ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴰⴷⵍ: 40.000 ⵏ ⵍⴻⵕⵢⵓⵢ ⵏ ⵓⵃⴰⵣⵉ ⵏ ⵜⵏⴻⵣⴷⵓⵖⵜ ⴰⴷ ⵢⴻⵜⵜⵡⴰⴼⴻⵔⵇⴻⵏ ⵉ ⵡⵉⴷ ⵢⴻⵎⵎⴻⵕⴽⴰⵏ ⴷⴻⴳ 2001-2002

ⵍⴻⵣⵣⴰⵢⴻⵔ ⵜⴰⵎⴰⵏⴻƔⵜ – ⴰⵣⴰⵍ ⵏ 40.000 ⵏ ⵍⴻⵕⵢⵓⵢ ⵏ ⵓⵃⴰⵣⵉ ⵏ ⵜⵏⴻⵣⴷⵓⵖⵜ ⴰⴷ ⵢⴻⵜⵜⵡⴰⴼⴻⵔⵇⴻⵏ ⴷⴻⴳ 2016 ⵉ ⵡⵉⴷ ⵢⴻⵎⵎⴻⵕⴽⴰⵏ ⴷⴻⴳ ⵡⴰⵀⵉⵍ ⵏ ⵜⵉⵖⵉⵏ ⵙ ⵍⴻⴽⵔⴰ ⵏ 2001-2002, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ ⴰⵎⴰⵜⵓ ⵏ ⵜⵏⴻⴳⴳⴰ ⵏ ⵓⵙⵙⴻⵍⵀⵓ ⴷ ⵓⵙⵏⴻⴼⵍⵉ ⵏ ⵜⵏⴻⵣⴷⵓⵖⵜ (ⴰⴰⴷⵍ), ⵎⵧⵀⴰⵎⴻⴷ ⵜⴰⵔⴻⴽ ⴱⴻⵍⴰⵔⵉⴱⵉ.

« 40.000 ⵏ ⵍⴻⵕⵢⵓⵢ ⵏ ⵓⵃⴰⵣⵉ ⵏ ⵜⵏⴻⵣⴷⵓⵖⵜ ⴰⴷ ⵢⴻⵜⵜⵓⵏⴻⴼⴽⴻⵏ ⵙⴻⴳ 8 ⴼⵓⵕⴰⵕ ⴷ ⴰⵙⴰⵡⴻⵏ, ⵉ ⵡⵉⴷ ⴰⵢ ⵢⴻⵎⵎⴻⵕⴽⴰⵏ ⴷⴻⴳ ⵡⴰⵀⵉⵍ ⵏ ⴰⴰⴷⵍ ⵏ 2001-2002, ⵢⴻⵔⵏⴰ ⴳⴰⵔ 1000 ⴷ 1500 ⵏ ⵍⴻⵕⵢⵓⵢ ⴰⴷ ⵢⴻⵜⵜⵡⴰⴼⵔⴰⵇⴻⵏ ⴷⴻⴳ ⴷⴷⵓⵕⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⴻⵍⴰⵔⵉⴱⵉ ⴷⴻⴳ ⵢⵉⵡⴻⵜ ⵏ ⵜⴷⵉⵡⴻⵏⵏⵉⵜ ⴷ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ.

« ⵏⴻⵙⵙⴻⵎⵍⴰⵍ-ⴷ ⴰⴽⴽ ⵜⵜⴰⵡⵉⵍⴰⵜ ⵉⵍⵓⵊⵉⵙⵜⵉⵢⴻⵏ ⵉ ⵡⴰⵏⴻⵛⵜ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵎⴰⵙⵙ ⴱⴻⵍⴰⵔⵉⴱⵉ.

