Asebter amenzawi

Lɣella n usiman n Gica deg 2015 yugar tin n wakk iseggasen niḍen

LEZZAYER TAMANEɣT – Ayen ay d-tfures (antaǧat) Tegrawt Tamgurant n Yisimanen n Lezzayer (Gica) deg useggas n 2015 yugar akk ayen ay d-tfures deg yiseggasen niḍen, ɣef wakken ay aɣ-d-txebber tegrawt-a ass n laṛebɛa. S waya, tessaweḍ Gica ad d-tfares 12.143.557 n yiṭunen n usiman deg 2015, yili deg 2014, tfures-d kan 11.555.280 n yiṭunen. S waya, yerna ufares n tegrawt-a s 5% deg 2015.

Afares n Gica deg 2015 yekka i wayen ay tessefra ad t-id-tfares, imi ay d-nnan naqal, d akken tagrawt-a ad d-texdem 11.617.500 n yiṭunen n usiman deg useggas-nni, yerna yelfa-d afares wuɣur tessaweḍ yugar ayen tessefra s 526.057 n yiṭunen n usiman.

Tasmekta (kammiyya) n usiman ay d-yeffɣen seg 12 n lluzinat ay tesɛa tegrawt-a « ters-d akk deg ssuq aɣelnaw », yerna d aya ay yeǧǧan tagrawt ad d-tessewjed asiman ay as-d-ssutren yimsaɣen-nnes (zaba’in) d teṛmisin n lebni, ɣef wakken ay aɣ-d-tenna Gica.