Asebter amenzawi

Tirzi n yiwet n tegrawt n Ucongress amarikani ɣef Yiṣeḥrawiyen gar 15 d 20 Yennayer

WASHINGTON – Ad terzu yiwet n tegrawt meɣɣren n Ucongress amarikani, seg 15 ɣer 20 n Yennayer ɣef yigruren (muxayyamat) n yizrazaɣen iṣeḥrawiyen, ɣef wakken ay aɣ-d-nnan wid ay d-yelhan s ussuddes (tanḍim) n terzi-a ass n lexmis.

Tagrawt-a llan deg-s aṭas seg yineṣṣaḥen n yimaslaḍen (aɛḍa’) n Ucongress, ama seg Ukabar Amegdu, ama seg Ukabar Agdudan, yerna wi akk d imeddukal n Uneẓruf Utrim, ɣef wakken ay d-tenna tuddsa tarnabaḍt (ɣar ḥukumiyya) n Defense Forum Foundation, ay d-yelhan s ussuddes n terzi-a.

Ineṣṣaḥen-a n yimaslaḍen n Ucongress ad d-rzun daɣ ɣef Lezzayer Tamaneɣt s uneɛṛuḍ n Useqqamu Aɣelnaw Adzayri n Temsetlelt (taḍamun) d Uɣref Aṣeḥrawi.

Iswi n terzi-a nettat d abdad ɣer yidis n yissutren uzrifen (carɛiyya) n uɣref aṣeḥrawi ay la yettnaɣen i lmend n ugguccelman (taqrir maṣir). Tirzi-a ad d-tessken daɣ d akken wid ad yettekkin deg-s ugin tasertit tameṛṛukit n ussehres, ɣef wakken ay d-tenna tuddsa n Defense Forum Foundation ay la yekkaten i tukksa n ussehres seg Uneẓruf Utrim.

Tirzi-a n ubdad ɣer yidis n uɣref aṣeḥrawi yella-d kra kan n wussan deffir ma yugi uɣlif amarikani n tɣawsiwin n uzɣar ad ttwasqedcen yidrimen ay d-tefka Washington i Meṛṛuk deg lecɣal yerzan ikalen yettwaḍḍfen n Uneẓruf Utrim.

Aɣlif amarikani n tɣawsiwin n uzɣar yenna-d d akken lemɛawna-a ay d-fkan Yiwanaken Yeddukklen n Marikan i Meṛṛuk ur tezmir ara ad tettwasseqdec deg wakal ur yesɛin ara aẓayer usḍif (waḍɛ qanuni) ibanen, ladɣa imi akal-nni yella-d fell-as ukala (masar) i lmend n ugguccelman n uɣref-nnes.