ⵉ ⵓⵙⵎⴻⴽⵜⵉ, ⵜⴰⵏⴻⴳⴳⴰ-ⴰ (ⵡⴰⴽⴰⵍⴰ) ⵜⵀⴻⵢⵢⴰ-ⴷ ⵓⵎⵓⵖ ⵏ ⵡⵉⴷ ⵢⴻⵎⵎⴻⵕⴽⴰⵏ ⴷⴻⴳ 2001-2002 ⵢⴻⵔⵏⴰ ⵜⴻⵔⵣⴰ-ⵜⴻⵏ ⵜⴻⵎⵙⴰⵍⵜ-ⴰ, ⵢⴻⵔⵏⴰ ⵜⵙⴻⵜⵜⴻⴼ-ⵉⵜⴻⵏ ⵖⴻⴼ ⵍⴻⵃⵙⴰⴱ ⵏ ⵓⵣⴻⵎⵣ (ⵜⴰⵔⵉⵅ) ⵏ ⵓⵎⵎⴻⵕⴽⵉ-ⵏⵙⴻⵏ, ⵙ ⵓⵃⴷⴰⵕ ⵏ ⵓⵍⵓⵙⵉ ⵏ ⵜⴻⵖⴷⴻⵎⵜ ⴰⴽⴽⴻⵏ ⴰⴷ ⵢⴻⴹⵎⴻⵏ ⵜⴻⵣⴷⴻⴳ ⵏ ⵛⵛⵖⴻⵍ-ⴰ.

ⵍⴽⴰⵖⴻⴹ ⵏ ⵕⵕⴰⵢ ⵏ ⵓⵃⴰⵣⵉ ⵏ ⵜⵏⴻⵣⴷⵓⵖⵜ ⵉ ⴱⴰⴱ-ⵏⵏⴻⵙ ⴰⴷ ⴷ-ⵢⴻⴱⴷⴻⵔ ⴰⵎⴽⴰⵏ ⴰⵢⴷⴻⴳ ⴷ-ⵜⴻⵣⴳⴰ ⵜⵏⴻⵣⴷⵓⵖⵜ ⴷ ⵡⴰⴽⴽ ⵜⵜⴼⴰⵚⵉⵍ ⵏ ⵜⵏⴻⵣⴷⵓⵖⵜ-ⵏⵏⵉ (ⴰⵎⴹⴰⵏ ⵏ ⵜⴻⵅⵅⴰⵎⵉⵏ, ⴰⵏⵏⴰⴳ [ⵟⴰⴱⴰⵇ], ⴰⵜⴳ.). ⵉⵎⴻⵙⴼⴰⵢⴷⵉⵢⴻⵏ ⵣⴻⵎⵔⴻⵏ ⴰⴷ ⵔⵣⵓⵏ ⵖⴻⴼ ⵜⵏⴻⵣⴷⵓⵖⵉⵏ-ⵏⵙⴻⵏ ⴰⴽⴽⴻⵏ ⴽⴰⵏ ⴰⴷ ⴰⵙⴻⵏ-ⴷ-ⴼⴽⴻⵏ ⵍⴻⵕⵢⵓⵢ-ⵏⵙⴻⵏ ⵏ ⵓⵃⴰⵣⵉ, ⵍⴰⴷⵖⴰ ⵉⵎⵉ ⵕⵕⴰⵢ-ⴰ ⴰⴷ ⴷ-ⵢⴻⵜⵜⵓⵏⴻⴼⴽ ⵎⵉ ⴰⴷ ⵢⴰⵡⴻⴹ ⵍⴻⴱⵏⵉ ⵏ ⵜⵏⴻⵣⴷⵓⵖⵜ-ⵏⵏⵉ ⵖⴻⵔ ⵏⵏⵉⴳ 70%.

ⵡⵉⴷ ⵓⵎⵉ ⴰⴷ ⴷ-ⴼⴽⴻⵏ ⵕⵕⴰⵢ ⵏ ⵓⵃⴰⵣⵉ ⵢⴻⵙⵙⴻⴼⴽ ⴰⴷ ⵅⴻⵍⵍⵚⴻⵏ ⴰⵃⵔⵉⵛ ⵡⵉⵙ 3 ⵏ ⵙⵙⵓⵎⴰ ⵏ ⵜⵏⴻⵣⴷⵓⵖⵜ-ⵏⵙⴻⵏ, ⵢⴻⵔⵏⴰ ⴰⵃⵔⵉⵛ-ⴰ ⴷ 5% ⵙⴻⴳ ⵓⵊⴻⵎⵎⴰⵍ ⵏ ⵙⵙⵓⵎⴰ ⵏ ⵜⵏⴻⵣⴷⵓⵖⵜ-ⵏⵏⵉ (105.000 ⵏ ⵢⵉⴷⵉⵏⴰⵕⴻⵏ ⵉ ⵜⵏⴻⵣⴷⵓⵖⵜ ⵏ 3 ⵏ ⵜⴻⵅⵅⴰⵎⵉⵏ ⴷ 135.000 ⵏ ⵢⵉⴷⵉⵏⴰⵕⴻⵏ ⵉ ⵜⵏⴻⵣⴷⵓⵖⵜ ⵏ 4 ⵏ ⵜⴻⵅⵅⴰⵎⵉⵏ).

