ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵙⴻⴼⵄⴻⵍ ⵏ ⵓⵎⵜⴰⵡⴰ ⵖⴻⴼ ⵢⵉⵎⵉⵖⴻⵙ ⵏ ⵉⵕⴰⵏ: ⴷ ⵜⴰⵍⵍⵉⵜ ⵜⴰⵎⴰⵢⵏⵓⵜ ⴷⴻⴳ ⵡⴰⵙⵙⴰⵖⴻⵏ ⵉⴳⵔⴰⵖⵍⴰⵏⴻⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵎⵜⴰⵡⴰ (ⵉⵜⵜⵉⴼⴰⵇ) ⵖⴻⴼ ⵡⴰⵀⵉⵍ ⵉⵎⵉⵖⴻⵙ (ⵏⴰⵡⴰⵡⵉ) ⵏ ⵉⵕⴰⵏ ⴷ ⵜⴰⴷⵢⴰⵏⵜ ⴰⵢ ⵢⵓⴷⴼⴻⵏ ⴰⵎⴻⵣⵔⵓⵢ ⵍⴰⴷⵖⴰ ⵉⵎⵉ ⴰⵢ ⵢⴻⵜⵜⵡⴰⵙⵙⴻⴼⵄⴻⵍ ⴰⵙⵙ ⵏ ⵙⵙⴻⴱⵜ. ⴷⵖⴰ ⴷ ⴰⵢⴰ ⴰⵢ ⴷ-ⵢⴻⴱⴷⴰⵏ ⵜⴰⵍⵍⵉⵜ ⵜⴰⵎⴰⵢⵏⵓⵜ ⴷⴻⴳ ⵡⴰⵙⵙⴰⵖⴻⵏ ⵉⴳⵔⴰⵖⵍⴰⵏⴻⵏ ⴷⴻⴼⴼⵉⵔ ⵎⴰ ⵢⴻⵜⵜⵡⴰⴽⴽⴻⵙ ⵓⵄⴰⵇⴻⴱ ⴰⴷⴰⵎⵙⴰⵏ ⴰⵢ ⴷ-ⵃⴻⵜⵜⵎⴻⵏⵜ ⵜⵎⵓⵔⴰ ⵜⵓⵜⵔⵉⵎⵉⵏ ⵖⴻⴼ ⵟⴻⵀⵔⴰⵏ ⴷ ⵉⵙⴻⴳⴳⴰⵙⴻⵏ ⴰⵢⴰ.

6 ⵏ ⵡⴰⵢⵢⵓⵔⴻⵏ ⴷⴻⴼⴼⵉⵔ ⵎⴰ ⵢⴻⵜⵜⵡⴰⵙⵜⴻⵏⵢⴰ ⵓⵎⵜⴰⵡⴰ ⵉⵎⵉⵖⴻⵙ ⴷⴻⴳ ⵠⵉⴻⵏⵏⴰ (ⴷⴻⴼⴼⵉⵔ ⵍⴻⵎⵛⴰⵡⵕⴰⵜ ⴷ ⵜⵉⵖⴻⵣⴼⴰⵏⵉⵏ), ⵜⵡⴻⴽⴽⴻⴷ-ⴷ ⵜⵏⴻⴳⴳⴰ (ⵡⴰⴽⴰⵍⴰ) ⵜⴰⴳⵔⴰⵖⵍⴰⵏⵜ ⵏ ⵜⴻⵥⵡⴻⵔⵜ ⵜⴰⴱⴻⵍⴽⵉⵎⴰⵏⵜ ⴷ ⴰⴽⴽⴻⵏ ⵟⴻⵀⵔⴰⵏ ⵜⵇⵓⴷⴻⵔ ⴰⴽⴽ ⴰⵢⴻⵏ ⴰⵢ ⴷ-ⵢⴻⵜⵜⵡⴰⵃⴻⵜⵜⵎⴻⵏ ⴼⴻⵍⵍ-ⴰⵙ ⴰⴽⴽⴻⵏ ⵜⴻⴼⴽ ⵜⵜⴱⵓⵜ ⴷ ⴰⴽⴽⴻⵏ ⴰⵀⵉⵍ-ⵏⵏⴻⵙ ⵉⵎⵉⵖⴻⵙ ⵓⵔ ⵢⴻⵜⵜⵡⴰⵙⵙⴻⵅⴷⴰⵎ ⴰⵔⴰ ⵉ ⵟⵟⵔⴰⴷ, ⴷⵖⴰ ⴷ ⴰⵢⴰ ⴰⵢ ⵉⴼⵓⴽⴻⵏ ⵢⵉⵡⴻⵜ ⵏ ⵜⴰⵍⵓⴼⵜ ⴰⵢ ⵢⴻⴹⴹⴼⴻⵏ ⵓⴳⴰⵔ ⵏ 13 ⵏ ⵢⵉⵙⴻⴳⴳⴰⵙⴻⵏ.

