ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵙⵓⵔⵢⴰ: ⵎⴰⵣⴰⵍ ⴱⵖⴰⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴷ ⴷ-ⴱⴷⵓⵏ ⵍⴻⵎⵛⴰⵡⵕⴰⵜ ⵏ ⵜⴰⵍⵡⵉⵜ ⴰⵙⵙ ⵏ 25 ⵢⴻⵏⵏⴰⵢⴻⵔ

ⴳⴻⵏⴻⵠⴻ – ⵢⴻⵏⵏⴰ-ⴷ ⵓⵎⴰⵣⵓⵏ (ⵎⴰⴱⵄⵓⵜ) ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵙⵓⵔⵢⴰ, ⵙⵜⴰⴼⴼⴰⵏ ⴷⴻ ⵎⵉⵙⵜⵓⵔⴰ, ⴰⵙⵙ ⵏ ⵍⴰⵕⴻⴱⵄⴰ, ⴷⴰⴽⴽⴻⵏ ⵎⴰⵣⴰⵍ-ⵉⵜ ⵢⴻⴱⵖⴰ ⴰⴷ ⴱⴷⵓⵏⵜ ⵍⴻⵎⵛⴰⵡⵕⴰⵜ ⵏ ⵜⴰⵍⵡⵉⵜ ⴷⴻⴳ ⴳⴻⵏⴻⵠⴻ ⴰⵙⵙ ⵏ 25 ⵢⴻⵏⵏⴰⵢⴻⵔ. ⴷⴻ ⵎⵉⵙⵜⵓⵔⴰ ⵉⵡⴻⴽⴽⴻⴷ-ⴷ ⴰⵢⴰ ⴷⴻⴼⴼⵉⵔ ⵜⴻⵎⵍⵉⵍⵉⵜ ⵏ ⵓⵙⵙⴻⵡⵊⴻⴷ ⴰⵢⴷⴻⴳ ⵜⵜⴻⴽⴽⴰⵏ ⵢⵉⴳⴻⵏⵙⴰⵙⴻⵏ (ⵎⵓⵎⴰⵜⵜⵉⵍⵉⵏ) ⵏ 5 ⵏ ⵢⵉⵎⴰⵙⵍⴰⴹⴻⵏ ⵉⵎⴻⵖⵍⴰⵍⴻⵏ ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ.

« ⵜⵉⵎⵍⵉⵍⵉⵜ-ⴰ ⵜⴻⵍⵍⴰ-ⴷ ⵍⴰⴷⵖⴰ ⴰⴽⴽⴻⵏ ⴰⴷ ⵏⴰⵥ ⵖⴻⵔ ⵙⴷⴰⵜ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵍⴻⵎⵛⴰⵡⵕⴰⵜ ⵏ ⴳⴻⵏⴻⵠⴻ (…). ⵎⴰⵣⴰⵍ ⵍⵍⴰⵏⵜ ⵜⴻⵎⵙⴰⵍ ⵉⵄⴻⵍⵍⵇⴻⵏ, ⵢⴻⵔⵏⴰ ⵖⴻⴼ ⵡⴰⵢⴰ ⴰⵢ ⵢⴻⵍⵍⴰ ⵢⴻⵙⵙⴻⴼⴽ ⴰⴷ ⵜⴻⵏ-ⵛⵉⵡⵕⴻⵖ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴷⴻ ⵎⵉⵙⵜⵓⵔⴰ ⵉ ⵢⵉⵏⴻⵖⵎⴰⵙⴻⵏ ⴷⴻⴼⴼⵉⵔ ⵜⴻⵎⵍⵉⵍⵉⵜ-ⵏⵏⵉ ⴰⵢ ⴷ-ⵢⴻⵍⵍⴰⵏ ⴷⴻⴳ ⵍⴻⵇⵚⴻⵔ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⴳⴻⵏⴻⵠⴻ.