ⴰⵢⴰ ⴰⴷ ⴷ-ⵢⵉⵍⵉ ⵙ ⵓⵙⵙⴻⴼⵄⴻⵍ ⵏ ⵍⵇⴰⵏⵓⵏ ⴰⵙⵍⴻⴽⵎⴰⵏ (ⵜⴰⵏⴼⵉⴷⵉ) ⴰⵢ ⵢⴻⵙⵜⴻⵏⵢⴰ ⵓⵏⴻⵖⵍⴰⴼ ⴰⵎⴻⵏⵣⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ, ⴷⴻⴳ ⵜⴳⴰⵔⴰ ⵏ ⴷⵓⵊⴻⵎⴱⴻⵕ ⵏ 2015, ⵢⴻⵔⵏⴰ ⵢⴻⵙⵙⴻⴼⵔⴰ-ⴷ ⴰⵅⴻⵍⵍⴻⵚ ⵏ 10% ⵙⴻⴳ ⵙⵙⵓⵎⴰ ⵏ ⵜⵏⴻⵣⴷⵓⵖⵜ ⴷⴻⴼⴼⵉⵔ ⵓⵇⴱⴰⵍ ⵏ ⵓⵙⵙⵓⵜⴻⵔ ⴷⴻⴳ ⴰⴰⴷⵍ, 5% ⵎⵉ ⴰⴷ ⵢⴻⴱⴷⵓ ⵍⴻⴱⵏⵉ, ⴷ 5% ⵎⵉ ⴰⴷ ⴷ-ⵜⴻⵜⵜⵡⴰⵃⴰⵣ ⵜⵏⴻⵣⴷⵓⵖⵜ ⵉ ⴱⴰⴱ-ⵏⵏⴻⵙ ⴷ 5% ⵎⵉ ⴰⴷ ⵢⴰⴷⴻⴼ ⴱⴰⴱ ⵏ ⵜⵏⴻⵣⴷⵓⵖⵜ ⵖⴻⵔ ⵜⵏⴻⵣⴷⵓⵖⵜ-ⵏⵏⴻⵙ.

ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵉⵛⴰⵏⵟⵉⵢⴻⵏ ⵏ ⵡⵍⴰⴷ ⴼⴰⵢⴻⵜ, ⴵⵏⴰⵏ ⵙⵙⴼⴰⵔⵉ, ⵔⵔⵖⴰⵢⴰ, ⵙⵉⴷⵉ ⵄⴻⴱⴷⴻⵍⵍⴰⵀ ⴷ ⴱⵡⵉⵏⴰⵏ ⵓⵥⴰⵏ ⵎⵍⵉⵃ ⵢⴻⵔⵏⴰ ⵙ ⵓⵏⵢⴰ (ⵡⴰⵜⵉⵔⴰ) ⵢⴻⵍⵀⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ ⴰⵎⴰⵜⵓ ⵏ ⴰⴰⴷⵍ, ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵙⴻⴳ ⵎⴻⵍⵎⵉ ⴽⴰⵏ ⴰⵢ ⴱⴷⴰⵏ ⵍⴰ ⴱⴻⵏⵏⵓⵏ ⵉⴱⵔⵉⴷⴻⵏ ⴷ ⵢⵉⵥⴻⴹⵡⴰⵏ ⵢⴻⵎⴳⴻⵔⵔⴰⴷⴻⵏ ⴷⴻⴳ ⴽⵔⴰ ⵙⴻⴳ ⵢⵉⵛⴰⵏⵟⵉⵢⴻⵏ-ⴰ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵡⵉⴷ ⵢⴻⵎⵎⴻⵕⴽⴰⵏ ⵖⴻⵔ ⵡⴰⵀⵉⵍ ⵏ ⴰⴰⴷⵍ ⴷⴻⴳ 2013, ⴰⴼⵔⴰⵏ ⵏ ⵢⵉⵎⵓⴽⴰⵏ ⵏ ⵜⵏⴻⵣⴷⵓⵖⵜ ⵙ ⵉⵏⵜⴻⵔⵏⴻⵜ ⴰⴷ ⵢⴻⴱⴷⵓ ⴷⴻⴳ 11 ⵎⴻⵖⵔⴻⵙ, ⵓⵇⴱⴻⵍ ⵎⴰ ⵢⴻⵜⵜⵓⵏⴻⴼⴽ-ⴰⵙⴻⵏ ⵍⴰⵎⴻⵕ ⵏ ⵓⵅⴻⵍⵍⴻⵚ ⵏ ⵓⵃⵔⵉⵛ ⵡⵉⵙ ⵙⵉⵏ.

