ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵙⵏⵠⵉ: ⴰⵙⵙⴻⴱⴷⴻⴷ ⵏ ⵜⴻⴳⵔⴰⵡⵜ ⵏ ⵓⵅⴻⴷⴷⵉⵎ ⵉ ⵓⵚⴻⴳⴳⴻⵎ ⵏ ⵜⴻⵕⵎⵉⵙⵜ-ⴰ

ⵍⴻⵣⵣⴰⵢⴻⵔ ⵜⴰⵎⴰⵏⴻƔⵜ – ⵢⴻⵙⵙⴻⴱⴷⴻⴷ-ⴷ ⵓⵏⴻⵖⵍⴰⴼ ⵏ ⵜⴻⵎⴳⵓⵔⵉ (ⵚⵉⵏⴰⵄⴰ), ⴰⵙⵙ ⵏ ⵍⴻⵅⵎⵉⵙ, ⵜⴰⴳⵔⴰⵡⵜ ⵏ ⵓⵅⴻⴷⴷⵉⵎ ⵉ ⴼⴻⵔⵔⵓ ⵏ ⵓⵖⴰⵡⴰⵙ (ⵎⵓⵅⴰⵟⵟⴰⵟ) ⵓⵄⵊⵉⵍ ⵏ ⵜⴻⵕⵎⵉⵙⵜ ⵜⴰⵖⴻⵍⵏⴰⵡⵜ ⵏ ⵢⵉⵎⵙⴻⴷⴷⴰⵢⴻⵏ ⵉⵎⴳⵓⵔⴰⵏⴻⵏ (ⵙⵏⵠⵉ).

ⴰⵢⴰ ⵢⴻⵍⵍⴰ-ⴷ ⵙ ⵓⵙⵙⴻⴼⵄⴻⵍ ⵏ ⵜⵏⴻⵖⵜⵓⵙⵉⵏ (ⵇⴰⵔⴰⵔⴰⵜ) ⴰⵢ ⵢⴻⴷⴷⴻⵎ ⵓⵙⴻⵇⵇⴰⵎⵓ ⴰⴳⵔⴰⵖⵍⵉⴼ ⴰⵢ ⵢⴻⵎⵍⴰⵍⴻⵏ ⴷⴻⴳ ⵜⴳⴰⵔⴰ ⵏ ⴷⵓⵊⴻⵎⴱⴻⵕ ⵢⴻⵣⵔⵉⵏ ⵉ ⵓⵀⴻⵢⵢⵉ ⵏ ⵓⵖⴰⵡⴰⵙ ⵓⵄⵊⵉⵍ ⵉ ⵍⴼⴰⵢⴷⴰ ⵏ ⵜⴻⵕⵎⵉⵙⵜ ⵜⴰⵖⴻⵍⵏⴰⵡⵜ ⵏ ⵢⵉⵎⵙⴻⴷⴷⴰⵢⴻⵏ ⵉⵎⴳⵓⵔⴰⵏⴻⵏ. ⴷⵖⴰ, ⵉ ⵍⵎⴻⵏⴷ ⵏ ⵡⴰⵢⴰ, ⵜⴻⵍⵍⴰ-ⴷ ⵜⴻⵎⵍⵉⵍⵉⵜ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵓⵖⵍⵉⴼ ⵏ ⵜⴻⵎⴳⵓⵔⵉ ⴷⴷⴰⵡ ⵜⵙⴻⵍⵡⵉⵜ ⵏ ⵓⵏⴻⵖⵍⴰⴼ ⵎⴰⵙⵙ ⴱⵧⵓⵛⵀⵧⵓⴰⵔⴻⴱ, ⵉ ⵍⵎⴻⵏⴷ ⵏ ⵓⵙⵙⴻⴱⴷⴻⴷ ⵏ ⵜⴻⴳⵔⴰⵡⵜ ⴰⴷ ⵉⵅⴻⴷⵎⴻⵏ ⵖⴻⴼ ⵓⵖⴰⵡⴰⵙ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ (ⴱⴰⵢⴰⵏ) ⵏ ⵓⵖⵍⵉⴼ-ⴰ.