« ⵉⵕⴰⵏ ⵜⵇⵓⴷⴻⵔ ⴰⵢⴻⵏ ⴰⵢⵢⴻⵙ ⵜⵄⵓⵀⴻⴷ, ⵢⴻⵔⵏⴰ ⴰⵙⵙ-ⴰ, ⴰⵄⴰⵇⴻⴱ ⴰⴷⴰⵎⵙⴰⵏ ⴷ ⵓⴷⵔⵉⵎⴰⵏ ⴰⵢ ⴷ-ⵃⴻⵜⵜⵎⴻⵏ ⴼⴻⵍⵍ-ⴰⵙ ⵢⵉⴷⵉⵙⴰⵏ ⴷ ⵜⵎⵓⵔⴰ ⵏⵉⴹⴻⵏ ⵖⴻⴼ ⵍⴵⴰⵍ ⵏ ⵡⴰⵀⵉⵍ-ⴰ ⵢⴻⵜⵜⵡⴰⴽⴽⴻⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⴼⴻⴷⴻⵔⵉⵛⴰ ⵎⵧⴳⵀⴻⵔⵉⵏⵉ (ⵏ ⵜⴷⵓⴽⵍⵉ ⵜⵓⵕⵓⴼⵉⵜ) ⴷ ⵎⵧⵀⴰⵎⵎⴰⴷ ⵊⴰⵠⴰⴷ ⵣⴰⵔⵉⴼ, ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ (ⵜⴰⵚⵔⵉⵃ) ⵓⵛⵔⵉⴽ ⴷⴻⴳ ⵠⵉⴻⵏⵏⴰ.

ⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⵏ ⵜⴻⵎⵔⵉⴽⵜ, ⵜⴰⴷⵓⴽⵍⵉ ⵜⵓⵕⵓⴼⵉⵜ ⴷ ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵏⵏⴰⵏ-ⴷ ⴷ ⴰⴽⴽⴻⵏ ⵕⵕⴰⵢ-ⴰ ⴰⴷ ⵢⴻⵜⵜⵡⴰⵙⵙⴻⴼⵄⴻⵍ ⵡⴰⵔ ⵍⴻⵄⴹⵉⵍ. ⵎⴰ ⴷ ⴰⵙⴻⵍⵡⴰⵢ ⵉⵕⴰⵏⵉ ⵀⴰⵙⵙⴰⵏ ⵔⵧⵀⴰⵏⵉ ⴷⵉⵏⴷⵉⵏ ⴽⴰⵏ ⵢⴻⵙⵜⴻⵕⵃⴻⴱ ⵙ « ⵜⵔⴻⵏⵏⴰⵡⵜ-ⴰ (ⵉⵏⵜⵉⵚⴰⵔ) ⵜⴰⵎⴰⵏⴳⴰⵏⵜ » ⵉ « ⵓⵖⵔⴻⴼ » ⵉⵕⴰⵏⵉ.

