Asebter amenzawi

SNVI: assebded n tegrawt n uxeddim i uṣeggem n teṛmist-a

LEZZAYER TAMANEɣT – Yessebded-d uneɣlaf n temguri (ṣinaɛa), ass n lexmis, tagrawt n uxeddim i ferru n uɣawas (muxaṭṭaṭ) uɛjil n Teṛmist Taɣelnawt n Yimseddayen Imguranen (SNVI).

Aya yella-d s ussefɛel n tneɣtusin (qararat) ay yeddem Useqqamu Agraɣlif ay yemlalen deg tgara n Dujembeṛ yezrin i uheyyi n uɣawas uɛjil i lfayda n Teṛmist Taɣelnawt n Yimseddayen Imguranen. Dɣa, i lmend n waya, tella-d temlilit ass n lexmis deg uɣlif n temguri ddaw tselwit n uneɣlaf Mass Bouchouareb, i lmend n ussebded n tegrawt ad ixedmen ɣef uɣawas-a, ɣef wakken ay d-yenna yiwen n ulɣu (bayan) n uɣlif-a.

Aɣawas-a uɛjil iḥuza-d 3 n yiswiren. Amezwaru d asduqqes n ufares (intaǧ) akken ad yaweḍ ɣer uswir yettwaqbalen, ad yesseṛwu assuter n yimsaɣen (zaba’in), imi ay llan kra d iseggasen aya seg wasmi ay la ttṛajun ad ten-id-yaweḍ wayen ay d-ssutren.

Aswir wis sn netta d ferru n wugur n ḍḍlaba ay tettwalas teṛmist-a tanagdudt (ɛumumiyya) akken ur iḥebbes ara uxeddim-nnes.

Aswir wis 3 d aheyyi n tegnatin iwatan i uṣerref n umarud (mizaniyya) n 2016 (12,25 n yimelyaṛen n yidinaṛen) i tiɣin n wayen teḥwaǧ teṛmist-a seg tmurt d waǧaw n wayen teḥwaǧ seg uzɣar.