ⴰⵖⴰⵡⴰⵙ-ⴰ ⵓⵄⵊⵉⵍ ⵉⵃⵓⵣⴰ-ⴷ 3 ⵏ ⵢⵉⵙⵡⵉⵔⴻⵏ. ⴰⵎⴻⵣⵡⴰⵔⵓ ⴷ ⴰⵙⴷⵓⵇⵇⴻⵙ ⵏ ⵓⴼⴰⵔⴻⵙ (ⵉⵏⵜⴰⴵ) ⴰⴽⴽⴻⵏ ⴰⴷ ⵢⴰⵡⴻⴹ ⵖⴻⵔ ⵓⵙⵡⵉⵔ ⵢⴻⵜⵜⵡⴰⵇⴱⴰⵍⴻⵏ, ⴰⴷ ⵢⴻⵙⵙⴻⵕⵡⵓ ⴰⵙⵙⵓⵜⴻⵔ ⵏ ⵢⵉⵎⵙⴰⵖⴻⵏ (ⵣⴰⴱⴰ’ⵉⵏ), ⵉⵎⵉ ⴰⵢ ⵍⵍⴰⵏ ⴽⵔⴰ ⴷ ⵉⵙⴻⴳⴳⴰⵙⴻⵏ ⴰⵢⴰ ⵙⴻⴳ ⵡⴰⵙⵎⵉ ⴰⵢ ⵍⴰ ⵜⵜⵕⴰⵊⵓⵏ ⴰⴷ ⵜⴻⵏ-ⵉⴷ-ⵢⴰⵡⴻⴹ ⵡⴰⵢⴻⵏ ⴰⵢ ⴷ-ⵙⵙⵓⵜⵔⴻⵏ.

ⴰⵙⵡⵉⵔ ⵡⵉⵙ ⵙⵏ ⵏⴻⵜⵜⴰ ⴷ ⴼⴻⵔⵔⵓ ⵏ ⵡⵓⴳⵓⵔ ⵏ ⴹⴹⵍⴰⴱⴰ ⴰⵢ ⵜⴻⵜⵜⵡⴰⵍⴰⵙ ⵜⴻⵕⵎⵉⵙⵜ-ⴰ ⵜⴰⵏⴰⴳⴷⵓⴷⵜ (ⵄⵓⵎⵓⵎⵉⵢⵢⴰ) ⴰⴽⴽⴻⵏ ⵓⵔ ⵉⵃⴻⴱⴱⴻⵙ ⴰⵔⴰ ⵓⵅⴻⴷⴷⵉⵎ-ⵏⵏⴻⵙ.

ⴰⵙⵡⵉⵔ ⵡⵉⵙ 3 ⴷ ⴰⵀⴻⵢⵢⵉ ⵏ ⵜⴻⴳⵏⴰⵜⵉⵏ ⵉⵡⴰⵜⴰⵏ ⵉ ⵓⵚⴻⵔⵔⴻⴼ ⵏ ⵓⵎⴰⵔⵓⴷ (ⵎⵉⵣⴰⵏⵉⵢⵢⴰ) ⵏ 2016 (12,25 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ) ⵉ ⵜⵉⵖⵉⵏ ⵏ ⵡⴰⵢⴻⵏ ⵜⴻⵃⵡⴰⴵ ⵜⴻⵕⵎⵉⵙⵜ-ⴰ ⵙⴻⴳ ⵜⵎⵓⵔⵜ ⴷ ⵡⴰⴵⴰⵡ ⵏ ⵡⴰⵢⴻⵏ ⵜⴻⵃⵡⴰⴵ ⵙⴻⴳ ⵓⵣⵖⴰⵔ.