰⵖⴻⵏ-ⵏⵏⴻⵙ (ⵣⴰⴱⴰ’ⵉⵏ) ⴷ ⵜⴻⵕⵎⵉⵙⵉⵏ ⵏ ⵍⴻⴱⵏⵉ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⴻⵏⵏⴰ ⴳⵉⵛⴰ.