Asebter amenzawi

Ikayaden n useggas aneggaru n tesnawit akked wid n uɣerbaz alemmas ad ilin qbel ayyur n Remḍan

LEZZAYER TAMANEɣT – Taneɣlaft n Usegmi aɣelnaw, Nouria Benghebrit, tcar-d ass n lexmis deg Lezzayer belli ikayaden n useggas aneggaru n tesnawit akked wid n uɣerbaz alemmas ad ilin qbel ayyur n Remḍan.

Teɣtes tneɣlaft n Usegmi aɣelnaw akken ‘’ad tbeddel taswast n yikayaden, dɣa wid n lbak akked wid n n ulmad alemmas’’ i d-tesseddi Massa Benghebrit deg yiwet n tseɣrut i tɣamsa ɣer tama n temlilit akked yinmula n uḥric-is, teḍmen-d dakken ikayaden ‘’ad ilin qbel ayyur n remḍan’’.

Taneɣlaft ‘’tessarem ad tefren izemzen n yikayaden akked yicriken imettanen akked tdukliwin n yimarrawen yibalmuden s usɣimi n tegrawt n umahil ara sseddun wid iwulmen seg wass-a (lexmis) d afella’’, i d-tderrer tneɣlaft.

‘’Izemzen n yikayaden ad ten-id-ncir sya ɣer mraw wussan’’, i d-tenna Massa Benghebrit, tesseddi-d belli isumar d-fkan i waya ad ten-nezrew deg ukatar n tegrawt n umahil.

Tessawel tneɣlaft i yiselmaden akked yicriken imettanen ‘’ad ɛassen akken ad teddu tmeɣrit akken yessefk deg kraḍ wayyuren imenza akked kraḍ nniḍen ara ten-id-iḍefren akked keffu n wahil deg akk iɣerbazen’’.

Massa Benghebrit tesseddi dakken aɣtas-a yusa-d d tiririt i yisutren i d-yettuɣalen akkas seg tama n wid i yesɛeddayen ikayaden n lbak.

Akayad n BEM deg tazwara nniqal ad d-yili seg 7 ɣer 9 yunyu 2016 ma d win n lbak seg 12 ɣer 16 yunyu 2016.