ⵍⴻⵕⵢⵓⵢ ⵏ ⵓⵃⴰⵣⵉ ⵏ ⵜⵏⴻⵣⴷⵓⵖⵜ ⴰⴷ ⵜⵜⵓⵏⴻⴼⴽⴻⵏ ⵙⴻⴳ 31 ⵎⴰⵢⵓ ⴷ ⴰⵙⴰⵡⴻⵏ ⵉ ⵡⵉⴷ ⴰⴷ ⴷ-ⵢⴻⵙⴼⴰⵢⴷⵉⵏ ⵙⴻⴳ ⵓⵎⵓⵔ ⴰⵎⴻⵣⵡⴰⵔⵓ ⵏ ⵜⵏⴻⵣⴷⵓⵖⵉⵏ ⴰⴷ ⴷ-ⵉⵡⴻⵊⴷⴻⵏ (ⵜⵉⴷ ⴰⴷ ⵢⴰⵡⴹⴻⵏ ⵖⴻⵔ 70% ⴷⴻⴳ ⵍⴻⴱⵏⵉ).

ⴰⴷ ⴷ-ⵉⵍⵉⵏⵜ ⵜⴻⵎⵀⴰⵍ (ⵄⴰⵎⴰⵍⵉⵢⵢⴰⵜ) ⵏⵉⴹⴻⵏ ⵏ ⵓⴼⵔⴰⵏ ⵏ ⵓⵎⴽⴰⵏ ⵏ ⵜⵏⴻⵣⴷⵓⵖⵜ ⵉ ⵡⵉⴷ ⵢⴻⵎⵎⴻⵕⴽⴰⵏ ⴷⴻⴳ 2013. ⵉ ⵓⵙⵎⴻⴽⵜⵉ, ⴰⵣⴰⵍ ⵏ 420.000 ⵏ ⵢⵉⵎⴷⴰⵏⴻⵏ ⴰⵢ ⴷ-ⵢⴻⵎⵎⴻⵕⴽⴰⵏ ⵉⵎⴰⵏ-ⵏⵙⴻⵏ ⴰⵙⴻⴳⴳⴰⵙ-ⵏⵏⵉ.

ⵎⴰ ⴷ ⵡⵉⴷ ⴰⵢ ⴷ-ⵢⴻⵎⵎⴻⵕⴽⴰⵏ ⵖⴻⵔ ⵡⴰⵀⵉⵍ ⵏ ⴰⴰⴷⵍ ⵏ 2013 ⴷⴻⴳ ⵜⵡⵉⵍⴰⵢⵉⵏ ⵏⵉⴹⴻⵏ, ⴰⴷ ⴰⵙⴻⵏ-ⴷ-ⵢⴻⵜⵜⵓⵏⴻⴼⴽ ⵕⵕⴰⵢ ⵏ ⵓⵃⴰⵣⵉ ⵏ ⵜⵏⴻⵣⴷⵓⵖⵜ ⵙⵔⵉⴷ, ⵉⵎⵉ ⴰⵢ ⵇⵔⵉⴱ ⴰⴷ ⴼⴰⴽⴻⵏⵜ ⵜⵏⴻⵣⴷⵓⵖⵉⵏ-ⵏⵙⴻⵏ ⵙ ⵍⴻⴱⵏⵉ.