« ⴰⵙⵙ-ⴰ (…), ⴰⵎⴰⴹⴰⵍ ⵙ ⵍⴻⴽⵎⴰⵍ-ⵏⵏⴻⵙ ⵜⴻⵍⵍⴰ ⴷⴻⴳ-ⵙ ⵓⴳⴰⵔ ⵏ ⵜⵖⴻⵍⵍⵉⵙⵜ (ⴰⵎⵏ) ⵉⵎⵉ ⴰⵢ ⵜⴻⵏⵇⴻⵙ ⵜⵓⴳⴳⵣⴰ (ⵜⴰⵀⴷⵉⴷ) ⵏ ⵍⴻⵙⵍⴰⵃ ⴰⴱⴻⵍⴽⴰⵎⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵊⵧⵀⵏ ⴽⴻⵔⵔⵢ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⴷⴻⴳ ⵠⵉⴻⵏⵏⴰ, ⵢⴻⵔⵏⴰ ⴽⴻⵔⵔⵢ ⴷ ⵢⵉⵡⴻⵏ ⵙⴻⴳ ⵢⵉⵏⴻⵎⵛⵉⵡⵕⴻⵏ ⵉⵎⴻⵇⵔⴰⵏⴻⵏ ⴰⵢ ⵉⵅⴻⴷⵎⴻⵏ ⵉ ⵍⵎⴻⵏⴷ ⵏ ⵓⵙⵙⵉⵡⴻⴹ ⵖⴻⵔ ⵓⵎⵜⴰⵡⴰ-ⵏⵏⵉ ⴰⵢ ⵢⴻⵜⵜⵡⴰⵙⵜⴻⵏⵢⴰⵏ ⴰⵙⵙ ⵏ 14 ⵢⵓⵍⵢⵓ 2015.

ⴰⵎⵜⴰⵡⴰ-ⴰ ⴷ « ⵔⵔⴱⴻⵃ ⴰⴷ ⵢⴰⴷⴼⴻⵏ ⴷⴻⴳ ⵓⵎⴻⵣⵔⵓⵢ ⵏ ⵜⴷⵉⵒⵍⵓⵎⴰⵜⵉⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴰⵍⵎⴰⵏⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⴼⵔⴰⵏⴽ-ⵡⴰⵍⵜⴻⵔ ⵙⵜⴻⵉⵏⵎⴻⵉⴻⵔ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⴱⴷⴰⵏⵜ ⵉⵕⴰⵏ ⴷ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⵢⵉⵡⴻⵏ ⵏ ⵓⴽⴰⵍⴰ ⵏ ⵓⵎⵇⴰⵔⴻⴱ ⵢⴻⵔⵏⴰ ⵉⴱⴰⵏ-ⴷ ⵡⴰⵢⴰ ⵙ ⵓⵙⴻⵔⵔⴻⵃ ⴰⵢ ⴷ-ⵜⵙⴻⵔⵔⴻⵃ ⵉⵕⴰⵏ ⵉ 4 ⵏ ⵢⵉⵕⴰⵏⵉⵢⴻⵏ-ⵉⵎⴰⵔⵉⴽⴰⵏⵉⵢⴻⵏ ⴰⵢ ⵢⴻⵜⵜⵡⴰⵃⴻⴱⵙⴻⵏ ⴷⴻⴳ ⵉⵕⴰⵏ, ⴳⴰⵔ-ⴰⵙⴻⵏ ⵢⵉⵡⴻⵏ ⵏ ⵓⵏⴻⵖⵎⴰⵙ ⵏ ⵡⴰⵙⵀⵉⵏⴳⵜⵧⵏ ⵒⵧⵙⵜ, ⵊⴰⵙⵧⵏ ⵔⴻⵣⴰⵉⴰⵏ. ⵎⴰ ⴷ ⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⴱⵔⴰⵏ-ⴷ ⵉ 7 ⵏ ⵢⵉⵕⴰⵏⵉⵢⴻⵏ ⴰⵢ ⵢⴻⵜⵜⵡⴰⴹⴹⴼⴻⵏ ⵖⴻⵔ-ⵙ.