ⵓⵇⴱⴻⵍ ⴰⵢⴰ, ⴷⵉⵎⴰ ⴰⵙⵙ ⵏ ⵍⴰⵕⴻⴱⵄⴰ, ⵎⴰⵙⵙ ⴷⴻ ⵎⵉⵙⵜⵓⵔⴰ ⵢⴻⵙⵙⴰⵡⴻⵍ ⴷ ⵓⵏⵎⴰⵣⵓⵍ ⵏ ⵓⵏⴻⵖⵍⴰⴼ ⴰⵔⵓⵙⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⴳⵓⴻⵏⵏⴰⴷⵉ ⴳⴰⵜⵉⵍⵧⵠ, ⴷ ⵜⵎⴰⵍⴰⵍⵜ ⵏ ⵓⵏⴻⵖⵍⴰⴼ ⴰⵎⴰⵔⵉⴽⴰⵏⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵉ ⵓⴳⵎⵓⴹ ⴰⵍⴻⵎⵎⴰⵙ, ⴰⵏⵏⴻ ⵒⴰⵜⵜⴻⵔⵙⵧⵏ. « ⵜⴻⵍⵍⴰ-ⴷ ⴷ ⵜⵉⵎⵍⵉⵍⵉⵜ ⵉⴳⴻⵔⵔⵣⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⴳⴻⵏⵙⴰⵙ ⴰⵎⴰⵔⵉⴽⴰⵏⵉ ⵉ ⵜⵏⴻⴳⴳⴰ ⵜⴰⴼⵕⴻⵏⵙⵉⵙⵜ ⵏ ⴰⴼⵒ.

ⵙⵜⴰⴼⴼⴰⵏ ⴷⴻ ⵎⵉⵙⵜⵓⵔⴰ ⵍⴰ ⵉⵄⴻⵔⵔⴻⴹ ⴰⴷ ⵢⴻⵙⵙⴻⵇⵏⴻⵄ ⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴰⴽⴽⴻⵏ ⴰⴷ ⴱⴻⴷⴷⴻⵏ ⵖⴻⵔ ⵢⵉⴷⵉⵙ ⵏ ⵍⴻⵎⵛⴰⵡⵕⴰⵜ ⵏ ⵜⴰⵍⵡⵉⵜ ⴰⵢ ⵢⴻⵙⵙⴻⴼⴽⴻⵏ ⴰⴷ ⴱⴷⵓⵏⵜ ⴰⵙⵙ ⵏ 25 ⵢⴻⵏⵏⴰⵢⴻⵔ ⴷⴻⴳ ⴳⴻⵏⴻⵠⴻ ⴳⴰⵔ ⵢⵉⴳⴻⵏⵙⴰⵙⴻⵏ ⵏ ⵓⵏⴰⴱⴰⴹ (ⵃⵓⴽⵓⵎⴰ) ⴷ ⵜⴻⵏⵎⴻⴳⵍⴰ (ⵎⵓⵄⴰⵔⴰⴹⴰ).

ⴷⴷⵓⵕⵜ ⵢⴻⵣⵔⵉⵏ, ⵉⵄⵓⵀⴻⴷ ⵓⵏⴰⴱⴰⴹ ⴰⵙⵓⵔⵉ ⴰⴷ ⵢⴻⵜⵜⴻⴽⴽⵉ ⴷⴻⴳ ⵍⴻⵎⵛⴰⵡⵕⴰⵜ-ⴰ, ⵎⴰⵛⴰ ⵜⵉⴳⵔⴰⵡⵉⵏ ⵜⵉⵎⴻⵇⵔⴰⵏⵉⵏ ⵏ ⵜⴻⵏⵎⴻⴳⵍⴰ ⵡⴻⵔⵄⴰⴷ ⵓⵔ ⵜⵜ-ⵉⴷ-ⴼⵔⵉⵏⵜ ⴰⵔⴰ ⵖⴻⴼ ⵓⵜⵜⴻⴽⴽⵉ-ⵏⵙⴻⵏⵜ.

ⵎⴻⵏⵖⵉⵔ ⵜⴰⵎⵙⴰⵍⵜ ⵏ ⵍⴻⵎⵛⴰⵡⵕⴰⵜ ⵏ ⵜⴰⵍⵡⵉⵜ, ⵎⴰⵙⵙ ⴷⴻ ⵎⵉⵙⵜⵓⵔⴰ ⴷ ⵢⵉⴳⴻⵏⵙⴰⵙⴻⵏ ⵏ 5 ⵏ ⵢⵉⵎⴰⵙⵍⴰⴹⴻⵏ ⵉⵎⴻⵖⵍⴰⵍⴻⵏ (ⴷⴰ’ⵉⵎⵉⵏ) ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵙⵙⴰⵡⵍⴻⵏ-ⴷ ⴷⴰⵖ ⵖⴻⴼ ⵜⴻⵎⵙⴰⵍⵜ ⵏ ⵓⵙⵙⵉⵡⴻⴹ ⵏ ⵍⴻⵎⵄⴰⵡⵏⴰ ⵉ ⵢⵉⵎⴷⴰⵏⴻⵏ ⵢⴻⵏⴹⴻⵔⵔⴻⵏ ⴷⴻⴳ ⵙⵓⵔⵢⴰ.